Morgunblaðið - 14.12.2001, Blaðsíða 14

HÖFUÐBORGARSVÆÐIÐ
14 FÖSTUDAGUR 14. DESEMBER 2001 MORGUNBLAÐIÐ
MIKIL andstaða kom fram
við nýjar tillögur að deili-
skipulagi Hrólfsskálamels á
Seltjarnarnesi á kynningar-
fundi sem haldinn var í Val-
húsaskóla á miðvikudags-
kvöld. Arkitektafélag Ís-
lands hefur óskað eftir
skýringum á því hvers
vegna bærinn hyggst ekki
byggja eftir verðlaunatillögu
í samkeppni um svæðið,
þvert á fyrri yfirlýsingar
þar um.
Morgunblaðið greindi frá
því í lok október að skipu-
lagsnefnd Seltjarnarness
hefði ákveðið að mæla með
því að gengið yrði til samn-
inga við Íslenska aðalverk-
taka um uppbyggingu svæð-
isins en tillaga þeirra að
skipulaginu var unnin af
Kanon-arkitektum, sem
urðu í þriðja sæti í keppn-
inni á móti öðrum. Var haft
eftir Ernu Nielsen, for-
manni skipulagsnefndar, að
ákveðið hefði verið að taka
heildstætt á tilboðum með
tilliti til verðtilboðs í bygg-
ingarréttinn og hönnunar
skipulagsins.
Mótmælt af
sjálfstæðismönnum
Á miðvikudag stóð nefnd-
in svo fyrir kynningarfundi
þar sem breyting á aðal-
skipulagi bæjarins varðandi
Hrólfsskálamel var kynnt.
Að sögn Högna Óskarsson-
ar, fulltrúa minnihlutans í
bæjarstjórn, var vel mætt á
fundinn og segir hann að í
ljós hafi komið að talsverður
hiti væri í fólki vegna til-
lagnanna. „Sumir sögðu að
tillagan væri ljót en aðrir
bentu á að þarna væri allt of
mikið byggingarmagn og að
það truflaði þessa miðbæj-
arímynd sem við viljum hafa
á Seltjarnarnesi. Við viljum
ekki að þarna verði settur
niður svona stór bygging-
armassi sem minnir marga á
Breiðholtsskipulagsslysið
sem varð fyrir 30–35 árum
þegar hin miklu blokkar-
hverfi risu upp.“
Hann segir að það hafi
verið áberandi á fundinum
hversu margir sjálfstæðis-
menn voru harðorðir í garð
tillagnanna. „Þeirra á meðal
var frambjóðandinn sem er í
öðru sæti á lista flokksins
fyrir bæjarstjórnarkosning-
arnar í vor, Ásgerður Hall-
dórsdóttir og fleiri. Það eru
að verða kynslóðaskipti í
Sjálfstæðisflokknum. Gamli
bæjarstjórinn og formaður
skipulagsnefndar hafa verið
ráðandi í öllu og fólk hefur
hlýtt þeim fram að þessu.
Nú þegar þau eru að fara að
hætta og nýtt fólk er að
koma inn þora menn allt í
einu að tala út um hug sinn.
Í gærkvöldi var hreinlega
eins og stífla brysti því og
þarna stóð upp hver sjálf-
stæðismaðurinn á fætur öðr-
um og gagnrýndi þetta mjög
harkalega.“
Hann segir fátt hafa verið
um svör þrátt fyrir afger-
andi andstöðu fundarmanna.
Ljóst sé að fjárhagslegur
ágóði hafi ráðið miklu. Til-
laga ÍAV hafi verið valin þar
sem fyrirtækið hafi boðið
langbesta verðið í bygg-
ingarréttinn, eða um 380
milljónir. Á hinn bóginn hafi
Ístak, sem starfaði með höf-
undum verðlaunatillögunn-
ar, Guðrúnu Sigurðardóttur,
Nicholas Guichet, Fiona
Meierhans og Laurent
Bonthonneau, boðið um 220
milljónir. Sú tillaga hafi þó á
margan hátt þótt aðgengi-
legri meðal bæjarstjórnar-
manna. „Hún er mýkri, hún
tengir betur Eiðistorgið við
þjónustukjarnann þarna
hinum megin á svæðinu, hún
er ekki eins frek í umhverf-
inu – en svo voru það pen-
ingarnir,“ segir Högni.
Áfram unnið að þróun
skipulagsins
Erna Nielsen, formaður
skipulagsnefndar, tekur
undir með Högna að fund-
urinn hafi verið líflegur.
„Við fengum þarna mörg
sjónarmið sem var alveg
sjálfsagt að kæmu fram.
Þetta var ekki mjög stór
hópur miðað við bæjarbúa
en engu að síður kom þarna
fram fólk sem vildi gagn-
rýna þetta.“
Hún segir ekki koma til
greina að breyta ákvörðun-
inni þar sem samþykkt hafi
verið í bæjarstjórn að ganga
til samninga við ÍAV á
grundvelli tillögu þeirra.
Hins vegar yrði áfram unnið
með arkitektunum um þró-
un skipulagsins þar sem
tekið yrði tillit til framkom-
inna athugasemda. „Arki-
tektarnir voru á fundinum
og þeir heyrðu alveg andann
þannig að við förum mjög
vel í gegnum þetta. Við
klárum þetta verkefni þann-
ig að fólk verði ánægt en
smekkurinn er svo geysilega
misjafn um það hvað sé fal-
legt og hvað ljótt.“
Hún segir byggingar-
magnið ekki aðalatriðið í
málinu og fyrir fundinn hafi
verið rætt um að rýmka til á
reitnum. Verðið, sem ÍAV
bauð í byggingarréttinn,
hangi þó saman við það
hversu mikið verði leyft að
byggja og það gefi auga leið
að lækki nýtingarhlutfallið
muni verðið einnig lækka.
Verið að kanna
bótaskyldu
Að sögn Valdísar Bjarna-
dóttur, formanns Arkitekta-
félags Íslands, hefur félagið
óskað eftir skýringum á því
hvers vegna ákveðið hafi
verið að nota ekki verð-
launatillöguna. Þær skýring-
ar hafi ekki borist enn þá.
„Það var komin niðurstaða
um fyrstu verðlaun og bær-
inn var búinn að tilkynna að
það yrði byggt eftir verð-
launatillögunni. Það er eðli-
legt að Arkitektafélagið telji
það vera niðurstöðu í málinu
og sé óhresst með að því sé
breytt. Því viljum við gjarn-
an fá skýringar á því.“
Erna segir verið að skoða
hvort bærinn sé bótaskyldur
gagnvart höfundum verð-
launatillögunnar. „Lögfræð-
ingar beggja aðila eru að
ræða saman þannig að við
settum það bara í hendurn-
ar á þeim.“
Hrólfsskálamelur til umræðu á kynningarfundi vegna breytinga á aðalskipulagi
Megn óánægja
með nýtt
deiliskipulag
Tillaga Kanon-arkitekta að skipulagi á Hrólfsskálamel.
Seltjarnarnes
NÝ göngubrú yfir Hafn-
arfjarðarveg á Hraunsholti
verður auglýst í útboð um
næstu helgi að sögn Eiríks
Bjarnasonar, bæjarverk-
fræðings í Garðabæ. Stefnt
er að því að framkvæmdum
við brúna verði lokið í ágúst
á næsta ári eða fyrir næsta
skólaár.
Nokkur þrýstingur hefur
verið frá foreldrum skóla-
barna í hverfinu um að brúin
yrði að veruleika enda Hafn-
arfjarðarvegur umferð-
arþungur. Segir Eiríkur að í
raun hafi ekki þurft slíkan
þrýsting til þar sem brýn
nauðsyn hafi verið á að
tryggja öryggi gangandi
vegfarenda á þessum slóð-
um.
Framkvæmdin fór í
grenndarkynningu en sam-
kvæmt skipulagslögum var
ekki talin þörf á almennri
auglýsingu hennar þar sem
ekki er fyrirliggjandi deili-
skipulag af svæðinu. Nokkr-
ar athugasemdir bárust eftir
grenndarkynninguna og að
teknu tilliti til þeirra var
brúin samþykkt í bygging-
arnefnd að sögn Eiríks.
Til bráðabirgða
í a.m.k. 10 ár
Í raun er um bráðabirgða-
framkvæmd að ræða þó að
Eiríkur telji hana að minnsta
kosti til 10 ára. „Aðal-
skipulagið gerir ráð fyrir að
þarna komi brú nokkurn
veginn á sama stað frá
Hraunsholtinu og yfir á
Eystra-Hraunsholtið. Þetta
yrði göngu- hjóla- og akst-
ursbrú, að minnsta kosti fyr-
ir strætisvagna, og Hafn-
arfjarðarveginum yrði þá
sökkt þarna niður. En þetta
verður í fyrsta lagi eftir tíu
ár því maður sér engar fjár-
veitingar í þetta á styttri
tíma.“
Þrír aðilar komu að hönn-
un brúarinnar, Teiknistofa
Ingimundar Sveinssonar,
Hornsteinar landslags-
arkitektar og verkfræði-
stofan VSÓ. Byggingaraðilar
eru Vegagerðin og Garða-
bær en að sögn Eiríks fellur
stærsti hluti kostnaðarins,
sem er áætlaður um 60 millj-
ónir króna, undir Vegagerð-
ina. „Þeir borga brúna sjálfa
og hluta að aðkomunni og
við borgum hluta af aðkom-
unni.“
Teikning/Hornsteinar
Hönnuðir brúarinnar eru Teiknistofa Ingimundar Sveinssonar, Hornsteinar-arkitektar og verkfræðistofan VSÓ-ráðgjöf.
Göngubrú fyrir næsta haust
Garðabær
RAGNAR Gíslason,
skólastjóri Foldaskóla í
Reykjavík, tekur við
starfi skólastjóra Garða-
skóla um áramótin af
Gunnlaugi Sigurðssyni
sem stýrt hefur skólan-
um í 36 ár.
Sjö umsækjendur
voru um stöðuna en á
fundi bæjarstjórnar
hinn 6. desember sl. var
samþykkt að ráða Ragn-
ar í stöðuna eftir að
skólanefnd mælti ein-
róma með honum. Í
fréttatilkynningu frá
Garðabæ segir að Ragn-
ar hafi starfað að skóla-
málum í 30 ár og hafi
fjölbreytta menntun og
reynslu á sviði skólamála
og stjórnunar. Hann hef-
ur verið skólastjóri
Foldaskóla frá árinu
1992 en fram að þeim
tíma starfaði hann sem
grunnskólakennari í
Garðaskóla og í Öldu-
túnsskóla þar áður.
„Ragnar hefur unnið
að ýmsum þróunarverk-
efnum í skólastarfi. M.a.
vann hann að verkefninu
Vímuvarnarstefna
Garðaskóla 1990-1992 og
hefur, í Foldaskóla, unn-
ið að innleiðingu á hug-
myndafræði nýsköpunar
í grunnskólum. Í Folda-
skóla vann hann einnig
að verkefni um aðferðir í
samskiptum sem stuðla
að aukinni sjálfsábyrgð
og sjálfsstjórn ung-
linga,“ segir í fréttatil-
kynningunni.
Ragnar Gíslason
Nýr
skóla-
stjóri í
Garða-
skóla
Garðabær
MEÐ nokkrum sanni má
segja að smiðurinn í bak-
grunni myndarinnar hafi
verið að reisa „þingpalla“
fyrir utan Alþingishúsið en
þar fara fram fram-
kvæmdir á nýju þjón-
ustuhúsi löggjafarsam-
kundunnar. Sé kíkt inn
fyrir glugga sést að þing-
menn geta, ef þeir vilja,
stigið dans í kringum
jólatré í Kringlunni svo-
nefndu.
Unnið
á „þing-
palli“
Miðborg
Morgunblaðið/Þorkell