Morgunblaðið - 20.12.2001, Síða 1
292. TBL. 89. ÁRG. FIMMTUDAGUR 20. DESEMBER 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 20. DESEMBER 2001
ARABÍSKIR fangar á flótta úr
fylgsnum sínum í Tora Bora í Austur-
Afganistan í gær náðu vopnum af
pakistönskum vörðum sínum og
felldu að minnsta kosti þrjá þeirra
áður en þeir hurfu á brott í bílum sem
þeir lögðu hald á. Fjórir fangar féllu í
átökunum. Pakistanskar hersveitir
og herþyrlur eltu flóttamennina,
náðu að minnsta kosti þrettán þeirra
og umkringdu hina.
Arabarnir voru handteknir á
þriðjudaginn eftir að þeir höfðu kom-
ist yfir landamærin frá Afganistan,
sagði talsmaður Pakistana. Flúðu
þeir undan sókn afganskra herflokka
og sprengjuárásum bandarískra her-
flugvéla á hellana í Tora Bora.
Bretar í forystu fjölþjóðaliðsins
Bretar tilkynntu í gær, að þeir
myndu fara fyrir fjölþjóðlegu herliði
sem á að auðvelda Afgönum að koma
á friði í landinu. En varnarmálasér-
fræðingar vöruðu við því, að sam-
komulag um fjölþjóðaliðið hefði náðst
með það miklum pólitískum tilslök-
unum, að hætta gæti steðjað að lið-
inu, og því kynni að reynast erfitt að
sinna þeim verkum sem því væru
ætluð.
Geoff Hoon, varnarmálaráðherra
Bretlands, sagði að Bretar myndu
senda 1.500 manna lið í fjölþjóða-
sveitina, en alls yrðu í henni þrjú til
fimm þúsund hermenn. Fyrstu þrjá
mánuðina munu Bretar fara fyrir
sveitinni, en láta síðan öðru ríki for-
ystuna eftir. Þegar er komin til Kabúl
200 manna bresk framvarðasveit, en
á laugardaginn tekur við völdum í
Afganistan nýskipuð bráðabirgða-
stjórn undir forsæti Hamids Karzais.
Hoon sagði að meginhluti fjöl-
þjóðasveitarinnar kæmi væntanlega
til Afganistans upp úr 28. desember.
Enn er ekki búið að ákveða endan-
lega hvernig sveitin verður saman
sett. Fá þarf samþykki Sameinuðu
þjóðanna (SÞ) fyrir för sveitarinnar,
en stjórnarerindrekar sögðu að það
samþykki yrði að líkindum veitt í dag.
Einnig á eftir að fá samþykki nýrra
yfirvalda í Afganistan, en þau hafa
sent misvísandi skilaboð um afstöðu
sína til fjölþjóðasveitarinnar. Karzai
sagði í gær að friðargæsluliðum væri
velkomið að vera í landinu. En er-
indrekar SÞ segja að settur utanrík-
isráðherra Afganistans hafi í síðustu
viku gefið í skyn, að fjölþjóðasveitin
yrði því aðeins samþykkt, að hún lyti
reglum sem ekki kveða beinlínis á um
að hún megi beita hervaldi.
„Staðan er afskaplega viðkvæm,“
sagði Christopher Langton, sérfræð-
ingur við bandarísku rannsóknar-
stofnunina International Institute for
Strategic Studies. „Friðargæsla er
óhugsandi – það er ekki neins friðar
að gæta. Þetta er afar flókin aðgerð,
og SÞ flækja hana ennþá meira.“
Efasemdir um för fjölþjóða-
hersveitar til Afganistans
London, Peshawar. AP.
Reuters
Landgönguliðar í breskri framvarðasveit sýna fulltrúum fjölmiðla hvernig gæslu er háttað á Bagram-flugvelli norður af Kabúl í gær.
Arabískir al-Qaeda-liðar
felldir á flótta til Pakistans
Bin Ladens leitað/30
INNAN skamms geta Finnar
sameinað tvö helstu áhugamál
sín, Netið og gufubaðið. Þar-
lent fyrirtæki hyggst í mars á
næsta ári opna fyrsta net-
tengda gufubaðið, þar sem
hægt er að valsa um netheim-
ana um leið og svitnað er.
„Ófáir viðskiptasamningar
hafa verið gerðir í gufubaði,“
sagði Jarkko Lumio, hjá fyrir-
tækinu Media Tampere. Gufu-
klefinn verður búinn gluggum
sem vernda tölvubúnaðinn.
Einnig verður komið fyrir
myndavélabúnaði til þess að
hægt sé að halda fundi með
mönnum sem eru við tölvuskjái
annars staðar. Lumio tekur
fram, að þótt menn kunni að
sitja naktir í gufunni á meðan
þeir spjalla á Netinu verði
myndavélunum snúið þannig að
ekki sé hætta á að viðmælend-
urnir sjái neitt óviðeigandi.
Net-
gufubað
Helsinki. AP.
HÁTTSETTUR meðlimur Hamas-
samtaka Palestínumanna tjáði
fréttastofu AFP í gærkvöldi að sam-
tökin hefðu ákveðið að hætta mann-
skæðum sjálfsmorðsárásum á ísra-
elsk skotmörk. „Hamas-liðar hafa
tekið þá ákvörðun, sín í milli, að láta
af píslarvættisaðgerðum, en við mun-
um ekki gefa út opinbera yfirlýs-
ingu,“ sagði heimildarmaður AFP,
sem vildi ekki láta nafns síns getið.
Hann vildi þó ekkert segja um það,
til hvaða aðferða samtökin myndu
grípa í baráttu sinni gegn hersetu
Ísraela á palestínsku landi.
Fréttastofan AP hafði aftur á móti
eftir nafngreindum fulltrúa Hamas,
Hassan Youssef, að ekkert væri hæft
í frétt þar sem haft væri eftir honum
að Hamas hygðust hætta sjálfs-
morðsárásum. Rangt hefði verið haft
eftir honum.
Talsmaður Fatah-samtaka Yass-
ers Arafats, forseta heimastjórnar
Palestínumanna, sagði í gær að hald-
inn hefði verið fundur ýmissa sam-
taka Palestínumanna á Vesturbakk-
anum, og hefðu Hamas-menn þá
greint frá því að þeir hygðust láta af
aðgerðum. Hefðu Hamas-mennirnir
sagst gera þetta því að þeir vildu ekki
rjúfa einingu Palestínumanna.
Sjálfsmorðstilræðismenn á vegum
Hamas urðu 26 manns að bana í
Jerúsalem og Haifa í Ísrael í byrjun
desember, og brugðust Ísraelar við
með hörðustu loftárásum sem þeir
hafa nokkru sinni gert á stöðvar
heimastjórnar Arafats. Forsætisráð-
herra Ísraels, Ariel Sharon, lýsti því
ennfremur yfir, að öllum samskiptum
við Arafat væri lokið.
Bandaríkjamenn og Evrópusam-
bandið lýstu því yfir að þau myndu
áfram ræða við Arafat og þrýstu á
Sharon að gera slíkt hið sama. Í gær-
kvöldi hófst svo fundur Ísraela og
Palestínumanna um öryggismál, en
að honum loknum sögðu fulltrúar að
enginn árangur hefði náðst.
Þrýstingur frá Colin Powell
Sinnaskipti Sharons komu í kjölfar
áskorunar frá Colin Powell, utanrík-
isráðherra Bandaríkjanna, sem
ræddi við Sharon og Arafat í síma á
þriðjudaginn. Sharon gaf yfirmanni
ísraelsku innanríkisleyniþjónustunn-
ar fyrirmæli um að „starfa með pal-
estínskum starfsbræðrum hans“,
sagði ísraelskur embættismaður í
samtali við AFP.
Á sunnudaginn hélt Arafat sjón-
varpsávarp þar sem hann hvatti til
þess að látið yrði af árásum á ísraelsk
skotmörk, og hét því að þeir sem
bæru ábyrgð á slíkum árásum yrðu
handteknir. Haft var eftir fulltrúum í
ísraelska utanríkisráðuneytinu að
ávarp Arafats hefði verið „stórt
skref“.
Í gærkvöldi réðst palestínska lög-
reglan til inngöngu í fimm málm-
smíðaverkstæði í Gazaborg, þar sem
á laun voru smíðaðar sprengjur fyrir
Hamas-samtökin, að því er haft var
eftir sjónarvottum og palestínskum
öryggismálafulltrúum. Var verk-
smiðjunum lokað.
Fyrr um daginn höfðu palestínskir
lögreglumenn lokað sex skrifstofum
Hamas, en alls segir palestínska
heimastjórnin að hún hafi í þessum
mánuði lokað hátt í 40 skrifstofum er
tengst hafi Hamas og öðrum palest-
ínskum samtökum, Heilögu stríði
íslams, og handtekið yfir 180
íslamska öfgamenn.
Hamas-samtökin segjast
hætt sjálfsmorðsárásum
Jerúsalem, Gazaborg. AFP, AP.
RÍKISSTJÓRN Argentínu lýsti í
gærkvöldi yfir neyðarástandi í land-
inu vegna víðtækra óeirða sem geis-
uðu þar í gær og fyrradag. Hefur
mikill fjöldi manns mótmælt harka-
legum aðhaldsaðgerðum ríkis-
stjórnar Fernandos de la Ruas for-
seta, er miða að því að forða
ríkissjóði frá gjaldþroti. Mótmæl-
endur grýttu og spörkuðu í bíl for-
setans, þegar hann kom af fundi með
borgarfulltrúum í Buenos Aires.
Maður var myrtur í bænum Villa
Fiorito suður af höfuðborginni í gær,
þegar hópur manna réðst inn í versl-
un og lét þar greipar sópa. Eigandi
verslunarinnar stakk manninn með
hnífi. Hefur aðgerðum stjórnarinnar
verið mótmælt í mörgum borgum
landsins og var fjöldi verslana í
fátækrahverfum rændur. Tugir
manna hafa slasast í óeirðunum, en
lögreglan hefur beitt gúmmíkúlum
og táragasi. Í borginni Cordoba var
eldur lagður að ráðhúsinu.
Að mati bandarísku lánshæfis-
matsstofnunarinnar S&P eru allar
líkur á að erlendar skuldir Argent-
ínu lendi í „algerum vanskilum“ á
næstu vikum. Naumlega tókst að
komast hjá gjaldfellingu skuldanna í
síðustu viku, en þær nema alls um
132 milljörðum Bandaríkjadala.
Neyðar-
ástand í
Argentínu
Buenos Aires, New York. AFP.
Reuters
De la Rua ræðir við fréttamenn.