Morgunblaðið - 20.12.2001, Page 6
FRÉTTIR
6 FIMMTUDAGUR 20. DESEMBER 2001 MORGUNBLAÐIÐ
Er hægt að læra á lífið?
Sálfræði einkalífsins
er einstakur leiðarvísir
í margbrotnu lífi nútíma-
fólks eftir tvo af reyndustu
sálfræðingum þjóðarinnar.
„Skýr og skemmtileg
aflestrar auk þess að vera
unnin af þeirri vandvirkni
sem einkennt hefur fyrri
bækur höfunda.“
- Katrín Fjeldsted, Mbl.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
E
D
D
16
32
4
12
/2
00
1
2. PRENTUN
KOMIN Í VERSLANIR
1. PRENTUN
UPPSELD
BORGARFULLTRÚAR Sjálf-
stæðisflokks kynntu í borgarráði á
þriðjudag tillögur sínar til breyt-
inga á aðalskipulagi Reykjavíkur
2001–2024, en síðari umræða um
skipulagið fer fram á fundi borg-
arstjórnar í dag. Tillögurnar eru
alls 21 en í samtali við Morgunblað-
ið sagði Inga Jóna Þórðardóttir,
oddviti sjálfstæðismanna í borgar-
stjórn, að mesta áherslan væri af
þeirra hálfu lögð á Geldinganesið.
Það væri ákjósanlegasta bygging-
arsvæðið í borgarlandinu um þess-
ar mundir. Í tillögum R-listans í
meirihluta borgarstjórnar er að
mestu reiknað með iðnaðarsvæði á
nesinu á næstu árum en sjálfstæð-
ismenn telja að íbúðabyggð verði
að hafa þar forgang.
Inga Jóna sagði það afar mik-
ilvægt að varðveita strandlengjuna
þannig að byggð gæti þróast í eðli-
legu framhaldi af íbúðabyggð í
Grafarvogi.
Sjálfstæðismenn telja að á Geld-
inganesi geti verið byggð fyrir 8–10
þúsund manns. Í tillögu þeirra um
Geldinganesið segir m.a. að Viðey,
Eiðsvík og Leirvogur séu náttúru-
perlur sem ásamt íbúðabyggð á
Geldinganesi, í Grafarvogi, Gufu-
nesi og Gunnunesi munu mynda
glæsilega strandbyggð í Reykjavík.
Ákvörðun um íbúðabyggð muni
þrýsta á um gerð Sundabrautar og
bæta þar með samgöngur við þetta
svæði. Sjálfstæðismenn vilja enn-
fremur að austasti hluti nessins
verði nýttur undir íþrótta- og úti-
vistarsvæði og Sundabrautin verði
lögð í göng.
Hagsmunir íbúanna
meiri en hafnarinnar
Í anda þeirrar stefnu að varð-
veita strandlengju borgarinnar
leggjast sjálfstæðismenn gegn
landfyllingum út frá Gufunesi og
telja að þær verði mjög kostnaðar-
samar þar sem dýpi er allt að 14
metrum. Inga Jóna sagði aðeins
þörf á landfyllingum þar sem menn
ættu ekki annarra kosta völ. Nóg
væri komið af hafnarsvæðum í
borgarlandinu og tími til kominn að
þróa íbúðabyggð við ströndina.
Ekki væri þörf fyrir viðbótarhafn-
arsvæði næstu áratugina, taka
þyrfti hagsmuni íbúanna fram fyrir
hagsmuni hafnarinnar.
R-listinn er með tillögu um frek-
ari landfyllingu við Ánanaust og
fyrir utan Eiðsgranda og reiknað
er með 2.500–3.000 manna íbúða-
byggð þar. Flytja á uppfyllingar-
efni þangað frá Geldinganesi.
Inga Jóna sagði þessa landfyll-
ingu ekki heppilega, þarna væru
sterkir vindar og stríðir straumar.
Kostnaðaráætlun lægi heldur ekki
fyrir og ekki hefði verið sýnt fram
á að núverandi samgönguæðar um
Hringbraut og Mýrargötu gætu
sinnt aukinni umferð. Hún sagði að
á seinni stigum málsins hefði að
auki komið í ljós að ekki væri
reiknað með nægum bílastæðum á
þessu svæði. Leysa ætti málið með
öðrum hætti, án þess að R-listinn
hefði sagt hvernig ætti að gera það.
„Þessi tillaga R-listans sýnir í
hnotskurn hvernig vanda er verið
að búa til. Við höfum aðra mögu-
leika á að þétta byggð og við eigum
að byrja á að nýta okkur þá,“ sagði
Inga Jóna og nefndi í því sambandi
Mýrargötuna, þar sem slippurinn
hefur verið. Efna ætti til hug-
myndasamkeppni um nýtingu þess
svæðis. Mörg önnur svæði í eldri
hverfum mætti nýta betur, t.d. á
svonefndum Eimskipafélagsreit við
Skúlagötu og á Kirkjusandi þar
sem höfuðstöðvar fyrrum SVR eru,
nú Strætó bs.
Vatnsmýrin skipulögð
í einni heild
Varðandi Vatnsmýrina leggja
sjálfstæðismenn þar áherslu á
skipulag í einni heild, ekki í bútum
eins og þeir segja um tillögu R-
listans. Inga Jóna sagði að Vatns-
mýrin væri mikilvægasta bygging-
arland Reykjavíkur og yfirvöld
þyrftu að vera reiðubúin að bregð-
ast við breyttum aðstæðum í innan-
landsflugi. Ýmsar blikur væru á
lofti. Hún sagði tillögu R-listans
fela í sér mikla og kostnaðarsama
röskun á landslaginu með einni
flugbraut í austur/vestur og land-
fyllingu til vesturs, göng undir Suð-
urgötu og niðurrif húsa í Skerja-
firði.
Af öðrum tillögum sjálfstæðis-
manna má nefna að þeir vilja fresta
ákvörðun um íbúðasvæði í Hamra-
hlíðarlöndum, athafnasvæði á Esj-
umelum og í Höllum verði stækkað
verulega, íbúðabyggð með stórum
lóðum verði skipulögð á Kjalarnesi,
Laugardalurinn eingöngu nýttur
fyrir íþrótta- og útivistarstarfsemi,
mislæg gatnamót verði skoðuð ann-
ars vegar á mótum Háaleitisbraut-
ar og Miklubrautar og hins vegar
Grensásvegar og Miklubrautar og
lagst er gegn þeirri tillögu R-
listans að byggja brú út í Viðey frá
landfyllingu í Gufunesi. Telja sjálf-
stæðismenn engin rök vera fyrir
brúarbyggingu þar sem engin
áform séu um uppbyggingu í eynni.
Brúin muni kosta mörg hundruð
milljónir króna.
Skerjabraut frá Suðurgötu
og yfir á Álftanes
Einnig kemur fram í tillögum
Sjálfstæðisflokksins að mælt er
með blandaðri starfsemi í Duggu-
vogi, austan Sæbrautar og sunnan
Kleppsmýrarvegar, þannig að t.d.
einstaklingar í atvinnurekstri eða
listamenn geti búið á sínum vinnu-
stöðum. Þá er lagt til að skipulögð
verði gata á eða við lóð Árbæj-
arsafns þar sem hægt verði að
koma fyrir flutningshúsum. Margir
einstaklingar hafi áhuga á að kaupa
og gera upp gömul hús, sem þurfa
að víkja af þeim stað þar sem þau
hafa staðið í aldanna rás.
Loks má nefna tillögu um að
sýna leið yfir Skerjafjörð í fram-
haldi af Suðurgötu þannig að teng-
ing komist á milli miðborgar
Reykjavíkur og suðurhluta höfuð-
borgarsvæðisins. Lögð verði sér-
stök braut, Skerjabraut, yfir fjörð-
inn eða í botngöngum og yfir á
Álftanes.
Sjálfstæðismenn í borgarstjórn með breytingartillögur við aðalskipulag Reykjavíkur 2001–2024
Strandlengjan
varðveitt og íbúða-
byggð fái forgang
Morgunblaðið/Árni Sæberg
Inga Jóna Þórðardóttir, oddviti sjálfstæðismanna í borgarstjórn, bendir
á Geldinganesið sem hún segir að sé ákjósanlegasta byggingarsvæðið í
borginni en jafnframt helsta deilumálið í aðalskipulagi Reykjavíkur.
KOSTUNARSAMNINGUR við nýja
styrktaraðila verkefnisins Geð-
ræktar var undirritaður í gær við
athöfn í Borgarbókasafninu í Gróf-
inni.
Héðinn Unnsteinsson, verkefn-
isstjóri Geðræktar, setti samkom-
una og þakkaði kostunaraðilum
fyrir að gera verkefnið mögulegt.
Héðinn sagðist einnig vilja nota
tækifærið og þakka þjóðinni fyrir
að hafa veitt Geðræktarverkefninu
svo góðar viðtökur sem raun ber
vitni enda væri drifkraftur og hug-
myndafræðin að baki verkefninu að
auka á geðheilbrigði þjóðarinnar.
„Þetta verkefni á að efla jafn-
vægi og auka þannig öryggi og vel-
líðan fólks og hamingju lands-
manna,“ sagði Héðinn.
Aðstandendur Geðræktar, sem er
samstarfsverkefni Landlæknisemb-
ættisins, geðsviðs Landspítala, há-
skólasjúkrahúss, Heilsugæslunnar í
Reykjavík og Geðhjálpar, skrifuðu
því næst undir nýja kostunarsamn-
inga við Eimskipafélag Íslands,
Skeljung h/f og Háskóla Íslands.
Upphaflegir kostunaraðilar Geð-
ræktar eru Delta, Landsbankinn,
Íslensk erfðagreining og heil-
brigðis- og tryggingaráðuneytið.
Þessir aðilar eru áfram styrktarað-
ilar að verkefninu.
Eftir að samningarnir voru stað-
festir með handsali flutti Jón Krist-
jánsson heilbrigðisráðherra ávarp
en heilbrigðisráðuneytið hefur
stutt dyggilega við verkefnið frá
upphafi. Ráðherra þakkaði styrkt-
araðilum Geðræktar fyrir að hafa
tyggt framgang verkefnisins og
sagði kostun verkefna vegna sam-
félagsþjónustu fara vaxandi. Hann
sagði það vera mikið fagnaðarefni
þegar allir legðust á eitt um að
skapa mannúðlegt og uppbyggilegt
samfélag. „Það hefur verið mjög
ánægjulegt fyrir mig að fylgjast
með þróun Geðræktarverkefnisins.
Verkefnið er afar mikilvægt og hef-
ur frá því það hófst skilað marg-
víslegum árangri. Þá ekki síst við
að auka þekkingu og vitund al-
mennings varðandi geðsjúkdóma
og mikilvægi þess að rækta huga og
sál,“ sagði ráðherra og kvað alla
umræðu og þekkingu stuðla að því
að fordómar minnki sem aftur leiði
til þess að fólk eigi auðveldara með
að leita sér stuðnings. „Ég vil
þakka forsvarsmönnum verkefn-
isins fyrir mikilvægt og vel unnið
starf og óska þeim velfarnaðar um
áframhaldandi uppbyggingu þess,“
sagði Jón Kristjánsson.
Elín Ebba Ásmundsdóttir iðju-
þjálfi kynnti því næst jólagjöf Geð-
ræktar til landsmanna, geðrækt-
arkassann, en hann á að nota líkt og
andlegan sjúkrakassa þegar nei-
kvæðar hugsanir skjóta upp koll-
inum. Þennan forláta kassa er
reyndar ekki hægt að kaupa í búð-
um eða fylla eftir ákveðinni upp-
skrift heldur á hver og einn að setja
þá persónulegu muni sem tengjast
jákvæðum og góðum tilfinningum.
Stekkjarstaur rak því næst sitt
rauða nef inn um dyragættina á
bókasafninu og var fenginn til að
opna nýtt streitupróf á heimasíðu
Geðræktar, www.ged.is í fartölvum
sem Íslandsbanki færði verkefninu
að gjöf. Sveinki reyndist nálægt
hættumörkum en lofaði að sofa í 11
mánuði eftir jólin, þennan mesta
annatíma ársins, og safna kröftum.
„Mikilvægt og
vel unnið starf“
Morgunblaðið/Árni Sæberg
F.v. Sigurður Guðmundsson landlæknir, Páll Skúlason, rektor HÍ, Ingi-
mundur Sigurpálsson, forstjóri Eimskipafélagsins, Gunnar Karl Guð-
mundsson, aðstoðarforstjóri Skeljungs, Anna Björg Aradóttir, stjórn-
andi Heilsueflingar hjá landlæknisembættinu, og Héðinn Unnsteinsson,
verkefnisstjóri Geðræktar, undirrituðu nýja kostunarsamninga.
Jón Kristjánsson heilbrigðis-
ráðherra benti á mikilvægi
þess að rækta huga og sál.
Nýir styrktar-
aðilar í samstarf
við Geðrækt