Morgunblaðið - 20.12.2001, Síða 29

Reuters
NÝSJÁLENSKA fyrirtækið AgResearch vinnur nú
að mælingum á því, hversu mikið metangas losnar
úr læðingi þegar kindur ropa, og er þessi ær búin
tækjum sem mæla metanið í ropa hennar þar sem
hún er á beit við höfuðstöðvar fyrirtækisins norður
af Wellington. Vísindamenn við AgResearch vinna
m.a. að því að draga úr losun gróðurhúsaloftteg-
unda á Nýja-Sjálandi. Þar í landi eru alls um 45
milljónir kinda og átta milljónir nautgripa og segja
vísindamennirnir að metanið sem þessar skepnur
gefa frá sér með ropum og annarri vindlosun nemi
alls um 44% af allri losun gróðurhúsalofttegunda á
Nýja-Sjálandi.
Ropamæling
ERLENT
MORGUNBLAÐIÐ FIMMTUDAGUR 20. DESEMBER 2001 29
LAUGAVEGI 15 • SÍMI 511 1900 • FAX 511 1901
www.watchmaker.org
Mikið úrval
glæsilegra skartgripa.
FUSION
www.sminor.is/
tolvubun.htm
Það er óþarfi að leita langt yfir skammt. Hjá okkur
í Nóatúninu færðu tölvuna sem þig vantar enda
eru tölvurnar frá Fujitsu Siemens þekktar fyrir
gæði og áreiðanleika. Þær eru hraðvirkar, búnar
nýjustu tækni og hönnunin er stórglæsileg.
Tölvur
Nánar á Netinu!
Vertu tengd(ur) með tölvu
frá Smith & Norland!
OD
DI
HF
G8
27
8
COMPUTERS
FRANSKA þingið samþykkti á
þriðjudag stjórnarfrumvarp þar sem
lagt er til að Korsíku verði veitt tak-
mörkuð sjálfstjórn. Frumvarpið
slapp hins vegar aðeins naumlega í
gegnum þingið og vakti athygli að
kommúnistar, sem aðild eiga að rík-
isstjórn Lionels Jospin, sátu hjá við
atkvæðagreiðsluna. Hið sama gerðu
raunar fjórir fulltrúar Korsíku á
franska þinginu.
Þingmenn stjórnarandstöðunnar,
þ.e. hægri flokkanna, greiddu at-
kvæði gegn frumvarpi stjórnarinnar
og hafa þeir heitið því að fara með
málið fyrir franska stjórnlagadóm-
stólinn í því skyni að fá ógiltar tvær
lagagreinar, sem þykja umdeildastar.
Er þar um að ræða ákvæði sem veita
héraðsþinginu á Korsíku réttinn til að
gera takmarkaðar breytingar á lög-
um frá franska þjóðþinginu og sem
kveða á um að tunga Korsíkubúa
skuli kennd í öllum skólum eyjunnar.
Þykir alls ekki ljóst hvort lögin
komast nokkurn tíma til fram-
kvæmda enda er skammt þar til bæði
þing- og forsetakosningar verða háð-
ar í Frakklandi, en niðurstöður þeirra
gætu haft áhrif á þróun mála.
Hefur smám saman
dregið úr bjartsýni
Tvö ár eru nú liðin síðan Jospin hóf
viðræður við þjóðernissinna á Kor-
síku um framtíð eyjunnar. Mikil
bjartsýni ríkti í upphafi en hún hefur
smám saman gufað upp enda hefur
ofbeldisverkunum ekki fækkað. Alls
hafa 135 sprengjuárásir verið gerðar
á eyjunni á þessu ári og 28 manns ver-
ið myrtir. Hafði Jospin þó fengið lof-
orð frá leiðtogum þjóðernissinna um
að friður yrði hafður í heiðri gegn því
að hafnar yrðu viðræður um heima-
stjórn til handa eyjunni.
Ofbeldi hefur einkennt sögu Kors-
íku undanfarin tuttugu og fimm ár en
ýmis samtök aðskilnaðarsinna hafa
beitt öllum ráðum til að grafa undan
frönskum yfirráðum. Vonast hafði
verið til að frumkvæði Jospins gæti
orðið til að binda enda á þessi átök en
frönsk dagblöð fullyrtu hins vegar í
gær að þessi nýjasta tilraun til að
lægja öldurnar væri farin út um þúfur
eins og allar þær fyrri.
Korsíku veitt tak-
mörkuð sjálfstjórn
Ekki öruggt að lögin komist til framkvæmda
París. AFP.