Morgunblaðið - 20.12.2001, Qupperneq 37

LISTIR
MORGUNBLAÐIÐ FIMMTUDAGUR 20. DESEMBER 2001 37
Verð frá kr. 390 pr. kg.
2 lítrar af pepsí fylgja með öllum fiski*
Nýlöguð brauðsúpa 0,5 l. 50 kr. askjan.
Úrvals: saltfiskur, hnoðmör, hamsatólg,
hangiflot, rúgbrauð og allt annað meðlæti!
Stór jólahumar, rækjur, hörpudiskur, túnfiskur,
stórlúða, smálúða, laxaflök
og fl. ávallt ferskt.
SKATA SKATA
Opið
21. des. kl. 8.00-18.00
22. des. kl. 8.00-18.00
23. des. kl. 8.00-18.00
allan daginn!
F I S K B Ú Ð I N V Ö R ,
Höfðabakka, s ími 587 5070
í jó laskapi
Krakkarnir fá jólaglaðning
*Ef verslað er
fyrir 1.500 kr.
eða meira á
meðan birgðir
endast
SANNARLEGA er hugað að
tónlistarþættinum, að minnsta
kosti söngnum, í Snælandsskóla í
Kópavogi. Í kór skólans starfa um
150 nemendur í 4 kórum, Ung-
lingakór, Miðkór (nemendur 6.–7.
bekkja), Barnakór (4. og 5. bekkur)
og Litli kór (3. bekkur). Þrír elstu
kórarnir syngja á þessum geisla-
diski.
Heiðrún Hákonardóttir hefur
stjórnað kórnum síðan 1995. Starf
kórsins hefur verið umfangsmikið
síðustu ár, m.a. syngur hann reglu-
lega í Hjallakirkju, einnig hefur
hann komið fram á tónleikum, m.a.
úti á landi og einnig erlendis.
Nokkur íslensk tónskáld hafa sam-
ið verk fyrir kórinn, og á þessum
diski gefur að heyra nýtt verk eftir
Báru Grímsdóttur við ljóð Þor-
steins Valdimarssonar, Jólanótt.
Söngskráin samanstendur af 22
jólalögum og sálmum, og það verð-
ur að segjast eins og er að margt í
fyrrihluta hennar eru ekki merki-
legar tónsmíðar og ekkert voðalega
gaman að hlusta á þær sem slíkar
(nýja lagið eftir Báru er þó
ánægjuleg undantekning), en kór-
inn (líka þau yngri) syngur allt vel,
en sá fallegi söngur nýtur sín þeim
mun betur sem lögin eru betri (að
sjálfsögðu!) og það fer strax að
birta með Það á að gefa börnum
brauð, Þá nýfæddur Jesús í jötunni
lá og María í skóginum (8–10), og
þá fer flest að verða mjög ánægju-
legt og því betra sem á líður. Ég
nefni sérstaklega Í dag er glatt í
döprum hjörtum (13), sem Björney
Inga Björnsdóttir, Erla Hlín Henr-
ysdóttir og Erna Niluka Njálsdótt-
ir syngja mjög fallega, ef til vill þó
í hægari kantinum (sem er reyndar
íslensk hefð) til að tjá gleðina. En
svona, nokkurn veginn, gekk Moz-
art frá laginu. Einnig var söng-
urinn einstaklega fallegur í nr. 15,
Hátíð fer að höndum ein (íslenskur
aðventusöngur) og einnig í lagi
Jórunnar Viðar, Jól, en þar er líka
mikil prýði að flautuleik Guðrúnar
Birgisdóttur. Slá þú hjartans
hörpustrengi (18) fallega sungið og
gleður sálina einsog venjulega, og
orgelleikur Pavel Manásek mjög
fínn. Söngskráin endar á fjórum
yndislegum jólasálmum, Sjá, him-
ins opnast hlið, Það aldin út er
sprungið, Nóttin var sú ágæt ein
(sá yndislegasti af öllum), en þar
syngur Reynir Guðsteinsson ein-
söng – nokkuð óvænt með engri
barnsrödd. Kannski tók hann að
sér hlutverk textahöfundar, séra
Einars í Heydölum, að hræra
vögguna með vísnasöng, sem hann
gerir reyndar fallega. Og söng-
skráin endar viðeigandi á Heims
um ból. Hvað sem efninu líður er
allt vel sungið, og það er engin
spurning hvað varðar Unglingakór-
inn, að hann er í fremstu röð. Ein-
söngvarar fínir og upptakan, undir
stjórn Sigurðar Rúnars, er óvenju
vel heppnuð.
Slá þú hjartans
hörpustrengi
TÓNLIST
Hljómdiskar
Kór Snælandsskóla. Stjórnandi: Heiðrún
Hákonardóttir. Undirleikur: Ari Vilhjálms-
son – fiðla, Guðrún Birgisdóttir – þver-
flauta, Jón Ólafur Sigurðsson – orgel, Jud-
ith Þorbergsdóttir – fagott, Kristinn Örn
Kristinsson – píanó, Lóa Björk Jóelsdóttir
– píanó, Pavel Manásek – orgel. Ein-
söngur: Elín Arna Aspelund, Erna Niluka
Njálsdóttir, Lilja Björk Runólfsdóttir, Erla
Hlín Henrysdóttir, Finnbogi Vilhjálmsson,
Hákon Þrastar Björnsson, Helgi Kristinn
Björnsson, Róbert Róbertsson og Reynir
Guðsteinsson. Upptaka: Studio Stemma
hf. Stjórn upptöku: Sigurður Rúnar Jóns-
son. Hljóðritun fór fram í Digraneskirkju,
jan.–feb. 2000 og feb.–júlí 2001. Lag nr.
4 er tekið upp af Ólafi Elíassyni 1999. Út-
gefandi: Kór Snælandsskóla. Dreifing:
Edda – miðlun & útgáfa.
JÓLANÓTT
Oddur Björnsson
STOPPLEIKHÓPURINN æfir nú leikritið Það var
barn í dalnum eftir Þorvald Þorsteinsson.
Leikritið er ferðaleiksýning og ætluð unglingum í
efstu bekkjum grunnskólans. Verkið er spennuleikrit
sem gerist samtímis í fortíð og nútíð. Það leitar fanga í
þjóðsögum og sögnum til að endurspegla erfiðleika og
átök sem ungt fólk á öllum tímum stendur frammi fyr-
ir.
Leikstjóri er Jón Stefán Kristjánsson. Tónlist og
hljóðmynd gerir Pálmi Sigurhjartarson. Leikarar eru
Eggert Kaaber, Katrín Þorkelsdóttir og Pálmi Sig-
urhjartarson.
Þetta er 9. verkefni Stoppleikhópsins en hann fagnar
5 ára afmæli sínu á næsta ári. Frumsýning er áætluð í
lok janúar.
Morgunblaðið/Sverrir
Stoppleikhópurinn samles leikritið Það var barn í dalnum.
Stoppleikhópurinn
æfir nýtt leikrit
Jazzvaka Guðmundar og Viðars er
þriðji diskurinn í röð með klass-
ískum íslenskum djassi.
Hinir fyrri eru minningardiskar
með úrvali
af óbirtum
hljóðritunum
með Guð-
mundi Ing-
ólfssyni og
Gunnari
Ormslev.
Á þessum
diski eru
endurútgefnar þrjár breiðskífur er
lengi hafa verið ófáanlegar. Nafna-
kall, fyrsta skífa Guðmundar Ing-
ólfssonar, þar sem Björn Thorodd-
sen, Pálmi Gunnarsson og
Guðmundur Steingrímsson leika
með honum. Jazzvaka, þar sem
bandaríski bassaleikarinn Bob
Magnusson leikur með Guðmundi
Ingólfssyni og Steingrímssyni,
Rúnari Georgssyni og Viðari Alfreðs-
syni, og Viðar spilar og spilar, þar
sem Viðar Alfreðsson blæs í tromp-
et, flýgilhorn, básúnu, valdhorn og
túbu með Litla jazzbandinu og
strengjasveit. Auk þess eru þrjú áð-
ur óútgefin verk frá Jazzvöku-
tónleikunum, m.a. Lilja eftir Gunnar
Reyni Sveinsson.
Útgefandi er Jazzvakning.
Djass
Múlinn, Hús Málarans Kvartettinn
Nimbus leikur djass í anda gömlu
meistaranna kl. 21. Lögin eru m.a.
eftir Lester Young, Coleman Hawk-
ins. Nimbus skipa Óskar Guðjóns-
son saxófónleikari, Jón Páll Bjarna-
son gítarleikari, Eric Quick
trommuleikari og Ólafur Stolz-
enwald sem leikur á kontrabassa.
Í DAG
 Sjá einnig Staður og stund á mbl.is