Morgunblaðið - 20.12.2001, Qupperneq 67

FRÉTTIR
MORGUNBLAÐIÐ FIMMTUDAGUR 20. DESEMBER 2001 67
Othello dömuúr sett 48 demöntum 30pt.
eðalstál. Fáanlegt án demanta / leðuról.
Othello herraúr, eðalstál. Fáanlegt með sjálf-
trekktu úrverki /50 demöntum 40pt. / leðuról.
www.raymond-weil.com
ÚR & GULL
Firði - Miðbæ Hafnarfjarðar
220 Hafnarfjörður, Sími: 565 4666
ÞJÓÐMÁLAVEFURINN Kreml.is
heldur upp á ársafmæli sitt með
Kremlarkvöldi um stjórnmála-
ástandið á Café Victor við Hafnar-
stræti í Reykjavík í kvöld, fimmtu-
dagskvöldið 20. desember, kl. 20–23.
Umræðuefni kvöldsins er „stjórn-
málaástandið“.
Heiðursgestur og aðalræðumaður
þessa Kremlarkvölds verður Jón
Baldvin Hannibalsson, sendiherra
Íslands í Washington, en hann ræsti
vefinn 14. desember árið 2000.
Aðrir frummælendur verða: Árni
Snævarr, Ásgeir Friðgeirsson, Guð-
mundur Ólafsson og Guðmundur
Steingrímsson.
Aðgangur er ókeypis og öllum
heimill.
Kremlarkvöld á
Café Victor
HEFÐ hefur skapast fyrir því að
síðustu kennsluvikuna fyrir jól eru
haldnir menningardagar í Linda-
skóla. Nemendur hafa bakað smá-
kökur í heimilisfræði sem eru á
boðstólum á kaffihúsi skólans, lista-
söfn hafa verið heimsótt og kirkju-
ferð er orðin árviss viðburður og
fleira.
Í ár voru menningardagarnir
með nokkuð hefðbundnum hætti en
boðið upp á nokkrar nýjungar. Ein
þeirra er sú að sett var upp listsýn-
ing í skólanum þar sem sýnd eru
verk Baltasars, Kristjönu, Míreyu
og Rebekku Ránar Samper. Sýn-
ingin var formlega opnuð föstudag-
inn 14. desember að viðstöddum
listamönnunum og fleiri gestum.
Sýningin verður opin í skólanum til
dagsins í dag, 20. desember.
Nemendur í myndmennta- og
smíðavali gáfu skólanum tafl, en
taflið hafa þeir útbúið undir hand-
leiðslu kennara sinna. Merki Linda-
skóla var afhjúpað, en það er hann-
að af auglýsingastofunni Nonna og
Manna og teiknað af Erni Smára
Gíslasyni. Í tilefni af afhjúpun
merkisins fluttu nokkrir nemendur
lag við frumsaminn texta Örnu
Margrétar Erlingsdóttur, forstöðu-
manns Dægradvalar Lindaskóla, en
textinn tengist merki skólans.
Menningardagar í Lindaskóla
Morgunblaðið/Ásdís
Rebekka Rán, Baltasar, Míreya og Kristjana Samper.
LAUGARDAGINN 15. desember sl.
um kl. 14:00 var bifreiðinni YZ-056
sem er Hyundai Elantra rauður að
lit, ekið norður Vesturlandaveg í
Kollafirði. Í gagnstæða átt var ljós-
lausri grárri fólksbifreið ekið.
Grunur er um að ökumaður henn-
ar hafi átt þátt í atburðarás sem
leiddi til umferðaróhapps skömmu
eftir að bifreiðarnar mættust. Öku-
maður gráa bílsins og/eða vitni að
óhappinu og tildrögum þess eru beð-
in um að hafa samband við lögregl-
una í Reykjavík.
Við Einholt 4 var ekið á bifreiðina
UZ-486, sem er gul Toyota Yaris-
fólksbifreið, þar sem hún stóð kyrr
og mannlaus í stæði. Þetta gerðist
18. desember sl., fyrir kl. 11:25.
Tjónvaldur fór af vettvangi án þess
að tilkynna óhappið til hlutaðeigandi
eða lögreglu. Talið er að hann hafi
ekið dökkri Toyota-jeppabifreið með
stóra kerru í eftirdragi. Ökumaður
bifreiðarinnar eða aðrir sem geta
gefið frekari upplýsingar eru beðnir
að hafa samband við umferðardeild
lögreglunnar í Reykjavík.
Lýst eftir vitnum
STJÓRN Rauða kross Íslands hefur
ákveðið að veita Landhelgisgæslu
Íslands styrk að upphæð 1.060.000
krónur til að kaupa nýtt leitarljós á
þyrluna TF-SIF og gera nauðsyn-
legar breytingar á leitarljósi TF-
LÍF. Með þessu vill Rauði krossinn
bregðast við beiðni Landhelgisgæsl-
unnar um aðstoð vegna kostnaðar
við að taka í notkun nætursjónauka í
þyrlum.
Rauði krossinn hefur átt mjög
gott samstarf við Landhelgisgæsl-
una og með þessu vill Rauði kross-
inn stuðla að ennþá öflugra leitar-,
björgunar- og sjúkraflugi. Bætt leit-
arljós eru nauðsynleg í tengslum við
nætursjónauka sem Landhelgis-
gæslan hefur hug á að koma í notk-
un í þyrlum sínum sem fyrst.
Beiðni þessa efnis barst Rauða
krossinum 21. nóvember en alls tel-
ur Landhelgisgæslan að heildar-
kostnaður við að taka nætursjón-
aukana í notkun sé um 30 milljónir
króna, segir í frétt frá Rauða kross-
inum.
Rauði krossinn
styrkir Land-
helgisgæsluna
Á DÖGUNUM var dregið í
áskrifendaleik Morgunblaðs-
ins. Vinningar voru ferðainn-
eignir hjá Úrvali-Útsýn.
Hinir heppnu voru Einar
Sigurbjörn Jónsson, Garði,
sem vann ferð fyrir tvo full-
orðna og tvö börn í eina viku
til Kanaríeyja, Helgi Þorbjörn
Blöndal, Kópavogi, sem vann
ferðainneign í skíðaferð til
Ítalíu og Guðmundur Sigurðs-
son, Ytri-Njarðvík, sem vann
ferðainneign í ferð til Kan-
aríeyja.
Þrír áskrif-
endur Morg-
unblaðsins fá
ferðavinninga
JÓLAMERKI Lionsklúbbsins
Þórs eru nú gefin út í þrítugasta
og fimmta sinn. Lionsklúbburinn
Þór var stofnaður 6. janúar 1956
og hefur frá upphafi lagt sitt af
mörkum til líknarmála.
Líknarsjóður Þórs hefur um
árabil styrkt Tjaldanesheimilið í
Mosfellsdal og barnadeildir
sjúkrahúsanna í Reykjavík og
fleira.
Jólamerkið fyrir 2001 sýnir
Skálholtskirkju og er hannað af
Þórhildi Jónsdóttur auglýsinga-
teiknara. Nánari upplýsingar veita
Ólafur Már Magnússon, Hrísrima
10, og Snorri Stefánsson Lauta-
smára 33, segir í fréttatilkynningu.
Jólamerki Lions-
klúbbsins Þórs
CAFÉ Konditori Copenhagen hefur
sett upp sinn árlega jóla og ára-
mótamarkað í verslun sinni á Suð-
urlandsbraut 4a. Þar er m.a. á boð-
stólum ekta danskt jólakonfekt,
smákökur, gjafakörfur og margt
fleira. Þormar Þorbergsson og
Tine Buur Hansen konditorimeist-
arar verða í versluninni flesta daga
og veita upplýsingar í sambandi við
þær vörur sem eru í boði á jóla-
markaðnum.
Café Konditori Copenhagen er
opið til kl. 20 á Þorláksmessu, til kl.
13 á aðfangadag og til kl. 13 á
gamlársdag, segir í fréttatilkynn-
ingu.
Jólamarkaður
á Café
Konditori
MAGNÚS Gunnarsson, bæjarstjóri
Hafnarfjarðar, segir að sveitarfélag-
ið þurfi einfaldlega á meiri tekjum að
halda þegar hann er inntur eftir
skýringu á því hvers vegna Hafnar-
fjörður ætli eitt sveitarfélaga á höf-
uðborgarsvæðinu að hækka útsvars-
prósentu á næsta ári. Útsvars-
prósenta Hafnarfjarðar mun skv.
fjárhagsáætlun bæjarins, sem sam-
þykkt var í bæjarráði í síðustu viku,
hækka útsvarið úr um 12,7% í
13,03% en síðarnefnda prósentan er
hámarks útsvarsprósenta.
„Við teljum okkur þurfa á þessum
tekjum að halda þrátt fyrir aðhalds-
semi í fjármálum,“ segir hann og
tekur fram að að sveitarfélagið þurfi
m.a. á meiri tekjum að halda vegna
lagasetninga um einsetningu grunn-
skólanna. „Við höfum staðið í mikl-
um framkvæmdum vegna einsetn-
ingar skólanna en enginn skóli var
einsetinn í bænum árið 1998,“ segir
hann og bendir á að síðan þá hafi
skólar verið einsetnir og fleiri skólar
byggðir.
Útsvarshækkun vegna
einsetningar skóla
Magnús Gunnarsson, bæjarstjóri Hafnarfjarðar
HINN 5. og 7. desember síðastlið-
inn fórust Ófeigur VE og Svan-
borg SH 404 við Vestmannaeyjar
og Ólafsvík og með þeim fjórir sjó-
menn. Þessir menn létu eftir sig
fjórtán börn og fjórar eiginkonur.
Nú stendur yfir landssöfnun til
stuðnings þessum ekkjum og
rennur allt fé óskipt til þeirra.
Hægt er með tvennum hætti að
leggja fé til stuðnings þessum fjöl-
skyldum. Hægt er að hringja í
símanúmer 907-2700 og teknar
eru 1.000 krónur af viðkomandi. Í
öðru lagi er hægt að leggja inn á
reikning hjá SPRON nr. 1151-26-
002345, kt. 521198-2499. SPRON
er vörsluaðili söfnunarinnar og
verður greitt úr sjóðnum í fyrra
skiptið 23. desember, á Þorláks-
messu, en í síðara skiptið 10. febr-
úar 2002, segir í fréttatilkynningu.
Landssöfnun vegna sjóslysa
FYRRUM gjaldkeri húsfélags í Graf-
arvogi var í gær dæmdur í tveggja
mánaða skilorðsbundið fangelsi og til
að greiða húsfélaginu tæplega hálfa
milljón auk dráttarvaxta.
Féð hafði hann tekið út af reikn-
ingum húsfélagsins án heimildar en
hann hélt því fram að hann hefði varið
peningunum til að kaupa málningu,
vatnsvara, stiga og annan búnað sem
hann ætlaði að nota til að mála blokk-
ina. Aðspurður hvar þessar vörur
væri að finna sagði hann að hann
hefði geymt þetta í íbúð sinni en ein-
hver hefði farið þar inn og tekið vör-
urnar.
Þá hélt hann því fram að þegar
hann var kosinn gjaldkeri hefði hon-
um verið falið að mála blokkina. Íbúar
hússins, sem komu fyrir dóminn,
könnuðust ekki við það, honum hefði
einungis verið falið að kanna málið.
Guðjóni St. Marteinssyni héraðs-
dómara þótti framburður mannsins
óskýr og skýringar hans í heild ótrú-
verðugar. Sannað væri að hann hefði
gerst sekur um fjárdrátt. Maðurinn
hafði áður hlotið dóm fyrir skjalafals
og einu sinni greitt sekt fyrir nytja-
stuld.
Óskýr og ótrú-
verðug frásögn
gjaldkera
GERHARD Sabathil, sendiherra
fastanefndar framkvæmdastjórnar
ESB fyrir Ísland og Noreg, hefur
afhent Halldóri Ásgrímssyni, utan-
ríkisráðherra Íslands, fyrstu evru-
myntina sem komið hefur til Ís-
lands.
Í móttöku sem fastanefndin hélt á
Íslandi í vikunni hvatti sendiherr-
ann Íslendinga, sem enn eiga í fór-
um sínum gamlar myntir frá evr-
usvæðinu, til að gefa þær til
Barnahjálpar Sameinuðu Þjóðanna
– UNICEF. Samtökin Barnaheill á
Íslandi munu taka við gömlu mynt-
unum á skrifstofu sinni á Laugavegi
7 fram yfir áramót.
Evran verður að lögeyri í tólf að-
ildarlöndum ESB nú um áramót.
Þær myntir sem um ræðir eru: Þýsk
mörk, finnsk mörk, austurrískir
schillingar, írsk pund, franskir
frankar, spænskir pesetar, portú-
galskir escudos, ítalskar lírur, grísk
drakhma, hollensk gyllini, belgískir
frankar og lúxemborgar-frankar.
Fyrsta evran afhent á Íslandi
Í MORGUNBLAÐINU var fyrir
nokkru fjallað um stofnun for-
eldrafélags við Fjölbrautaskólann í
Garðabæ og að það væri fyrsta
foreldrafélag við framhaldsskóla.
Það skal áréttað að stuttu eftir að
Fjölbrautaskólinn í Breiðholti var
stofnaður var Félag áhugamanna
um Fjölbrautaskólann í Breiðholti
stofnað og starfaði í mörg ár.
Röng mynd
Með frétt í gær um nýútkomna
bók Fluguveiðar á Íslandi, sem
bókaútgáfan Muninn gefur út,
birtist röng mynd. Rétta myndin
birtist hér og eru hlutaðeigandi
beðnir afsökunar á mistökunum.
LEIÐRÉTT