Morgunblaðið - 20.12.2001, Blaðsíða 80

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 20. DESEMBER 2001 VERÐ Í LAUSASÖLU 190 KR. MEÐ VSK.
Afsláttur vi›
ríkiskassann!
Trygg›u flér
skattafslátt
fyrir áramótin
www.isb.is • sími 560 8900 og 5 75 75 75 &

UPPLÝSINGAR sem Samkeppnis-
stofnun hefur undir höndum gefa til
kynna að forstjórar olíufélaganna
þriggja hafi hist reglulega á fundum
og rætt þar verðlagsmál og önnur
sameiginleg hagsmunamál félag-
anna og ákvarðanir verið teknar
þar um á slíkum fundum. Þessar
upplýsingar bárust frá aðilum sem
þekkja vel til innri starfa olíufélag-
anna og telur Samkeppnisstofnun
þessa aðila trúverðuga og upplýs-
ingar frá þeim áreiðanlegar. Þetta
kemur fram í úrskurði Héraðsdóms
Reykjavíkur vegna kröfu Sam-
keppnisstofnunar um húsleitar-
heimild hjá Olíuverslun Íslands hf.,
Skeljungi hf. og Olíufélaginu hf.
Í úrskurðinum kemur fram að
Samkeppnisstofnun hafi nýlega
borist upplýsingar og ábendingar
sem gefi ríkar ástæður til að ætla að
olíufélögin þrjú hafi haft með sér
margvíslegt samráð sem kunni að
brjóta gegn 10. grein samkeppnis-
laga og stofnunin telji þessar upp-
lýsingar trúverðugar. Jafnframt
kemur fram að upplýsingarnar
„bendi til að umrætt samráð lúti að
ákvörðun verðs, álagningar og af-
slátta, samstarfi við gerð tilboða og
skiptingu markaða eftir landshlut-
um og viðskiptavinum“.
Samkeppnisstofnun segir að við
skoðun á verði og verðbreytingum
hjá félögunum frá 1992 hafi verð-
breytingar nánast án undantekn-
ingar borið upp á sama dag og til-
kynningar um verðbreytingar séu
oft gefnar út með örfárra klukku-
stunda millibili frá einstökum fé-
lögum. Þá hafi félögin tilkynnt sam-
eiginlega árið 1996 að þau myndu
hætta að selja 92 oktana bensín og
eftir það hafi verð á öllu bifreiða-
eldsneyti sömu tegundar ávallt ver-
ið það sama hjá öllum olíufélögun-
um.
Gögn benda til hækkandi
álagningar á síðustu árum
„Þar sem þetta hafi gerst frá
sama tíma og sameiginleg ákvörðun
olíufélaganna um að hætta innflutn-
ingi og sölu tiltekinnar tegundar á
bensíni tók gildi, dragi Samkeppn-
isstofnun þá ályktun að jafnframt
hafi verið tekin sameiginleg ákvörð-
un hjá olíufélögunum um að sam-
ræma fullkomlega verðið á þeim
tegundum bifreiðaeldsneytis sem
eftir urðu á markaðnum,“ segir í úr-
skurði Héraðsdóms.
Þar kemur einnig fram að nýleg-
ar upplýsingar, sem unnar hafi ver-
ið upp úr opinberum gögnum, bendi
til þess að álagning olíufélaganna
hafi farið hækkandi á síðustu árum
og misserum. Meðalálagning á 95
oktana bensíni hafi þannig hækkað
um 10–11% á milli áranna 2000 og
2001 en um 26–27% á milli áranna
1999 og 2001.
„Gögn bendi og til þess að öll
álagningarhækkun yfirstandandi
árs hafi orðið á síðustu sex mán-
uðum enda hafi félögin snúið mikl-
um taprekstri á fyrri hluta ársins í
hagnað á fyrstu níu mánuðunum.
Meðalálagning á 95 oktana bensíni
hafi verið u.þ.b. 23 krónur fyrstu
sex mánuði þessa árs en 27,7 krónur
næstu fimm mánuði. Allt gefi þetta
til kynna mjög skerta samkeppni í
sölu á eldsneyti hér á landi og sé
vísbending um brot á 10. gr. sam-
keppnislaga,“ segir í úrskurðinum.
Telur sig hafa upplýsingar
um samráð forstjóranna

Úrskurður/41

Krafan/12
Úrskurður vegna kröfu Samkeppnisstofnunar um húsleit hjá olíufélögunum
STAÐGREIÐSLUHLUTFALL
skatta á næsta ári verður 38,54% og
lækkar um 0,22%. Lækkunin er til
komin vegna þess að Alþingi ákvað
að lækka tekjuskattshlutfall um
0,33%.
Hins vegar fengu sveitarfélögin
heimild til að hækka útsvar um sama
hlutfall. 85 af 122 sveitarfélögum
nýttu sér heimild til að hækka út-
svarið. Þorri sveitarfélaga á lands-
byggðinni hækkaði útsvar, en flest
sveitarfélög á höfuðborgarsvæðinu
gerðu það ekki.
Um áramót verður einnig breyt-
ing á persónuafslætti. Hann var
25.245 krónur á mánuði á þessu ári,
en hækkar í 26.002 krónur. Trygg-
ingagjaldið breytist ekki, en það er
5,23%. Á þessu ári var heimilt að
millifæra 90% persónuafsláttar milli
hjóna, en um áramót hækkar þetta
hlutfall upp í 95%. Þá hækkar sjó-
mannaafsláttur úr 691 krónu á dag í
712 krónur.
Stað-
greiðslu-
hlutfall
lækkar

Staðgreiðsluhlutfall/15
KRÓNAN hélt áfram að styrkjast í
gær og var gengisvísitala krónunnar
í lok dags komin í 139,10 stig.
Styrkingin nemur 1,03% innan
dagsins og nam velta dagsins alls
18,2 milljörðum króna. Gengi Banda-
ríkjadollars var í lok dags í gær
100,30 krónur.
Dollarinn nálg-
ast 100 krónur
KÆRUNEFND útboðsmála
telur að Ríkiskaup hafi bakað
sér skaðabótaskyldu gagnvart
Nýherja hf. við framkvæmd út-
boðs á nýjum fjárhagskerfum
fyrir ríkissjóð og stofnanir hans.
Á grundvelli útboðsins tóku
Ríkiskaup ákvörðun um að
ganga að tilboði Skýrr hf. hinn
17. júlí 2000. Nýherji kærði út-
boðið og byggði á því að við
framkvæmd þess og eftirfarandi
samningsgerð við Skýrr hefði
ekki verið gætt jafnræðis bjóð-
enda og meginreglna laga um
opinber innkaup varðandi for-
sendur útboðs og val á hag-
kvæmasta tilboði.
Tilboðsmati ábótavant
Kærunefndin telur í úrskurði
sínum að mati á tilboðum hafi í
útboðinu að því er varðar mat á
gæðum lausna, þ.m.t. tilboða í
kennslu, verið ábótavant og í
ósamræmi við það sem útboðs-
skilmálar og önnur gögn gáfu til
kynna. Þá var einkunnagjöf fyr-
ir verð áfátt að því leyti, að ekki
var tekið tillit til greiðslukjara.
Loks telur nefndin að Ríkiskaup
hafi átt að geta innbyrðis vægis
matsþátta í útboðsskilmálum.
Telur nefndin því að fram-
kvæmd útboðsins hafi verið svo
áfátt að verulegum vafa sé und-
irorpið að hagstæðasta boði hafi
verið tekið. Nefndin telur einnig
að Ríkiskaup hafi vanrækt út-
boðsskyldu sína að því er varðar
vaktakerfi fyrir heilbrigðis-
stofnanir og þjónustu við hinn
keypta hugbúnað.
Í samningi Ríkiskaupa og
Skýrr eru ákvæði þess efnis að
áður en fyrstu stofnanir ríkisins
taki hugbúnaðarkerfið í rekstur
skuli samningsaðilar gera með
sér sérstakan þjónustusamning
um kerfið. Nefndin telur samn-
ingsákvæðið eitt og sér ekki
nægja til þess að svo verði talið
að kominn sé bindandi samning-
ur um umrædda hugbúnaðar-
þjónustu.
Hefur nefndin því lagt fyrir
Ríkiskaup að bjóða út gerð þjón-
ustusamningsins. Þá greiði Rík-
iskaup Nýherja 600 þúsund
krónur vegna kærukostnaðar.
Ríkiskaup
talin hafa
vanrækt
útboðs-
skyldu
♦ ♦ ♦
„HÚN bræðir í okkur hjartað og
það er ekki hægt að hafa af henni
augun þegar hún flytur lögin sín á
svona tilgerðarlausan og kraftmik-
inn hátt,“ segir gagnrýnandi
Morgunblaðsins í dómi sínum um
tónleika Bjarkar Guðmundsdóttur
sem haldnir voru fyrir fullri Laug-
ardalshöll í gær. Kunnu gestir vel
að meta frammistöðu Bjarkar og
fögnuðu henni vel og innilega.
Sinfóníuhljómsveit Íslands lék
undir á tónleikunum en auk henn-
ar spilaði hörpuleikarinn Zeena
Parkins, bandaríski rafdúettinn
Matmos, grænlenskur stúlknakór
og inúítasöngkonan Tagaq. Tón-
leikarnir í Laugardalshöll marka
lok tónleikaferðar Bjarkar um
heiminn sem hún fór til að kynna
fjórðu hljóðversplötu sína
Vespertine.
Morgunblaðið/Árni Sæberg
Bræðir hjarta okkar

Magnað sjónarspil/36