Morgunblaðið - 22.12.2001, Page 25

Morgunblaðið - 22.12.2001, Page 25
VIÐSKIPTI/ATHAFNALÍF MORGUNBLAÐIÐ LAUGARDAGUR 22. DESEMBER 2001 25 ÁRNI M. Mathiesen, sjávarútvegs- ráðherra, hefur ákveðið að auka leyfilegan heildarafla ýsu, ufsa, skarkola og steinbíts á fiskveiði- árinu. Aflaheimildir í ýsu hækka úr 30 þúsund tonnum í 41 þúsund tonn, ufsa úr 30 þúsund tonnum í 37 þús- und tonn, skarkola úr 4 þúsund tonnum í 5 þúsund tonn og steinbít úr 13 þúsund tonnum í 16.100 tonn. Þessar breytingar, að aukningu í út- hafsrækju meðtalinni, eru meiri í þorskígildum talið en samdráttur í leyfilegum heildarafla þorsks sem kynntur var í júní sl., eða 33 þúsund þorskígildistonn á móti 30 þúsund tonnum. Árni segir aukninguna koma til vegna breytinga á lögum um stjórn fiskveiða sem tóku gildi í gær og fjalla um aukningu á heildarafla krókaaflamarksbáta. Eins hafi hann ákveðið að hækka leyfilegan heild- arafla í umræddum tegundum vegna mikillar umræðu um stjórn fiskveiða undanfarin misseri. Þar komi helst til skýrslur Hafrann- sóknastofnunarinnar fyrr á árinu er ollu töluverðum vonbrigðum, sem og mikil umræða um brottkast, en við hvoru tveggja hafi verið brugðist á ýmsan hátt. Hinsvegar sé ljóst að með minni kvóta en óbreyttri sókn verði til þrýstingur á brottkast. Þannig geti breytingar á veiðistjórn smábáta skapað slíkan þrýsting, enda séu krókaaflamarksbátar nú bundnir kvóta í tegundum sem þeir máttu veiða frjálst áður. Eins hafi kvótinn verið skorinn töluvert niður en nú sjáist árangur af þessum að- gerðum í aukinni veiði. „Mælingar vísindamanna virðast hinsvegar vera eftir því sem sjómenn skynja úti á sjó. Þetta á sérstaklega við um ýsu, ufsa og skarkola, en kvóti í þessum tegundum hefur verið skor- inn verulega niður á síðustu árum en að undanförnu höfum við séð betri veiði og meiri dreifingu á þess- um stofnum. Aukning á steinbíts- kvóta kemur hinsvegar aðallega til vegna breytinga á krókaaflamarki.“ Árni segir að nýjustu mælingar á ýsustofninum sýni mjög jákvæð merki til framtíðar og því komi auk- in ýsugengd ekki á óvart. Lítill kvóti skapi hinsvegar vandamál, svo sem þrýsting á brottkast. Því hafi hann ákveðið að hækka leyfilegan heild- arafla upp í 41 þúsund tonn, sem sé sami afli og veiddist á síðasta fisk- veiðiári. Eins hafi borist upplýsing- ar um mun meiri ufsagengd á mið- unum undanfarin tvö ár. Mjög náið hafi verið fylgst með ufsastofninum og núna sjáist merki um sterkari ár- ganga. Árni sagði að sömuleiðis gefi veiði og mælingar til kynna að skar- kolastofninn sé að braggast og því telji hann óhætt að auka aflann. Árni segir ákvörðunina byggða á upplýsingum frá Hafrannsókna- stofnuninni en einnig á upplýsingum frá sjómönnum. Þannig náist betri heildarmynd, auk þess sem tillit sé tekið til félags- og efnahagslegra áhrifa. 6 milljarða aukning á útflutningsverðmæti Gera má ráð fyrir að hækkun á leyfilegum heildarafla í umræddum tegundum auki útflutningsverðmæti útfluttra sjávarafurða um 3 millj- arða króna og kemur sú hækkun til viðbótar þeim 3 milljörðum króna sem verður vegna hækkunar á leyfi- legum heildarafla úthafsrækju sem kynnt var fyrr í þessum mánuði. Ákvarðanir sjávarútvegsráðherra munu því leiða til þess að útflutn- ingsverðmætið á árinu 2002 verður nálægt 128 milljörðum króna í stað 122 milljarða sem Þjóðhagsstofnun áætlar í endurskoðaðri þjóðhags- áætlun að öðru óbreyttu. Í sömu áætlun Þjóðhagsstofnunar er gert ráð fyrir að útflutningstekjur sjáv- arafurða verði um 113 milljarðar króna á árinu 2001. Með þessum nýju forsendum má gera ráð fyrir að útflutningsverðmætið hækki um a.m.k. 13% á milli ára, í stað 7,5% í fyrri áætlunum. Frá árinu 2000 hef- ur verðmætið þá aukist um þriðj- ung. Þegar tilkynnt var um 30 þúsund tonna niðurskurð á leyfilegum heild- arafla þorsks sl. vor var áætlað að útflutningstekjur myndu að öllu samanlögðu dragast saman um 4 milljarða króna. Þær hækkanir á leyfilegum heildarafla sem tilkynnt hefur verið um í dag og 17. desem- ber sl. gera því betur en að vega upp þann samdrátt og stefnir því allt í góða afkomu botnfiskveiða á árinu 2002, að því er segir í fréttatilkynn- ingu frá sjávarútvegsráðuneytinu. Reynt að hafa meiri áhrif á sóknina Sjávarútvegsráðherra kynnti einnig í gær hugmyndir um verndun hrygningasvæða. Hafrannsókna- stofnunin hefur þegar lagt fram til- lögur friðun hrygningarþorsks á vetrarvertíð svo og friðun hrygning- arsvæða steinbíts og skarkola, í kjölfar umræðna um verndun hrygningarsvæða mikilvægra nytja- fiska. Árni segir hugmyndirnar nokkuð róttækar sem verði kynntar hagmunaaðilum á næstu vikum. „Með því að loka hrygningarsvæð- um er verið að tryggja að hrygn- ingin takist, enda verður sókninni á þessu svæði breytt nokkuð á þeim tíma sem stofninn er hvað viðkvæm- astur.“ Þá hefur Árni einnig óskað eftir því að Hafrannsóknastofnunin geri sérstaka úttekt á sandkolastofnin- um, í ljósi vísbendinga um aukna gengd sandkola við landið. Ákveðið að auka aflaheimildir í ýsu, ufsa, kola og steinbít Ýsukvótinn aukinn um 11 þúsund tonn Morgunblaðið/Þorkell Árni M. Mathiesen sjávarútvegsráð- herra kynnir auknar aflaheimildir á blaðamannafundi í sjávarútvegs- ráðuneytinu í gær. FJÁRMÁLAEFTIRLITIÐ hef- ur gert athugasemdir við það að fjármálafyrirtæki eða greining- ardeildir á vegum þeirra veki opinberlega athygli á ýmsum fjárfestingarkostum fyrir al- menning án þess að tekið sé fram hvort viðkomandi fjármála- fyrirtæki eigi hagsmuna að gæta af viðkomandi fjárfestingarkosti. Þetta kemur fram í frétt á vef Fjármálaeftirlitsins. Páll Gunnar Pálsson segir að Fjármálaeftirlitið hafi fylgst með umfjöllun fjármálafyrir- tækja og greiningardeilda á þeirra vegum undanfarnar vik- ur, með hliðsjón af hugsanlegum hagsmunaárekstrum sem hlotist geta af slíkri umfjöllun, ef við- komandi fjármálafyrirtæki á hagsmuna að gæta af viðkom- andi fjárfestingarkosti. „Í tilmælum Fjármálaeftirlits- ins um efni verklagsreglna fjár- málafyrirtækja er lögð áhersla á að gerð sé grein fyrir slíkum hagsmunum í ráðgjöf gagnvart viðskiptavinum, ef ráðgjafanum má vera kunnugt um hags- munina. Þó hefur ekki verið talið að gera þurfi grein fyrir óveru- legum hagsmunum,“ segir Páll. „Framkvæmdin á þessu virð- ist vera misjöfn. Dæmi eru til um að greiningardeildir geri prýðilega grein fyrir þessu sam- hliða umfjöllun sinni um fjár- festingarkosti. Fjármálaeftirlitið hefur hins vegar gertathuga- semdir við þetta í tilteknum til- vikum, en vill ekki upplýsa ná- kvæmlega hvaða tilvik það eru. Það sem við höfum aðallega skoðað eru reglulegar fréttir eða pistlar greiningardeilda og um- fjöllun frá fjármálafyrirtækjun- um sjálfum í viðskiptablöðum, bæði almennt og í tengslum við útboð. Athugasemdin á einnig við þegar ráðgjafar koma fram í öðrum fjölmiðlum, t.d. morgun- sjónvarpi eða öðrum álíka þátt- um á ljósvakamiðlum.“ Fjármálaeftirlitið hefur vakið athygli fjármálafyrirtækja á þessu og eins og áður segir gert athugasemdir í nokkrum tilvik- um. „Þeir sem ætla að byggja fjárfestingu sína á ráðgjöf fjár- málafyrirtækja eða greiningar- deilda á vegum þeirra eru hvatt- ir til að leita upplýsinga um hagsmuni fjármálafyrirtækj- anna gagnvart viðkomandi fjár- festingarkosti,“ segir í frétt á vef Fjármálaeftirlitsins. Fjármálafyrir- tæki upplýsi um hagsmunatengsl FRAMKVÆMDASTJÓRN Evr- ópusambandsins hefur beðið bresku ríkisstjórnina um upplýsingar um reglur um tryggingastarfsemi Lloyd’s of London. Framkvæmdastjórnin er að rann- saka þann laga- og regluramma sem Lloyd’s starfar innan til að ganga úr skugga um hvort hann sé í samræmi við löggjöf Evrópusambandsins. Frá því er greint á fréttavef BBC að þetta geti orðið fyrsta skrefið í því ferli að athuga hvort brotið hafi verið gegn löggjöf Evrópusambandsins varðandi tryggingastarfsemi. Ef komist verður að þeirri niður- stöðu gæti það leitt til fjölda mál- sókna á hendur breska ríkinu frá umboðsmönnum Lloyd’s. Nokkrir þeirra hafa átt í málaferlum frá því snemma á tíunda áratugnum og halda því fram að breska ríkinu hafi ekki tekist að setja tryggingamark- aðnum nógu skýrar reglur. ESB rannsakar breskan trygg- ingamarkað

x

Morgunblaðið

Direct Links

If you want to link to this newspaper/magazine, please use these links:

Link to this newspaper/magazine: Morgunblaðið
https://timarit.is/publication/58

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.