Morgunblaðið - 23.03.2002, Blaðsíða 4

FRÉTTIR
4 LAUGARDAGUR 23. MARS 2002 MORGUNBLAÐIÐ
FJÖLBREYTTUR hópur ungra og
framúrskarandi listamanna svo og
þrjú líknar- og velferðarfélög
fengu afhenta styrki úr Menning-
arsjóði Visa Íslands í Listasafni Sig-
urjóns í gær. Styrkveitingar úr
sjóðnum í ár voru með talsvert öðru
sniði en áður, færri fengu styrki en
styrkupphæð var hærri til hvers og
eins. Þá fannst stjórn Menning-
arsjóðsins vera orðið tímabært að
breyta áherslum við val á styrkþeg-
um frá því sem áður var. Taldi
stjórnin að ýmsir aðrir aðilar í þjóð-
félaginu hafi í ríkara mæli beint at-
hygli sinni að vísinda- og þróun-
arstarfi og með það í huga ákvað
stjórnin að í ár skyldi verlulegum
hluta styrkfjárhæðinnar varið til
líknar- og velferðarmála svo og
menningarmála eins og verið hefur.
Þetta kom m.a. fram í inngangs-
erindi Sigurðar Hafstein, formanns
stjórnar Menningarsjóðs Visa, við
afhendingu styrkjanna. Visa hefur
veitt styrki til vísinda, menningar-
og mannúðarmála allar götur síðan
árið 1992. Síðan hefur verið út-
hlutað 42 styrkjum eða viðurkenn-
ingum, flestum til menningarmála.
Þrenn félagasamtök fengu 1,5
milljónir króna hver
Menntunarsjóður Félags heyrn-
arlausra, Stuðningsfélag Einstakra
barna og Klúbburinn Geysir voru
þau þrjú félög sem fengu styrk úr
Menningarsjóði Visa í ár og fékk
hvert félag 1,5 milljónir króna.
Tilgangur Menntunarsjóðs Fé-
lags heyrnarlausra er að stuðla að
menntun heyrnalausra, dauf-
dumbra og heyrnarskertra sem og
starfsþjálfun. Í máli Sigurðar Haf-
stein kom fram að sjóðurinn gagn-
ist m.a. þeim sem eru í framhalds-
námi, bæði hér á landi og erlendis.
„Með aðstoð úr sjóðnum hafa
nokkrir úr hópi heyrnarlausra átt
þess kost að stunda framhaldsnám
við bestu háskóla heims fyrir
heyrnarskerta.“
Stuðningsfélag Einstakra barna
var stofnað árið 1997 og í félaginu
eru 89 fjölskyldur barna sem þjást
af sjaldgæfum sjúkdómum. Hlut-
verk félagsins er m.a. að fræða og
upplýsa almenning um sjaldgæfa
sjúkdóma.
Klúbburinn Geysir hefur starfað
í tvö ár og er sjálfseignarstofnun
fyrir geðfatlað fólk sem þarf á
stuðningi að halda til að komast aft-
ur til vinnu og til eðlilegrar þátt-
töku í samfélaginu að nýju. „Hér er
um virðingarvert átak að ræða og
ætla má að ástundun félaga í
klúbbnum komi í veg fyrir inn-
lagnir á heilbrigðisstofnanir og
spari samfélaginu þannig umtals-
verðar fjárhæðir,“ sagði Sigurður
um starf Geysis.
Í máli Sigurðar kom fram að í ár
beindist athygli stjórnarinnar að
hópi listamanna. Eiga þeir það sam-
merkt að vera ungir að aldri og
stunda nám í listgreinum sínum.
Fengu þau öll styrk upp á 300 þús-
und krónur hvert.
Styrkhafarnir eru: Margrét
Kaaber, nýútskrifuð leikkona frá
The Arts Educational School of
Acting í London, Aníta Briem, sem
fengið hefur inngöngu í leiklist-
arskólann The Royal Academy of
Dramatic Arts í London, Víkingur
Heiðar Ólafsson, átján ára píanó-
leikari sem nýlokið hefur námi við
Tónlistarskólann í Reykjavík, Elfa
Rún Kristinsdóttir, sautján ára
fiðluleikari og Unnur Elísabet
Gunnarsdóttir, listdansari, sem
stundar dansnám við sænska ball-
ettskólann í Stokkhólmi.
Gestir fengu að njóta hæfileika
þeirra Elfu Rúnar og Víkings Heið-
ars sem fluttu verkið Spánskur
dans eftir Manuel De Fallia.
Táknmálstúlkur túlkaði allt sem
fram fór við athöfnina.
Menningarsjóður Visa Ísland styrkir listamenn og félagasamtök
Styrkirnir hvatning til frekari dáða
Morgunblaðið/Árni Sæberg
Styrkþegar Menningarsjóðs Visa Ísland árið 2002 hlýða á ræðu Sigurðar Hafstein, formanns Menningarsjóðs Visa. Á myndinni eru Trausti Jóhann-
esson, fyrir hönd Menntunarsjóðs Félags heyrnarlausra, Arnþrúður Karlsdóttir, formaður Félags einstakra barna, Anna Valdimarsdóttir, fulltrúi
Klúbbsins Geysis, Margrét Kaaber, Erna Þórarinsdóttir, móðir Anítu Briem, Víkingur Ólafsson, Elva Rún Kristinsdóttir og Soffía Thorarensen, móðir
Unnar Elísabetar Gunnarsdóttur.
BORGARLÖGMAÐUR telur að til-
lögur um að takmarka starfsemi svo-
kallaðra nektarstaða í borginni brjóti
í bága við lög og stjórnarskrá. Þetta
kom fram á fundi borgarstjórnar í
fyrradag. Borgaryfirvöld hafa innt
dómsmálaráðherra eftir því hvort
eitthvað sé því til fyrirstöðu að hann
staðfesti breytingu á lögreglusam-
þykkt þar sem starfsemi nektarstað-
anna eru skorður settar.
Tvær tillögur, sem miða að því að
takmarka rekstur nektarstaða í
Reykjavík, liggja fyrir. Önnur snýr að
breytingu á aðalskipulagi Reykjavík-
ur og gerir hún ráð fyrir að starfsemi
nektarstaða verði bönnuð nema sér-
staklega sé kveðið á um annað. Hin
tillagan varðar breytingu á lögreglu-
samþykkt Reykjavíkurborgar og
kveður á um að þar sem heimilt sé að
sýna nektardans á næturklúbbi skuli
tryggt að sýning fari fram í rúmgóðu
húsnæði og sýnendum sé óheimilt að
fara um meðal áhorfenda. Fjarlægð
millli sýnenda og áhorfenda skuli vera
a.m.k. fjórir metrar og hvers konar
einkasýningar séu óheimilar.
Bjartsýn á jákvæð
viðbrögð ráðherra
Steinunn Valdís Óskarsdóttir,
borgarfulltrúi Reykjavíkurlistans,
sagði borgaryfirvöld hafa ritað dóms-
málaráðherra bréf þar sem hann er
inntur eftir því hvort eitthvað sé því
til fyrirstöðu að hann staðfesti um-
rædda breytingu á lögreglusam-
þykktinni. Var borgarfulltrúinn
bjartsýnn á að dómsmálaráðherra
tæki vel í málið.
Í máli Steinunnar kom einnig fram
að í áliti, sem borgarlögmaður hefði
m.a. gefið Vilhjálmi Þ. Vilhjálmssyni,
borgarfulltrúa Sjálfstæðisflokksins,
hafi hann komist að þeirri lögfræði-
legu niðurstöðu að það að breyta lög-
reglusamþykkt í þá veru sem borg-
aryfirvöld hyggjast gera hafi ekki
lagastoð og stríði gegn 75. grein
stjórnarskrárinnar sem kveður á um
atvinnufrelsi einstaklinga.
Borgarlögmaður um
fyrirliggjandi tillögur
borgaryfirvalda
Ekki heimilt
að takmarka
starfsemi
nektarstaða
HINGAÐ til hafa notendur lófatölva
getað nálgast efni fréttavefjar Morg-
unblaðsins, mbl.is, á sniði sem hent-
ar fyrir tölvur þeirra með því að nýta
sér ókeypis þjónustu bandaríska fyr-
irtækisins AvantGo. Fyrir stuttu
breytti fyrirtækið þjónustu sinni
þannig að hún hætti að vera ókeypis.
Notendur lófatölva með Windows
CE- og Pocket PC-stýrikefi frá
Microsoft geta haldið áfram að lesa
efni mbl.is með því að nýta sér mögu-
leika í Internet Explorer, en leitað er
lausnar fyrir aðrar lófa-tölvur. Leið-
beiningar um hvernig notendur
Windows CE- og Pocket PC-lófa-
tölva geta nálgast efni mbl.is er að
finna á forsíðu mbl.is undir liðnum
WAP og lófatölvur í vinstri dálki.
Breytingar á
lófatölvuþjón-
ustu mbl.is
♦ ♦ ♦
JÓNAS Þórðarson, sem verið hefur
starfsmaður Eimskips í 52 ár, tók í
gær fyrstu skóflustungu að vöru-
hóteli félagsins á athafnasvæði þess
í Sundahöfn í gær. Gert er ráð fyrir
að bygging vöruhótelsins muni taka
ár og annast Íslenskir aðalverktak-
ar framkvæmdir. Vöruhótelið verð-
ur 19.200 fermetrar að stærð og í
því verður 21.000 brettapláss.
Vöruhótelið mun taka við stærstum
hluta vöruhúsarýmis Eimskips í
Reykjavík, að undanskilinni frysti-
geymslunni, sem byggð var 1996.
Sundaskálar 1 og 2, sem byggðir
voru fyrir um þremur áratugum
verða rifnir því þeir henta ekki
lengur starfsemi félagsins.
Áform um byggingu vöruhótels-
ins voru kynntar í fyrra og hefur
verið unnið að undirbúningi þess
síðan. Heildarfjárfesting vegna
húsbyggingarinnar, tölvubúnaðar,
hillukerfa, lyftara og annars bún-
aðar er um tveir milljarðar króna.
Stofnað hefur verið sérstakt fé-
lag um eignarhald húsbyggingar-
innar, Eignarhaldsfélagið Sunda-
bakki ehf., sem er í eigu
Eimskipafélagsins, 31,6%, Sjóvár-
Almennra trygginga, 31,6%, Skelj-
ungs, 31,6%, og Þyrpingar, 5%.
Reksturinn verður í höndum Vöru-
hótelsins ehf., sem er í eigu Eim-
skipafélagsins og TVG Zimsens.
Stór hluti birgðahalds og dreifing-
arstarfsemi þessara tveggja félaga
mun færast inn í hið nýja félag, en
Vöruhótelið verður með sjálfstæð-
an rekstur og mun einnig bjóða
þjónustu sína öðrum aðilum á inn-
anlandsmarkaði.
Morgunblaðið/Golli
Ingimundur Sigurpálsson, forstjóri Eimskips, og Jónas Þórðarson,
starfsmaður Eimskips til 52 ára, takast í hendur eftir að Jónas tók
fyrstu skóflustungu að vöruhóteli félagsins.
Fyrsta skóflu-
stunga að
vöruhóteli
KLIFURHÚSIÐ í Skútuvogi var
opnað við hátíðlega athöfn í gær
þegar Ingibjörg Sólrún Gísladóttir
borgarstjóri og Tómas Ingi Olrich
menntamálaráðherra klipptu á
borða og hleyptu atorkusömum
klifrurum að í veggina. Klifurhúsið
er starfrækt á vegum Íslenska alpa-
klúbbsins (ÍSALP) og Sportklif-
urfélags Reykjavíkur. Húsið er ætl-
að almenningi öllum til notkunar
og býður upp á þrjá slútandi klif-
urveggi, einn lóðréttan vegg þar
sem klifið er í línu og skemmtilegan
klifurhelli. Segir Stefán Páll Magn-
ússon, formaður ÍSALP, að allir
ættu að geta fundið sér klifurvegg
við hæfi í Klifurhúsinu. Hæð
veggjanna er um 5 metrar og eru
alsettir þar tilgerðum handfestum.
Mikil sjálfboðavinna félaga í ÍS-
ALP og Sportklifurfélagi Reykja-
víkur undanfarna mánuði liggur að
baki Klifurhúsinu sem nýtur stofn-
styrks frá Reykjavíkurborg.
„Það er mjög ánægjulegt að hafa
Klifurhúsið formlega opnað
náð þessum áfanga til þess að hægt
yrði að opna húsið fyrir almenn-
ingi,“ sagði Stefán Páll Magnússon.
„Eftir er að ljúka frágangi á efri
hæð hússins sem á að nýta undir
samkomusal og fundarsal fyrir opin
kvöld og námskeið, sem hingað til
hafa verið haldin í húsakynnum
Ferðafélags Íslands í Mörkinni 6.
Við væntum þess að það færist
meira líf í klúbbinn með því að hafa
starfsemina á einum stað.“
Til að æfa í Klifurhúsinu þarf
ekki að eiga annað en klifurskó,
svokallaðar túttur og er öllum
heimill aðgangur að klifurveggj-
unum. Yngri en 12 ára þurfa að
koma í fylgd með fullorðnum.
Í dag og á morgun, sunnudag,
verður frítt í Klifurhúsið en upp frá
því kostar skiptið 700 krónur fyrir
utanfélagsmenn en 600 fyrir fé-
lagsmenn. 1.000 krónur kostar að
gerast félagi. Hægt er að kaupa
mánaðarkort, þriggja mánaða og
árskort í Klifurhúsið og hvetur
Stefán alla sem vettlingi geta valdið
að koma og byrja að klifra.
Klifurhúsið er í Skútuvogi 1g,
gengið inn Barkarvogsmegin.
Morgunblaðið/Sverrir
Unnur B. Guðmundsdóttir
spreytti sig í Klifurhúsinu í gær.