Morgunblaðið - 23.03.2002, Blaðsíða 63

FRÉTTIR
MORGUNBLAÐIÐ LAUGARDAGUR 23. MARS 2002 63
NÝLEGA var skrifað undir sameig-
inlega stefnumörkun Landbún-
aðarháskólans á Hvanneyri og
Rannsóknastofnunar landbúnaðar-
ins 2002 – 2006. Undirskriftin fór
fram í landbúnaðarráðuneytinu að
viðstöddum landbúnaðarráðherra.
Um árabil hafa Rannsóknastofn-
un landbúnaðarins og Landbún-
aðarháskólinn á Hvanneyri starfað
hlið við hlið að fræðastarfi fyrir ís-
lenskan landbúnað. Á liðnum árum
hefur mikið verið rætt um nánara
samstarf stofnananna og nægir að
nefna nýgerða samninga milli LBH
og RALA um rannsóknir og
kennslu í sauðfjárrækt og bútækni.
Með þessari undirskrift er stigið
næsta skref og lögð fram sameig-
inleg stefnumörkun til næstu fimm
ára um rannsóknir og kennslu í
þágu landbúnaðarins.
Í lok þess tímabils, sem stefnu-
mörkunin nær til, er stefnt að því
að eftirfarandi áföngum verði náð:
1. Að faglegt starf við RALA og
LBH sé samræmt, og leitað hafi
verið markvisst eftir samþættingu
við aðrar stofnanir landbúnaðarins.
2. Að ásinn Keldnaholt-
Hvanneyri virki sem ein starfsstöð
og sé miðstöð faglegs starfs stofn-
ananna. Í því felst að starfsmenn
einstakra starfssviða geti sinnt
starfi sínu á hvorum staðnum sem
er.
3. Að öll tilraunaaðstaða nýtist
starfsmönnum beggja stofnana og
að rekstrarfyrirkomulag hvetji til
slíkrar samnýtingar.
Það er trú þeirra, sem að þessu
koma að þetta skili jákvæðum ár-
angri fyrir þá mörgu sem stofn-
anirnar þjóna, starfsmenn þeirra
og samfélagið allt, segir í frétta-
tilkynningu.
Við borðið sitja Magnús B. Jónsson, rektor Landbúnaðarháskólans á Hvanneyri, og Þorsteinn Tómasson, for-
stjóri Rannsóknastofnunar landbúnaðarins. Fyrir aftan þá standa, frá vinstri: Guðni Ágústsson landbún-
aðarráðherra, Guðmundur Helgason, ráðuneytisstjóri í landbúnaðarráðuneytinu, Torfi Jóhannesson, Landbún-
aðarháskólanum á Hvanneyri, og Áslaug Helgadóttir, aðstoðarforstjóri RALA
Sameiginleg stefnu-
mörkun RALA og LBH
SAMTÖK um betri byggð halda að-
alfund í dag, laugardag kl. 14, á ann-
arri hæð í Húsi málarans Banka-
stræti, 7a.
Erindi halda: Pétur Ármannsson
arkitekt, Þorvaldur Gylfason pró-
fessor og Orri Gunnarsson verk-
fræðinemi.
Samtök um betri byggð eru ópóli-
tísk samtök sem hafa það að mark-
miði að stuðla að uppbyggilegri um-
ræðu um skipulagsmál borgarinnar,
segir í fréttatilkynningu.
Fundurinn er opinn fundur og all-
ir velkomnir.
Aðalfundur
Samtaka um
betri byggð
FERÐAFÉLAG Íslands efnir til
göngu á Vatnsleysuströnd, sunnan
við álverið í Straumsvík, sunnudag-
inn 24.mars. Gengið verður á milli
Straums, Oddsstaðar og Lónkots og
þaðan upp á Keflavíkurveg. Farið
verður úr bílnum rétt sunnan við ál-
verið og gengið með sjónum í vest-
urátt, gengið verður með fjörunni og
í hrauninu. Þetta er um tveggja til
þriggja tíma ganga. Fararstjóri er
Ásgeir Pálsson. Verð er kr. 1.000/
1.200. Brottför frá BSÍ kl. 10.30 með
viðkomu í Mörkinni 6.
Gengið á Vatns-
leysuströnd
Samtök atvinnulífsins
Samtök atvinnulífsins voru kölluð
Samtök iðnaðarins á einum stað í
frétt um fund forystumanna ríkis-
stjórnarinnar, ASÍ og SA í blaðinu í
gær. Beðist er velvirðingar á mistök-
unum.
Orð datt út í um-
mælum Ara Teitssonar
Í umfjöllun um úrskurði Óbyggða-
nefndar í blaðinu í gær datt út orðið
„ekki“ á einum stað í ummælum Ara
Teitssonar, formanns Bændasam-
takanna. Rétt eru ummælin þessi:
„Hinu er ekki að neita að ríkinu var
dæmdur grunneignarréttur á nánast
öllum afréttum Árnessýslu. Það var
eitthvað sem menn vonuðu að yrði
ekki raunin.“
Þá skal það áréttað, vegna sömu
greinar, að það var afréttur en ekki
land sem Biskupstungnamenn
keyptu af kirkjunni fyrir um 150 ár-
um. Beðist er velvirðingar á þessu.
Eigendur samþykktu
ekki samning
Misræmis gætti í fyrirsögn með
frétt um samning vegna Strætó bs.
sem birtist í Morgunblaðinu í gær.
Sagði í fyrirsögninni að borgarritari
segði að eigendur Strætó hefðu sam-
þykkt samninginn sem gerður var
við Skúla Bjarnason stjórnarfor-
mann um störf hans þar til fram-
kvæmdastjóri kæmi að félaginu.
Eins og fram kemur í sjálfri fréttinni
fólu eigendur borgarritara og bæj-
arritara Hafnarfjarðar að ganga frá
samningi við stjórnarformanninn.
Samningurinn sem slíkur var hins
vegar ekki borinn undir eigendur
Strætó þegar hann lá fyrir heldur
sendur til fjármálastjóra Strætó bs.
til framkvæmdar. Er beðist velvirð-
ingar á þessu misræmi.
LEIÐRÉTT
NÁMSKEIÐ um sjálfstyrkingu
unglinga á aldrinum 13 – 14 ára verð-
ur í Foreldrahúsinu að Vonarstræti
4b, þriðjudaginn 2. apríl. Námskeið-
inu er ætlað að efla sjálfstraust,
sjálfsvirðingu og félagslega hæfni
unglinga.
Unnið verður með listmeðferð og
tjáningu á myndrænu formi. Farið
verður í tilfinningar og hvernig við-
komandi einstaklingi líður frá degi
til dags og unglingunum leiðbeint
um hvernig þeir geti ráðið bót á nei-
kvæðum tilfinningum. Uppbygging
sjálfsvirðingarinnar verður einn af
lykilþáttum námskeiðsins og sjálfs-
traustið eflt og fleira. Allar nánari
upplýsingar er að fá í Foreldrahús-
inu.
Sjálfstyrking
unglinga
HESTASÝNING og kántrýkvöld
verða á Blönduósi og Skagaströnd í
dag, laugardaginn 23. mars.
Kl. 15 verður sýning hestamanna í
reiðhöllinni Arnargerði við Blöndu-
ós. Þar verður m.a.: ræktunarbú,
einstaklingsatriði, grín og glens, við-
urkenningar o.fl.
Aðgöngumiðar verða seldir í
Byggingavöruverslun Kaupfélags
Húnvetninga. Aðgangseyrir er kr.
1.500 fyrir fullorðna og kr. 500 fyrir
börn 7–12 ára. Um kvöldið verður
kántrýkvöld í Kántrýbæ.
Hestasýning og
kántrýkvöld
VORHEIMSÓKNIR grunnskóla-
nema til Alviðru, umhverfisfræðslu-
seturs Landverndar við Sog, hefjast
eftir páska, undir kjörorðinu „Til
móts við vorið“.
Aðsókn hefur vaxið hröðum skref-
um síðustu ár, en skólar víðs vegar
að af landinu heimsækja Alviðru ár-
lega. Útivist, fróðleikur og skemmt-
un er markmið heimsóknarinnar í
hnotskurn. Dagskrá Alviðru stendur
til 7. júní, segir í fréttatilkynningu.
Vorheimsókn
í Alviðru
UNDIRRITAÐUR var nýlega í
menntamálaráðuneytinu þjónustu-
samningur milli ráðuneytisins og
Landssamtakanna Þroskahjálpar
og Öryrkjabandalags Íslands í
menntamálaráðuneytinu. Sam-
kvæmt samningnum taka sam-
tökin að sér rekstur fullorð-
insfræðslu fyrir fatlaða sem heyrir
undir menntamálaráðuneytið og
yfirtaka núverandi starfsemi full-
orðinsfræðslunnar. Stofnuð verður
sjálfseignarstofnun um verkefnið,
Fullorðinsfræðsla fatlaðra.
Markmið Fullorðinsfræðslunnar
verður eftir sem áður að skipu-
leggja námskeið fyrir fullorðið
fatlað fólk sem ekki á kost á
starfsþjálfun og símenntun hjá
öðrum símenntunaraðilum. Stjórn
sjálfseignarstofnunarinnar verður
skipuð fimm mönnum til þriggja
ára í senn og fimm til vara. Hún
mun ákveða meginþætti í stefnu
stofnunarinnar og setja starfs-
reglur.
Menntamálaráðuneytið greiðir
um 141 milljón króna á árinu 2002
vegna verkefnisins og lætur sjálfs-
eignarstofnuninni í té þann búnað
sem tilheyrt hefur Fullorð-
insfræðslu fatlaðra. Fyrir 1. júní
2002 skulu aðilar gera með sér
sérstakt samkomulag um framtíð-
arlausn húsnæðismála fullorð-
insfræðslunnar og um leigugjöld
sem af því leiðir.
Samningurinn gengur í gildi 1.
ágúst 2002, segir í frétt frá
menntamálaráðuneytinu.
Morgunblaðið/Kristinn
Garðar Sverrisson, formaður Öryrkjabandalagsins, Tómas Ingi Olrich
menntamálaráðherra og Halldór Gunnarsson, formaður Landssamtak-
anna Þroskahjálpar, undirrita þjónustusamninginn.
Þjónustusamningur um
fullorðinsfræðslu fatlaðra
UNGAR stúlkur fá á þriðjudag
tækifæri til að kynnast vinnu-
stöðum þeirra fullorðnu.
Mömmur, pabbar, afar og
ömmur eru hvött til að taka
stúlku á aldrinum 9–15 ára með
sér í vinnuna þriðjudaginn 26.
mars, segir í fréttatilkynningu
Dagurinn Dæturnar með í
vinnuna er hluti af verkefninu
Auður í krafti kvenna. Auðar-
verkefnið er þriggja ára verk-
efni sem hóf göngu sína 1999 og
miðar að því að auka hagvöxt á
Íslandi með því að hvetja konur
til atvinnusköpunar.
„Markmiðið með þessum
degi er að hvetja stúlkur til að
hugsa um mismunandi leiðir og
tækifæri snemma á lífsleiðinni.
Með því að hvetja ungar stúlk-
ur til dáða, efla sjálfstraust
þeirra og auka víðsýni getum
við betur virkjað krafta kvenna
til atvinnusköpunar og aukn-
ingar hagvaxtar í framtíðinni.
Auðar-verkefnið stendur fyr-
ir þessum degi núna í þriðja
skipti. Takmarkið er að í fram-
tíðinni verði dagurinn orðinn
sjálfsagður hluti af atvinnulíf-
inu á Íslandi, og stúlkur lands-
ins á aldrinum 9–15 ára fái
tækifæri á að kynnast ólíkum
fyrirtækjum og störfum. Áhugi
fyrirtækja á deginum í fyrra og
í ár bendir til að góðar líkur séu
á því að þessu takmarki verði
náð,“ segir í tilkynningunni.
Nánari upplýsingar veitir
Þorbjörg Vigfúsdóttir verk-
efnastjóri Auðar í krafti kvenna
í síma eða á netfangi aud-
ur@ru.is.
Dæturnar
með í vinnuna
á þriðjudag
KOMIÐ hefur í ljós að eftirgerjun
hefur átt sér stað í nokkrum flöskum
af íslenska berjavíninu Kvöldsól.
Við eftirgerjun myndast kolsýra,
hún eykur þrýsting í flöskum sem
getur valdið því að tappinn skjótist
úr, vínið fylgir á eftir og skilur eftir
bletti sem erfitt getur verið að
hreinsa.
Að sögn framleiðanda er hægt að
draga úr líkum á að þetta gerist með
því að kæla vínið.
ÁTVR mun taka við og endur-
greiða Kvöldsól af þeim sem þess
óska, segir í frétt frá Áfengis- og tób-
aksverslun ríkisins.
Eftirgerjun
í berjavíni
NÁMSKEIÐIÐ Öflugt sjálfstraust
verður haldið í Foreldrahúsinu að
Vonarstræti 4b dagana 8. og 15. apríl
kl. 18 – 21 báða dagana.
Námskeiðið er fyrir alla foreldra
sem vilja styrkja sig í að verða sterk-
ar fyrirmyndir fyrir börnin sín.
Kenndar eru aðferðir til að efla
sjálfstraust, fjallað um áhrif hugar-
fars og leiðir til að byggja sig upp og
taka ábyrgð á eigin lífi og heilsu.
Höfundar námskeiðsins eru Jó-
hann Ingi Gunnarsson og Sæmund-
ur Hafsteinsson sálfræðingar. Þeir
flytja námsefnið á myndbandi.
Nánari upplýsingar eru í For-
eldrahúsinu.
Forvarnar-
námskeið
LEIÐIR til að nýta þann skapandi
kraft og hugmyndaauðgi sem felst í
menningarmun er viðfangsefni nám-
skeiðs sem verður hjá Endurmennt-
un HÍ dagana 8. og 9. apríl kl. 9–12.
„Fólk af ýmsu þjóðerni starfar
saman á vinnustöðum, í skólum og
félagasamtökum og er markmið
námskeiðsins að auka skilning á við-
brögðum fólks í framandi aðstæðum
og fræðast um gildismat sem hefur
áhrif á skoðanir og viðbrögð. Fjallað
verður m.a. um aðlögun og menning-
aráfall, fordóma og mismunandi
menningarkerfi,“ segir í fréttatil-
kynningu.
Kennari er Margrét Einarsdóttir
sálfræðingur hjá Þróunarsamvinnu-
stofnun. Frekari upplýsingar um
efni námskeiðsins eru á vefsíðunni
www.endurmenntun.is og þar er
jafnframt hægt að skrá sig, segir í
fréttatilkynningu.
Námskeið um
fjölþjóðlega
vinnustaði
UTANRÍKISRÁÐUNEYTIÐ býð-
ur fyrirtækjum, samtökum, stofnun-
um og einstaklingum viðtalstíma við
sendiherra Íslands til þess að ræða
hagsmunamál sín erlendis, við-
skiptamöguleika og önnur málefni
þar sem utanríkisþjónustan getur
orðið að liði.
Þórður Ægir Óskarsson, sendi-
herra Íslands í Vínarborg, verður til
viðtals í utanríkisráðuneytinu mið-
vikudaginn 27. mars nk. kl. 10 til 12.
Umdæmi sendiráðsins nær einnig
til Bosníu og Hersegóvínu, Ung-
verjalands og Slóvakíu, segir í frétt
frá utanríkisráðuneytinu.
Viðtalstími
sendiherra í
Vínarborg