Morgunblaðið - 23.03.2002, Blaðsíða 12
FRÉTTIR
12 LAUGARDAGUR 23. MARS 2002 MORGUNBLAÐIÐ
UMHVERFISRÁÐHERRA, Siv
Friðleifsdóttir, fékk samþykki rík-
isstjórnarinnar í gærmorgun til að
leggja fram frumvarp á Alþingi um
nýja Umhverfisstofnun, sem taka á
til starfa í Reykjavík um næstu ára-
mót þegar lögin eiga að taka gildi.
Þá munu sameinast undir eitt þak, í
húsnæði sem á eftir að finna, Holl-
ustuvernd ríkisins, Náttúruvernd
ríkisins, Veiðistjóraembættið,
Hreindýraráð og Dýraverndarráð.
Um 60 manns starfa hjá þessum
stofnunum í dag og á blaðamanna-
fundi umhverfisráðherra í gær kom
fram að núverandi starfsmenn
hefðu forgang í störfum nýrrar
Umhverfisstofnunar. Mögulegt er
að fleiri stofnanir sem tengjast um-
hverfismálum verði einnig samein-
aðar nýju stofnuninni.
Ráðherra sagði að stórt skref
væri verið að stíga í umhverf-
ismálum með því að einfalda og
styrkja stjórnsýsluna í ört vaxandi
málaflokki. Með stofnuninni yrði til
öflugt stjórntæki í umhverfismálum
sem skapaði nýja vídd.
Siv upplýsti jafnframt að óvissa
væri um afdrif 12 starfa á rann-
sóknarstofu Hollustuverndar þar
sem rannsóknarstörf tilheyrðu ekki
stjórnsýslustofnun sem þessari. Siv
sagði að möguleiki væri á að starf-
semin gæti heyrt undir fyrirhugaða
Matvælastofu. Hún kynnti þessar
breytingar fyrir starfsmönnum
Hollustuverndar og Náttúruvernd-
ar í gær og sagðist hafa fengið góð
viðbrögð, að undanskildri þeirri
óvissu sem starfsmenn rannsókn-
arstofunnar væru komnir í. Von-
aðist hún til að það mál leystist far-
sællega.
Aðeins verður auglýst í starf for-
stjóra stofnunarinnar, sem mun
taka til starfa 1. október nk. Hann
mun jafnframt taka sæti í sér-
stökum starfshópi sem ætlað er að
skipuleggja starfsemi Umhverf-
isstofnunar enn frekar.
Möguleiki á aukinni
starfsemi á landsbyggðinni
Hluti starfseminnar verður á
landsbyggðinni þar sem starfsemi
embættis Veiðistjóra verður áfram
á Akureyri og aðsetur Hrein-
dýraráðs áfram á Egilsstöðum. Siv
útilokaði ekki að starfsemin á
landsbyggðinni yrði efld enn frekar
og að fleiri stofnanir, sem tengdust
umhverfismálum, sameinuðust Um-
hverfisstofnun síðar meir. Sem
dæmi nefndi hún Náttúru-
fræðistofnun Íslands, Landgræðslu
ríkisins, Veðurstofuna, Veiði-
málastofnun og Landmælingar rík-
isins.
Siv sagði að hér væri verið að
stíga fyrsta skrefið í endurskoðun á
stofnanauppbyggingu ráðuneyt-
isins. Sú endurskoðun hefði verið
tímabær eftir 11 ára starfsemi um-
hverfisráðuneytisins. Fyrir þann
tíma hefðu umræddar stofnanir
heyrt undir mismunandi ráðuneyti.
Umhverfisráðherra sagði jafn-
framt að á vegum ráðuneytisins
væri nú unnið að endurskoðun
skipulags-, byggingar og bruna-
mála, þar sem ætlunin væri að færa
stjórnsýslu byggingamála frá
Skipulagsstofnun til Bruna-
málastofnunar.
Fimm stofnanir sameinaðar í nýja Umhverfisstofnun
Morgunblaðið/Jim Smart
Siv Friðleifsdóttir kynnti í gær áform um nýja stofnun á sviði umhverf-
ismála, Umhverfisstofnun, sem taka á til starfa frá næstu áramótum.
„Öflugt stjórntæki
sem skapar nýja vídd“
ÞRIGGJA ára áætlun um rekstur, fram-
kvæmd og fjármál Reykjavíkurborgar 2003–
2005 var samþykkt með átta samhljóða at-
kvæðum meirihlutans á fundi borgarstjórnar
í fyrradag. Í áætluninni er m.a. gert ráð fyrir
að skuldir borgarsjóðs án lífeyrisskuldbind-
inga lækki á tímabilinu um tæpa 2,8 milljarða
króna og verði í lok þess tæpir 12,7 milljarðar
á árslokaverðlagi 2001.
Í máli borgarfulltrúa Sjálfstæðisflokksins á
fundinum kom fram að fjármunir sem færðir
hafa verið frá fyrirtækjum borgarinnar í
borgarsjóð til að fegra stöðu hans, nema 14
milljörðum króna. Ber þar hæst tilfærslur
fjármuna milli Orkuveitu Reykjavíkur og
borgarsjóðs. „Skatttekjur borgarinnar þau
tvö kjörtímabil sem R-listinn hefur farið með
völd hafa numið 157 milljörðum, sem er 50
milljörðum hærra á sama verðlagi en þær
skatttekjur sem sjálfstæðismenn höfðu úr að
spila síðustu tvö kjörtímabilin sem þeir sátu
við völd. Þegar tekið er tillit til yfirfærslu
grunnskóla til sveitarfélaga nemur þessi
munur um það bil 30 milljörðum króna. Þar
að auki hafa borgaryfirvöld aukið fé á milli
handa vegna þess að þeir hafa stóraukið
skuldir borgarinnar og vegna nýrra gjalda,
m.a. holræsagjalds sem nemur 5 milljörðum,“
segir m.a. í bókun borgarfulltrúa Sjálfstæð-
isflokksins sem lögð var fram á fundinum.
Mikil umræða skapaðist á fundinum um
skuldastöðu Orkuveitu Reykjavíkur sem er
að sögn borgarfulltrúa Sjálfstæðisflokksins í
sögulegu hámarki, eða rúmir 20 milljarðar.
Sigrún Magnúsdóttir, borgarfulltrúi R-
listans, sagði að frá árinu 2006 mætti gera
ráð fyrir því að Orkuveitan gæti greitt niður
skuldir sínar á fimm árum. „Í þriggja ára
áætluninni sem lögð var fram í fyrra, var
gert ráð fyrir að í árslok 2004 yrðu skuldir
borgarinnar komnar niður í 30% af skatt-
tekjum. Nú, ári síðar, er lögð fram ný áætlun
sem gerir ráð fyrir að 2004 verði skuldir ekki
30% heldur 52% af sömu skatttekjum,“ segir
ennfremur í bókun borgarfulltrúa Sjálfstæð-
isflokksins. „Nú eru skuldir tæplega 60% af
skatttekjum. Það má því mikið gerast ef tak-
ast á að koma þeim niður í 30% eftir aðeins
tvö ár.“
Helgi Hjörvar, borgarfulltrúi R-listans,
vitnaði í úttekt sem eftirlitsnefnd um fjármál
sveitarfélaganna vann á vegum félagsmála-
ráðuneytisins, sem sýni að Reykjavík standi
vel í samanburði við hin sveitarfélögin á höf-
uðborgarsvæðinu. Reykjavík fær þar ein-
kunnina 8 sem vegið meðaltal einkunna fyrir
rekstur, fjárfestingu, peningalega stöðu og
skuldir sveitarfélagsins. Borgarfulltrúar
Sjálfstæðisflokksins bentu á að Reykjavík-
urborg fær í úttektinni einkunnina 0 hvað
varðar rekstur málaflokka í hlutfalli við
skatttekjur.
Þriggja ára áætlun um rekstur, framkvæmd og fjármál Reykjavíkur samþykkt
Áætlað að skuldir
borgarsjóðs lækki
um 2,8 milljarða
Tilfærsla á fjármunum til að fegra stöðu
sjóðsins, segja sjálfstæðismenn
BJÖRN Bjarnason,
efsti maður á lista
sjálfstæðismanna í
Reykjavík vegna
borgarstjórnarkosn-
inganna í vor, sagði á
fundi með kaupmönn-
um við Laugaveg í
fyrradag að kæmust
sjálfstæðismenn til
valda í borginni ætl-
uðu þeir að tryggja
næg bílastæði í mið-
borginni og afnema
stöðumælagjöld þeg-
ar bílum væri lagt í
skamman tíma.
„Þetta var fínn
fundur,“ sagði Jón
Sigurjónsson, gull-
smiður hjá Jóni og
Óskari, um fundinn
sem var haldinn í Húsi
Málarans. Jón ásamt
Gunnari Guðjónssyni
í Gleraugnamiðstöð-
inni og Hildi Símonar-
dóttur í Vinnufata-
búðinni sendu fyrir
skömmu sjálfstæðismönnum í
Reykjavík álit kaupmanna um úr-
bætur og hvað þurfi að gerast til að
verslun lifi af og blómstri á Lauga-
veginum. Þar kemur m.a. fram að
Laugavegurinn sé helsta verslun-
argata Reykjavíkur og eigi við-
skiptin að blómstra sé grundvall-
aratriði að viðskiptavinirnir geti
komið á bílum og lagt þeim í næsta
nágrenni við Laugaveginn. Stöðu-
mælagjöld eigi ekki að vera tekju-
lind fyrir borgina og stöðumæla-
sjóður eigi aðeins að standa undir
rekstrarkostnaði en eigi ekki að
fjármagna byggingu nýrra bíla-
stæðahúsa eða bílapalla. „Við vor-
um mjög ánægðir með svör Björns
og hann tók mjög vel í hugmyndir
okkar enda skilur hann vel hvers
svæðið þarfnast og hvað þarf að
gera,“ sagði Jón og bætti við að
hugmyndir þremenninganna væru
töluvert á skjön við það sem borg-
aryfirvöld hefðu á prjónunum.
„Samkvæmt stefnu R-listans eiga
viðskiptavinirnir að koma í al-
menningsvögnum, á reiðhjóli eða
gangandi en það gengur ekki upp.
Ef viðskiptasvæðið á að byggjast
upp þarf að efla bílastæði og breyta
bílastæðagjöldum. Björn var sam-
mála því og það lofar góðu.“
Í áliti kaupmannanna kemur
fram að þeir séu alfarið á móti mik-
illi friðun húsa við Laugaveginn.
Björn Bjarnason sagði að sjálf-
stæðismenn í Reykjavík vildu hefja
markvisst uppbyggingarstarf og
hreinsa til í miðborginni, einkum
við Laugaveg, til dæmis með því að
tryggja að friðunaráform húsa
kæmu ekki í veg fyrir eðlilega upp-
byggingu. Jón sagði að ef bílastæði
yrðu ekki byggð yrði engin upp-
bygging. „Ef við fáum næg bíla-
stæði kemur allt hitt á eftir,“ sagði
hann og bætti við að ekkert hefði
gerst í bílastæðamálum við Lauga-
veginn í átta ár. Hins vegar væri
tækifærið nú fyrir hendi vegna að-
gerðarleysisins að undanförnu.
Í máli Björns kom fram að sjálf-
stæðismenn ætluðu að lífga
miðbæinn við, koma á fót betri
hreinlætis- og salernisaðstöðu fyr-
ir almenning og auka lýsingu gatna
og mannvirkja auk þess sem lögð
yrði áhersla á að tryggja öryggi
borgaranna í miðbænum og flytja
nektardansstaðina út fyrir mið-
borgarmörkin í samráði við rekstr-
araðila. Jón sagði að þetta væru
mikilvæg mál og kaupmenn væru
mjög sáttir við það sem Björn hefði
lagt áherslu á.
Björn Bjarnason lagði áherslu á að leysa
bílastæðismál á fundi með kaupmönnum
við Laugaveginn.
Björn Bjarnason á fundi með
kaupmönnum við Laugaveg
Morgunblaðið/Árni Sæberg
Ætlar að tryggja
bílastæði og af-
nema stöðumæla-
gjöld að hluta
BORGARSTJÓRN hefur sam-
þykkt að banna umferð og
geymslu kjarnorku-, efna- og
sýklavopna í borgarlandinu.
Reykjavík er þar með 49. sveitar-
félagið sem samþykkir slíka álykt-
un.
Kom fram í máli Kolbeins
Proppé, borgarfulltrúa R-listans,
að um sé að ræða alþjóðlega hug-
mynd sem skotið hafi rótum víða
um heim. Var samþykkt borgar-
stjórnar í samræmi við fyrri sam-
þykktir umhverfis- og heilbrigð-
isnefndar Reykjavíkur.
Kjarnorku-
vopn bönnuð í
borgarlandinu
RANNSÓKN sýslumannsins í
Mýra- og Borgarfjarðarsýslu á
aðbúnaði og umhirðu búfjár á
tveimur bæjum í sýslunni stendur
nú yfir og hafa hundruð gripa ver-
ið könnuð.
Málið hófst í byrjun þessa mán-
aðar þegar farið var að bæ í Þver-
árhlíð að fengnum dómsúrskurði
og ástand sauðfjár kannað. Lóga
þurfti á annað hundrað kindum í
sláturhúsinu í Borgarnesi en
grunur er um að dýraverndarlög
hafi verið brotin á bænum með
illri meðferð á dýrum.
Á fimmtudag var farið til að
kanna ástand allra hrossa á bæn-
um, um 140 til 150 að tölu.
Tíu kindum lógað
vegna bágs ástands
Fram hefur komið af hálfu Stef-
áns Skarphéðinssonar sýslu-
manns að orðrómur hafi verið
uppi um skeið um meinta illa með-
ferð á búfé á bænum.
Á þriðjudag var farið að öðrum
bæ í sveitinni og ástand 240 fjár
kannað og þurfti að lóga þurfti 10
kindum í sláturhúsi.
Umhirða búfjár rann-
sökuð á tveimur býlum