Morgunblaðið - 23.03.2002, Blaðsíða 15
SUÐURNES
MORGUNBLAÐIÐ LAUGARDAGUR 23. MARS 2002 15
Kynningarfundur verður haldinn í Kjarna, Hafnargötu 57,
miðvikudaginn 3. apríl n.k. kl 20:00.
(ekki mánudaginn 25. mars eins og sagt var í VF).
Nýir félagar/þátttakendur sérstaklega velkomnir.
Stýrihópur Staðardagskrár 21 í Reykjanesbæ
REYKJANESBÆR. VISTVERND Í VERKI
LANDIÐ
VIÐBYGGING leikskólans Sólborg-
ar í Sandgerði var tekin í notkun í
gær við hátíðlega athöfn. Húsnæði
leikskólans meira en tvöfaldast.
Í nýja leikskólanum er ein leik-
skóladeild sem kemur til viðbótar
þeim tveimur sem fyrir eru en auk
þess fjölnotasalur, eldhús, skrifstofa
leikskólastjóra og nýtt stórt anddyri
fyrir fatnað leikskólabarna. Jórunn
Guðmundsdóttir leikskólastjóri segir
að aðstaða leikskólans gjörbreytist.
Nú verði hægt að auka þjónustu hans
og fjölga börnum um tuttugu. Nefnir
hún að unnt verði að bjóða upp á
sveigjanlega vistun og heilsdagsvist-
un en mesta breytingin felist þó í því
að hægt verði að bjóða börnunum upp
á allan mat í skólanum.
Kostnaður við bygginguna, búnað
og frágang lóðar er um 60 milljónir.
Við athöfnina í gær afhenti fulltrúi
verktakans, sem er Hagtré hf., Ósk-
ari Gunnarssyni, forseta bæjarstjórn-
ar, lykla að nýja skólanum og hann af-
henti þá síðan leikskólastjóra. Séra
Björn Sveinn Björnsson sóknarprest-
ur blessaði starfið og leikskólabörnin
sungu og léku leikrit. Síðan bauð bæj-
arstjórn foreldrum og öðrum gestum
upp á kaffi og tertu.
Húsnæði skólans tvöfaldast
Morgunblaðið/Reynir Sveinsson
Sandgerði
GRÁSLEPPUVERTÍÐIN hófst á
miðvikudag, en heimilt var að
leggja fyrstu netin að morgni 20.
mars. Níu bátar gera út á grásleppu
frá Þórshöfn og lögðu flestir strax á
miðvikudagsmorgni.
Tengdafeðgarnir Halldór Jó-
hannsson og Ásgeir Kristjánsson á
eikarbátnum Leó II voru að gera
klárt fyrir fyrstu netalögnina í
brunakulda, en um 17 stiga frost
var snemma morguns. „Ætli netin
séu ekki frosin í pokunum,“ sagði
Halldór með ró því eftir 34 ár í sjó-
mennsku verða menn ekki upp-
næmir fyrir smámunum eins og
gaddfrosnum netastumpum.
Verðið á grásleppuhrognum er í
ár um 60 þúsund á tunnu en það
þykir ekki sérlega gott verð, að
sögn þeirra félaga sem voru í fyrstu
að hugsa um að halda áfram á línu-
veiðum og láta grásleppuna eiga sig
en ákváðu síðan að láta slag standa.
Kuldalegt á
grásleppuvertíð
Þórshöfn
AÐSTANDENDUR James Bond-
myndarinnar „Die Another Day“
buðu í vikunni þeim sem komu að
verkefninu að skoða grófklippt
myndefni sem tekið var á Jökulsár-
lóni. Tökum er nú lokið og breska
tökuliðið farið til síns heima.
Að sögn Leifs Dagfinnssonar hjá
Saga Film gengu tökur á atriðum í
myndina eins og í sögu og eru fram-
leiðendurnir í skýjunum yfir því
myndefni sem náðist á filmu á Jök-
ulsárlóni. Bresku kvikmyndagerðar-
mennirnir eru mjög ánægðir með all-
an aðbúnað á Höfn og aðstæður við
Lónið og veðrið var eins og eftir
pöntun. Sýning myndefnisins var
einskonar þakklætisvottur til Horn-
firðinga, en mjög óvenjulegt er að
sýna almenningi óklippt myndskeið
úr kvikmyndum með þessum hætti.
Á myndunum sást eltingaleikur á
milli James Bonds og Zaos, óþokkans
á ísnum á Jökulsárlóninu. Í myndinni
býr illmennið í ískastala á Íslandi og
græni Jagúar XKS bíllinn sem hann
ekur er á íslenskum númerum. Bond
ekur hinsvegar silfurgráum Aston
Martin bíl sínum snilldarlega milli ís-
jakanna á lóninu. Ískastalanum og
fleiru verður bætt inná myndefnið
sem sýnt var á Höfn. Ekki voru
Pierce Brosnan og Rick June, sem
leikur Zao, undir stýri í bílunum á
Jökulsárlóninu, heldur verða nær-
myndir af þeim teknar í kvikmynda-
veri í Englandi og bætt inn á síðar.
Verðmætt verkefni
Um 250 manns unnu við tökurnar
þegar mest var enda var þetta aðal-
eltingaleikurinn í myndinni og mikið
haft við. Fjölmargir heimamenn
komu að þessu verkefni með einum
eða öðrum hætti.
Ásmundur Gíslason, formaður
Ferðamálafélags Austur-Skaftafells-
sýslu, segir að svona verkefni sé
ákaflega verðmætt fyrir héraðið því
að vel á annað hundrað milljónir
króna skili sér inn í hagkerfi sýslunn-
ar.
Bond-ævintýrið á Hornafirði á enda
Sýndu mynd-
efnið á Höfn
Hornafjörður
Í LEIKSKÓLANUM á
Kirkjubæjarklaustri var
haldin danskennsla á
dögunum. Þetta er í
fyrsta skiptið sem dans-
kennari kemur í leikskól-
ann og kemur þetta til
með að verða fastur liður
í dagskrá leikskólans.
Að sögn Hinriks Vals-
sonar danskennara, sem
einnig kennir dans í
grunnskólanum, er þessi
íþrótt sérstaklega góð
fyrir svona ung börn, þar sem þau
séu svo móttækileg og auðvelt að
kenna þeim að fylgja takti við
tónlistina. Einnig efli þetta mjög
vel hreyfiþroskann.
Í danskennslunni er lögð
áhersla á að kenna börnunum að
fara eftir ákveðnu munstri, farið í
frjálsa dansa og svo að sjálfsögðu
að hafa mikið fjör.
Danskennsla í leikskóla
Morgunblaðið/Eiður Björn Ingólfsson
Kirkjubæjarklaustur
ÁKVEÐIÐ hefur verið að stofna
Tómstundabandalag Reykjanesbæj-
ar (TRB). Félög og klúbbar íþrótta-
greina sem standa utan Íþróttasam-
bands Íslands geta gerst aðilar að
bandalaginu.
Stefán Bjarkason, íþrótta- og tóm-
stundafulltrúi, hefur lengi haft áhuga
á að sameina klúbba sem standa utan
íþróttahreyfingarinnar í ein samtök,
tómstundabandalag. Á fundi Tóm-
stunda- og íþróttaráðs bæjarins í vik-
unni kom fram að formaður Skák-
félags Reykjanesbæjar hefur boðist
til að vinna að undirbúning kynning-
arfundar um stofnun slíks bandalags,
8. apríl næstkomandi.
Ráðið fagnaði þessari þróun mála.
Talið er að Tómstundabandalag
Reykjanesbæjar verði hið fyrsta
sinnar gerðar á landinu og Stefán
Bjarkason segir að vonandi sé það að-
eins fyrsta skrefið að stofnun Tóm-
stundabandalags Íslands.
Tómstunda- og íþróttaráð vill beita
sér fyrir því að Tómstundabandalagið
fái aðild að ráðinu, með sama hætti og
fulltrúi Íþróttabandalags Reykjanes-
bæjar, og hefur jafnframt lýst yfir
þeim ásetningi að aðildarfélögin muni
hafa forgang að fjárveitingum úr
Tómstundasjóði.
Stefán segir að áratuga reynsla sé
komin á uppbyggingu íþróttahreyf-
ingarinnar og sé hugmyndin að nota
hana við skipulagningu tómstunda-
bandalags. Mikilvægt sé að koma
festu á starfsemi félaga og stofnana
sem starfa að jaðaríþróttagreinum
ýmiskonar og stofnun TRB geti verið
liður í því.
Stefán segir að ekki sé hægt að
setja saman tæmandi lista yfir hvaða
félög gætu átt aðild að þessu nýja
bandalagi, enda séu áhugamálin
breytileg. Hann nefndir þó, auk skák-
félagsins, sportköfun, pílukast, sigl-
ingar og smábílaklúbb, sem dæmi um
hugsanleg aðildarfélög.
Unnið að stofnun tómstunda-
bandalags fyrir jaðaríþróttir
Reykjanesbær
MIKIÐ er undir við undirbúning
páskanna í Grunnskóla Grindavík-
ur, eins og í öðrum skólum lands-
ins. Líklega hafa verið eggja-
hrærur í matinn hjá ansi mörgum
fjölskyldunum í vikunni því flestir
krakkarnir í 1. bekk mættu með
hálfa eða fulla eggjabakka af
tómum hænueggjum dag einn.
Foreldrar höfðu margir staðið í
ströngu við að blása úr. Það var
ekki annað að sjá á krökkunum
en þeim þætti gaman að mála
páskaeggin og einbeiting skein úr
hverju andliti. Fjöldi foreldra var
mættur til að aðstoða og krakk-
arnir fóru heim með fallega mál-
uð egg til skrauts heima.
Morgunblaðið/Garðar Páll Vignisson
Páskaskraut í hvert hús
Grindavík
SAMFYLKINGIN í Reykja-
nesbæ mun efna til fjögurra
málefnafunda á næstunni.
Fyrsti fundurinn verður haldinn
næstkomandi mánudag.
Haldnir verða fundir um
meginmálefni komandi kosn-
inga í þeim tilgangi að gefa íbú-
um bæjarfélagsins færi á að
fræðast um stöðu mála og hafa
áhrif á stefnumótun, að því er
fram kemur í tilkynningu frá
Samfylkingunni. Hugmyndin er
að boða sviðsstjóra viðkomandi
málaflokka hjá Reykjanesbæ.
Megin viðfangsefni fundanna
verða skipulags- og atvinnumál,
íþrótta- og æskulýðsmál, fé-
lagsmál og skólamál.
Fyrsti fundurinn verður hald-
inn næstkomandi mánudag, á
kosningaskrifstofu Samfylking-
arinnar, Hólmgarði 2 í Keflavík.
Þar verður fjallað um skipulags-
og atvinnumál. Ólafur Kjartans-
son, framkvæmdastjóri Mark-
aðs- og atvinnumálaskrifstofu
Reykjanesbæjar, og Viðar Már
Aðalsteinsson, forstöðumaður
umhverfis- og tæknisviðs, munu
hafa framsögu.
Funda
um skipu-
lags- og at-
vinnumál
Reykjanesbær