Morgunblaðið - 23.03.2002, Side 32

LISTIR
32 LAUGARDAGUR 23. MARS 2002 MORGUNBLAÐIÐ
ÞAÐ er ávallt tilhlökkunarefni
þegar kemur að sameiginlegri ár-
legri sýningu Blaðaljósmyndara-
félags Íslands og Ljósmyndara-
félags Íslands. Hlutur blaðaljós-
myndaranna vegur þó þyngra vegna
beinna tengsla sinna við atburði lið-
ins árs. Tilgangur með hluta „stúd-
íóljósmyndaranna“ virðist meira
vera að gefa hugmynd um hvaða
stílar og stefnur eru ráðandi í stúd-
íómyndatökum – mótífin eru svipuð
frá ári til árs.
Spennandi blaðaljósmyndir nær-
ast á safaríkum og oft hörmulegum
atburðum. Því meira sem gengur á í
samfélaginu því fleiri spennandi
myndir verða til. Það er alkunna að
flestar bestu blaðaljósmyndir sem
teknar eru á ári hverju koma frá
átaka- og hörmungarsvæðum.
Þannig „nærast“ fjölmiðlar oft á
ógæfu annarra en uppfylla um leið
það hlutverk sitt að vekja athygli al-
mennings á ástandinu á staðnum og
koma upplýsingum á framfæri.
Síðasta ár var frekar friðsælt á
Íslandi og ber sýningin þess merki.
Stærsta málið á síðasta ári, mál
Árna Johnsen, var m.a. myndað af
ljósmyndara DV sem fór út í Eyjar
og náði buguðum fyrrverandi þing-
manninum á mynd á kórréttu and-
artaki. Myndin gat ekki orðið neitt
annað en fréttamynd ársins.
Mynd ársins og portrettmynd
ársins er mynd Gunnars Gunnars-
sonar af Ármanni Reynissyni. Hún
er í gulum tón og ágætlega „kompó-
neruð“, en tengslin við persónuna á
myndinni eru ekki sterk. Fleiri
myndir hljóta að hafa komið til álita
þegar kemur að portrettmynd árs-
ins. T.d. þótti mér myndröð Hreins
Hreinssonar af Lóu Konn 82 ára of-
urfyrirsætunni mjög góð.
Nefna má fleiri myndir eins og
mynd Gunnars Gunnarssonar af
Bjarna og mynd Haraldar Jónas-
sonar, Allsberjalingar í Hafnarfirði,
en þar hefur hann myndað óvenju-
lega uppákomu á skemmtilegu and-
artaki.
Af íþróttamyndum þótti mér
gaman að verðlaunamynd Kristins
Ingvarssonar og ekki síðri er mynd
Golla af Þorbirni Jenssyni og að-
stoðarmanni hans. Golli kann að
gefa myndum sínum nafn og stíll
hans er auðþekktur. Nægir þar að
bera saman fyrrnefnda mynd, sem
hann kallar Steinríkur og Ástríkur
og svo myndina Blár skuggi vofir
yfir, af Ingibjörgu Sólrúnu Gísla-
dóttur borgarstjóra í Ráðhúsinu.
Meira að segja er verðlaunamynd
hans Sundþoka byggð upp á svip-
aðan hátt, þ.e. maðurinn er niðri í
hægra horni á einlitum bláum bak-
grunni.
Af öðrum góðum myndum má
nefna mynd Antons Brink af Krist-
björgu Keld og Gunnari Eyjólfssyni
á Eddu-verðlaununum.
Stóratburðir
Íslenskir blaðaljósmyndarar létu
sér ekki innlenda menn og málefni
nægja á síðasta ári og var Þorvaldur
Örn Kristmundsson fremstur í
flokki þegar kom að því að þjónusta
lesendur á Íslandi með íslensku
sjónarhorni á stóratburði úti í
heimi. Þó að myndir hans frá
NewYork og Pakistan bæti ekki
miklu fréttalega við það myndaflóð
sem berst erlendis frá er viðleitnin
virðingarverð.
Af öðrum toga eru seríur Einars
Fals af fjölmennustu hátíð í heimi í
Indlandi og Þorkels Þorkelssonar af
berklasjúklingum í Síberíu. Þær
hafa minna æsifréttagildi en eru
þeim mun meira í stakk búnar að
uppfræða fólk hér heima um atburði
sem kannski hefðu aldrei ratað
hingað að öðrum kosti.
Sýningin er í meðallagi góð þetta
árið en Blaðaljósmyndarafélagið
fær hrós fyrir heimasíðu sína
www.pressphoto.is þar sem er að
finna verðlaunamyndir sýningarinn-
ar og síðustu ára.
Ljósmyndarafélag Íslands
Mynd Arnalds Halldórssonar sem
fyrstu verðlaun hlaut á sýningu
Ljósmyndarafélags Íslands er tím-
anna tákn fyrir það að vera tölvu-
unnin. Hún er af auga sem speglast
um sjálft sig og það sem gefur
myndinni líf er sjónblekkingin í
myndinni, en við fyrstu sýn virðist
þetta vera mynd af allt öðrum lík-
amshluta, neðar á líkamanum.
Á sýningunni eru fyrirferðar-
mestar portrettmyndir teknar í
stúdíói ásamt landslagsmyndum og
unnum ljósmyndum. Einnig eru
þarna klassísk „móment“ eins og
ungbarnið í faðmi kraftajötunsins.
Af portrettljósmyndum þóttu mér
myndir Jóhannesar Long bera af,
sérstaklega myndin af Hauki Clau-
sen tannlækni. Einstaka ljósmynd-
arar tengja verk sín þjóðfélagsum-
ræðunni, eins og Bára
Kristinsdóttir gerir með myndum
sínum af óhefðbundnum fjölskyld-
um.
Sýningin er því miður ekki mjög
spennandi og ég vona að það búi
meira í stúdíóljósmyndurum lands-
ins en fram kemur á þessari sýn-
ingu.
Árið
í myndum
MYNDLIST
Gerðarsafn
Opið frá kl. 11–17 alla daga nema mánu-
daga. Til 30. mars.
LJÓSMYNDIR
BLAÐALJÓSMYNDARAFÉLAG ÍSLANDS OG
LJÓSMYNDARAFÉLAG ÍSLANDS
Þóroddur Bjarnason
Lóa Konn, 82 ára ofurfyrirsætan eftir Hrein Hreinsson.
Ljósmyndasafn Reykjavíkur,
Grófarhúsi
Sýningu Guðmundar Ingólfsson-
ar, Óðöl og innréttingar, lýkur á
sunnudag. Guðmundur verður með
leiðsögn um sýninguna kl. 15 á morg-
un. Á sýningunni er úrval ljósmynda
úr fjórum syrpum sem Guðmundur
hefur unnið að undanfarna tvo ára-
tugi.
Íslensk grafík, Hafnarhúsinu
Sýningu grafíklistamannsins Guð-
nýjar Bjarkar Guðjónsdóttur, „Ekk-
ert er aftur“, lýkur á sunnudag.
Guðný verður á staðnum í dag og
svarar spurningum um verkin og
þrykkaðferðir sínar.
Sýningar-
lok og leið-
sögn
♦ ♦ ♦