Morgunblaðið - 23.03.2002, Blaðsíða 16

ÁRBORGARSVÆÐIÐ
16 LAUGARDAGUR 23. MARS 2002 MORGUNBLAÐIÐ
HJÁ Fræðsluneti Suðurlands eru
þessa dagana 240 manns í virku námi
en viðbrögð hafa verið mjög góð við
starfsemi Fræðslunetsins sem tók til
starfa sem sjálfseignarstofnun 28.
ágúst 1999. Stofnaðilar voru sveitar-
félög, fyrirtæki og félagasamtök á
Suðurlandi. Í fyrra fóru 1.595 manns
í gegnum ýmiss konar nám með
16.690 nemendastundir. „Markmiðið
með stofnun Fræðslunetsins er að
stuðla að símenntun og miðlun há-
skólanáms á Suðurlandi,“ sagði Jón
Hjartarson sem er stjórnandi
Fræðslunetsins.
Núna er í gangi námskeiðaröð fyr-
ir opinbera starfsmenn, undir heit-
inu Maður og samfélag, með 18 ein-
staklingum, Plastiðnaðarskóli Set er
með námskeið fyrir starfsfólk fyrir-
tækisins með 16 þátttakendur, nám-
skeið fyrir dagmæður í fjarkennslu
við Vestmannaeyjar með 9 manns,
átthagafræði Biskupstungna er
námskeið með 50 manns, enskunám-
skeið á Selfossi og Hvolsvelli með 60
manns, 15 eru í spænskunámskeiði
og á námskeiði fyrir sjúkraliða eru
20 manns ásamt því að íslenskunám-
skeið eru haldin fyrir útlendinga á
Selfossi, Hvolsvelli og í Þorlákshöfn.
Átta eru í háskólanámi í hjúkrunar-
fræði, 25 eru í rekstrarfræðinámi, 5
eru í íslensku til BA-prófs og þrír í
ferðamálafræði. Alls eru 240 manns í
vikunámi þessa dagana hjá Fræðslu-
netinu. „Svo er ýmislegt í bígerð sem
kemur fram næstu daga og nauðsyn-
legt fyrir fólk að fylgjast vel með.
Þetta námsframboð hefur gífur-
lega þýðingu fyrir fólk sem langar til
að stunda nám. Þátttakendafjöldinn
segir sína sögu og þessir 40, sem eru
í háskólanámi sem byrjaði í fyrra,
segja manni að þetta á rétt á sér. Í
bígerð er mikil aukning á næsta ári,
til dæmis í auðlindafræði frá Háskól-
anum á Akureyri. Þá verður boðið
upp á íslenskunám við Háskóla Ís-
lands í fjarnámi á næsta ári og leik-
skólakennaranám frá Háskólanum á
Akureyri. Það hefur komið berlega í
ljós að Fræðslunetið hefur burði til
að miðla háskólanámi til fólks á Suð-
urlandi og fjarfundabúnaðurinn,
sem til er, nýtist vel,“ sagði Jón
Hjartarson. Slíkur búnaður er á Sel-
fossi, í Vík í Mýrdal, á Kirkjubæj-
arklaustri og á Flúðum. Þessi bún-
aður er einnig notaður til
fundarhalda s.s. á vegum Samtaka
sunnlenskra sveitarfélaga. Í ljósi
góðrar reynslu hefur verið sett á fót
nefnd sem leita á leiða til þess að
renna enn styrkari stoðum undir
fræðslunetið.
Fræðslunetið hefur stofnað Vís-
inda- og rannsóknarsjóð Suðurlands
sem mun veita stúdentum styrki til
þess að stunda rannsóknir á Suður-
landi fyrir lokaverkefni sín til BA-
eða BS-prófs eða hærri gráðu.
Fræðslunetið heldur utan um sjóð-
inn, annast kynningu á rannsóknum
og úthlutar styrkjum. „Markmiðið er
að tengja menntað fólk við Suður-
land því meiri líkur eru taldar á því
að fólkið festi frekar rætur bjóðist
því slík fyrirgreiðsla,“ sagði Jón
Hjartarson.
„Það er alveg á hreinu að þetta er
skemmtilegasta vinnan sem ég hef
unnið. Þetta er annasamt en viðtök-
urnar eru svo góðar að maður er í
skýjunum. Það er gaman að vinna
við að skapa nýja möguleika og finna
að það virkar,“ sagði Jón Hjartar-
son.
Tæplega 1.600 manns nýttu sér fjölbreytt námsframboð Fræðslunets Suðurlands í fyrra
Átthagar
og auðlindir
meðal margra
möguleika
Morgunblaðið/Sig. Jóns.
Frá námskeiðinu Maður og samfélag sem haldið er fyrir opinbera starfsmenn.
Selfoss
LEIKSÝNINGU nemenda
Fjölbrautaskóla Suðurlands á
Rocky Horror var mjög vel
tekið og leikendum vel fagnað.
Sýningin fór fram í ófullgerð-
um menningarsal í Hótel Sel-
foss þar sem nemendur leystu
einkar vel þá þraut að skapa
leikhús í óupphituðu og ófrá-
gengnu húsi.
Þetta tókst þeim mjög vel
undir leikstjórn Guðmundar
Karls Sigurdórssonar. Alls
komu um 25 leikarar fram í
verkinu en aðalhlutverk voru í
höndum Óðins Davíðssonar
Löve sem leikur Frank
N’Furter, Janet Weiss er leik-
in af Emiliu Christinu Gylfa-
dóttur og Brad Majors er leik-
inn af Jóni Óskari
Guðlaugssyni. Þótti þeim tak-
ast vel upp og var vel fagnað í
lokin.
Tæplega 70 manns komu að
uppsetningu með einum eða
öðrum hætti en það er árviss
viðburður í félagslífi nemenda
að setja upp eitt leikverk.
Næstu sýningar eru 24., 28. og
30. mars.
Rocky Horror vel tekið
Selfoss
Morgunblaðið/Margret Ísaksdóttir
Nemendur koma úr síðustu ruslahreinsun fyrir páska, ánægðir með vel unnið dagsverk.
BÆJARSTJÓRINN í Hveragerði
gerði samning við 7. bekk Grunn-
skólans í haust þess efnis að nem-
endur tækju þátt í að fegra bæinn.
Krakkarnir fara um bæinn einu
sinni í mánuði og tína rusl af göt-
um, skólalóð og lystigarði, tæma
rusladalla á ljósastaurum, og þrífa
girðingar við bæjarmörkin frá
Vorsabæjarafleggjara að Kömb-
um. Garðyrkjudeild bæjarins lán-
ar bíl til að tína saman ruslið og
koma því í ruslagáma bæjarins.
Fyrir störf sín fá nemendur
greitt og rennur féð í sjóð sem
notaður verður til að fara í ferða-
lag til Vestmannaeyja nú í vor.
Það er orðin hefð fyrir því að
nemendur í 7. bekk fari til Eyja að
vori, því þar er margt að skoða og
skemmtilegt að koma. Þetta er
þriggja daga ferð sem er öllum
eftirminnileg, bæði ungum sem
öldnum, því að foreldrar fara með
í þessar ferðir og skemmta sér
með börnum sínum. . Krakkarnir
voru sér þess meðvitandi að nú
þyrftu þeir að taka sérstaklega
vel til í bænum sínum, því að eins
og flestum er kunnugt er mikill
straumur gesta í bæinn um
páskana.
Leggja sitt
af mörkum
í fegrun
bæjarins
Hveragerði
SÓLRÚN Guðjónsdóttir sýnir
myndir sínar í Galleríi Mið-
garðs að Austurvegi 4 á Sel-
fossi dagana 21 – 27. mars á
opnunartíma verslana. Mynd-
ir Sólrúnar eru sérstakar að
gerð en um er að ræða klippi-
myndir sem unnar eru úr
servíettum.
Sólrún sagði að leyndar-
dómur væri meginþemað í
sýningunni en hún er á leið til
Spánar með námskeið í sumar
um leið og hún hyggur á
spænskunám. Hún lærði
myndlist í Danmörku og
gluggaskreytingar. Sýningin í
Miðgarði er sölusýning.
Sólrún
sýnir
í Mið-
garði
Selfoss
Morgunblaðið/Sig. Jóns.
Sólrún Guðjónsdóttir við
nokkrar mynda sinna á
sýningunni í Miðgarði.
FJÓRIR sóttu um nýja stöðu skóla-
stjóra sameinaðs grunnskóla á Sel-
fossi sem nýlega var auglýst til um-
sóknar.
Þeir sem sóttu um eru: Sigurður
Jónsson framkvæmdastjóri og kenn-
ari, Selfossi, Eyjólfur Sturlaugsson
skólastjóri Siglufirði, Eyjólfur Kol-
beinn Eyjólfsson kerfisfræðingur og
Guðmundur Rafn Geirdal skólastjóri
og félagsfræðingur.
Fjórir sóttu
um stöðu
skólastjóra
Selfoss
♦ ♦ ♦
Morgunblaðið/Sig. Jóns.
Leikurum var vel fagnað í lokin. Fremst á myndinni er Óðinn Davíðsson Löve.