Morgunblaðið - 16.05.2002, Qupperneq 77

LANDIÐ
MORGUNBLAÐIÐ FIMMTUDAGUR 16. MAÍ 2002 77
FNV-DAGURINN var haldinn í
annað sinn í Fjölbrautaskóla Norð-
urlands vestra nú fyrir skömmu en
þessi dagur er byggður upp í kring-
um árlega stærðfræðikeppni meðal
nemenda níunda bekkjar grunn-
skólanna á Norðurlandi vestra.
Margir lögðu leið sína í Bóknáms-
hús skólans til þess að fylgjast með
keppninni en einnig fór fram viða-
mikil kynning á háskólanámi í
Skagafirði, kynning á Hólaskóla og
einnig var Námsgagnastofnun með
kynningu á námsefni og kennslufor-
itum í raungreinum.
Fjölbrautaskólinn byrjaði á
stærðfræðikeppninni fyrir fimm ár-
um og leitar þátttakenda með for-
keppni í grunnskólunum, en þeir
sextán sem bestum árangri ná halda
áfram í úrslit. Keppnin er haldin í
tengslum við fyrirtæki á svæðinu og
eru gefendur verðlauna Element,
Mjólkursamlag KS á Sauðárkróki,
KLM á Siglufirði, Landssíminn,
Námsgagnastofnun, Mál og menn-
ing, Heimilistæki og Íslandsflug í
Reykjavík.
Eftir tveggja tíma glímu við
stærðfræðina lágu úrslit fyrir, en
sigurvegari var Ágúst Sigurjónsson
frá Varmahlíðarskóla, með 92 stig af
110 mögulegum sem er mjög glæsi-
legur árangur.
Í öðru og þriðja sæti voru svo
Árni Þ. Þorsteinsson og Gunnar E.
Sævarsson frá Árskóla.
Viðurkenning að verðmæti um
eitt hundrað þúsund krónur kom í
hlut sigurvegara, en fimmtíu til
áttatíu þúsund króna verðlaun til
keppenda í öðru og þriðja sæti. Allir
þeir sem í úrslit komust fengu við-
urkenningar að verðmæti rúmlega
tíu þúsund krónur.
Ársæll Guðmundsson aðstoðar-
skólameistari sagði þessa keppni
einn af mörgum ánægjulegum þátt-
um skólastarfsins og ekki síst fyrir
það að hér væru efld tengsl skóla og
atvinnulífs og einnig benti hann á að
nú væri kynjahlutfall jafnt meðal
keppenda sem einnig væri ánægju-
legt og sýndi að raungreinar væru
ekki lengur sérstakar strákagrein-
ar.
Fjöldi gesta, sem lögðu leið sína á
FNV-daginn skoðuðu síðan skólann
og þ.m.t. verknámshúsið og sýning-
ar nemenda á verkum sínum sem
þar voru sett upp.
Morgunblaðið/Björn Björnsson
Glæsilegur hópur ungra stærðfræðinga á FNV-degi. Þetta eru þeir 16 sem bestum árangri náðu í keppninni.
FNV-dagurinn á Sauðárkróki
Sauðárkrókur
ELDRI borgarar í Rangárþingi
héldu fyrir skemmstu handverks-
sýningu í félagsheimilinu Hvoli á
Hvolsvelli. Margt fagurra muna var
á sýningunni enda hafa eldri borg-
arar notið leiðsagnar tveggja leið-
beinenda í vetur, þeirra Rósalindar
Ragnarsdóttur tómstundafulltrúa
og Halldórs Óskarssonar smíða-
kennara. Á sýningunni mátti m.a.
sjá glerlist, silkimálun, taumálun,
trévinnu, prjón, útsaum, bútasaum,
málverk og margt fleira. Sýningin
var afar vel sótt og var fróðlegt að
spjalla við eldri borgarana og sjá
hvað tómstundavinna þeirra gefur
þeim mikið og hefur skilað miklum
árangri.
Morgunblaðið/Steinunn Ósk Kolbeinsdóttir
Á handverkssýningu eldri borgara. Margrét Ísleifsdóttir, Ragnhildur
Sveinbjörnsdóttir og Oddgeir Guðjónsson virða fyrir sér smíðisgripi
Oddgeirs en hann er á nítugasta og öðru aldursári og átti marga smíð-
isgripi á sýningunni, enda sagður dverghagur þúsundþjalasmiður.
Handverkssýning eldri
borgara í Rangárþingi
Hvolsvöllur
ÁTTUNDI bekkur Grunnskóla
Grundarfjarðar vann ferð til Þýska-
lands í Evrópukeppni meðal reyk-
lausra 7. og 8. bekkinga 2001–
2002.Verðlaunin voru veitt af tób-
aksvarnanefnd fyrir góða frammi-
stöðu við tóbaksvarnir. Börnin
dvelja fjóra daga í Þýskalandi ásamt
jafnöldrum sínum frá hinum Norð-
urlöndunum. Í haust ákváðu nem-
endurnir að reyna að fá foreldra sína
til að hætta að reykja. Við athugun
kom í ljós að helmingur foreldra
barnanna í bekknum voru reykinga-
fólk. Börnin ákváðu því að halda
námskeið fyrir foreldrana um skað-
semi reykinga og aðferðir til að
hætta að reykja. Þau undirbjuggu
námskeiðið sjálf og buðu síðan for-
eldrum sínum á tvo fundi um efnið.
Fyrri fundurinn bar yfirskriftina
„Nokkrar staðreyndir um tóbak“.
Þar héldu nemendurnir fyrirlestur
um áhrif reykinga á heilsuna. Í fyr-
irlestrinum notuðu börnin glærur
með hjálp fartölvu og skjávarpa.
Efni seinni fundarins var „Hvers
vegna að hætta?“ Eftir fyrirlestur og
glærusýningu buðu nemendurnir
foreldrum sínum kaffi, ávaxtasafa og
meðlæti.
Nokkrar stúlkur höfðu bakað
tvær kökur sem áttu að tákna lungu.
Önnur var skreytt með bleiku kremi
og átti að vera hreint og heilbrigt
lunga, en hin kakan var með brúnu
kremi og svörtum lakkrísbitum og
átti að tákna skemmt og illa farið
lunga.
Áhrif fundanna voru síðan mæld,
og skömmu eftir fundinn hafði ein
móðirin alveg hætt reykingum og
tvær aðrar verulega dregið úr tób-
aksnotkun.
Að lokum sömdu nemendurnir
dreifibréf um reykingar og báru í öll
hús í Grundarfirði
Morgunblaðið/Hallgrímur Magnússon
Þau voru auðvitað stolt af árangrinum, krakkarnir í 8. bekk Grunnskóla Grundarfjarðar, enda hlutu þau ferð til
Þýskalands í verðlaun fyrir viðleitnina til að venja mömmu og pabba af sígarettunni daunillu eða pípunni.
Hlutu verðlaun fyrir
viðleitni til að fá foreldra
til að hætta að reykja
Grundarfjörður
9. BEKKUR Grunnskólans í Stykk-
ishólmi hefur í vetur verið að safna
fyrir bekkjarferð til Danmerkur
sem farin verður 26. ágúst nk. En
það kostar mikið að fara til útlanda
og því þarf að hafa úti allar klær til
að safna fyrir ferðinni. Í vetur hafa
bekkjarfélagarnir viðhaft hefð-
bundnar söfnunaraðferðir eins og
að selja skúffuköku og kleinur.
Krakkarnir og foreldrar þeirra
hafa komið saman nokkra laug-
ardaga í vetur og steikt kleinur í
skólaeldhúsinu og síðan boðið bæj-
arbúum að kaupa heitar kleinur
með kaffinu. Það dugði ekki til og
enn vantaði peninga í pottinn. Ýms-
ar hugmyndir komu fram um hvað
væri hægt að gera til að fá í bauk-
inn. Þeim leist vel á eina hugmynd
sem aðrir hafa ekki notað svo vitað
sé. Hugmyndin var að standa fyrir
rennibrautarmaraþoni. Við sund-
laugina í Stykkishólmi er stór og
mikil vatnsrennibraut sem er 57
metrar á lengd. Söfnun fór fram um
síðustu helgi og á mánudagsmorgun
hinn 6. maí kl. 8 hófst maraþonið. Í
bekknum eru 24 nemendur sem
skiptust niður í fjóra hópa og hver
hópur renndi sér niður rennibraut-
ina í klukkutímalotum. Maraþonið
stóð í einn sólarhring og var seinni
hlutinn lengi að líða, en markmiðið
náðist. Bekkjarfélagarnir renndu
sér 11.087 ferðir á þessum sólar-
hring sem gerir 642 kílómetra og er
sú vegalengd nokkrar ferðir til
Reykjavíkur. Með þessu uppátæki
söfnuðu þau yfir 200.000 kr. og voru
að vonum ánægð með árangurinn.
Þar með hafa þau náð að fjármagna
Danmerkurferðina sem vonandi
verður þeim til fróðleiks og
skemmtunar og þáttur í að efla nor-
ræna samvinnu.
Morgunblaðið/Gunnlaugur Árnason
Nemendur 9. bekkjar Grunnskólans í Stykkishólmi renndu sér niður
vatnsrennibrautina við sundlaugina í gríð og erg í heilan sólarhring og
söfnuðu áheitum til að fjármagna fyrirhugaða Danmerkurferð sína.
Renndu sér 632
kílómetra í
vatnsrennibraut
Stykkishólmur