Morgunblaðið - 16.05.2002, Blaðsíða 6

FRÉTTIR
6 FIMMTUDAGUR 16. MAÍ 2002 MORGUNBLAÐIÐ
Vi› höfum:
Fært félagsrá›gjöf út í hverfin • Opna› hverfami›stö›var í Grafarvogi og Vesturbæ flar sem veitt
er félagsfljónusta • Veitt námsstyrki til ungs fólks í erfi›leikum • Keypt 440 n‡jar félagslegar íbú›ir
Auki› stu›ning vi› aldra›a á heimilum • Bo›i› upp á ókeypis fjölskyldurá›gjöf a› Barónsstíg
Breytt Félagsmálastofnun í Félagsfljónustuna og gjörbreytt flar me› vinnuháttum í velfer›armálum
borgarinnar.
Vi› munum:
Byggja 284 n‡ hjúkrunarr‡mi fyrir aldra›a í samstarfi vi› ríki› • Reisa 600
almennar leiguíbú›ir samkvæmt samningi vi› félagsmálará›uneyti› • Kaupa
hundra› félagslegar íbú›ir á ári, líkt og undanfarin ár • efla n‡stofna›a Barnavernd
Reykjavíkur • Stu›la a› auknum fjölda lítilla og me›alstórra leiguíbú›a • Auka
enn áherslu á heimafljónustu og félagsfljónustu úti í hverfunum.
REYKJAVÍKURLISTINN
fijónustuborg
REYKJAVÍK ER
COLIN Powell, utanríkisráðherra
Bandaríkjanna, sagði í gær að
Bandaríkjamenn áttuðu sig vel á
mikilvægi veru Bandaríkjahers hér
á landi sem hluta af vörnum bæði
Bandaríkjanna og Íslands. Hann
kvaðst vilja fullvissa íslensk stjórn-
völd og íslensku þjóðina um að full-
ur vilji væri fyrir því vestanhafs að
tryggja áfram gott samstarf
ríkjanna í varnarmálum.
Powell átti í gær óformlegar við-
ræður við Halldór Ásgrímsson ut-
anríkisráðherra um tvíhliða sam-
skipti Íslands og Bandaríkjanna.
Eftir fund þeirra í ráðherrabústaðn-
um ávarpaði hann fréttamenn og
sagði þá m.a. að samband landanna
væri byggt á afar traustum grunni.
„Ísland, sem stofnaðili að NATO,
hefur lagt sitt af mörkum til banda-
lagsins þann tíma sem það hefur
starfað. Þá metum við sérstaklega
fimmtíu ára varnarsamning okkar
Bandaríkjamanna við Íslendinga og
ég fullvissaði ráðherrann [Halldór]
um að við vildum viðhalda góðum
samskiptum í þeim efnum um mörg
ókomin ár. Nú þegar framundan
eru viðræður um bókun við varn-
arsamninginn og þær breytingar
sem hugað er að innan Bandaríkja-
hers vildi ég fullvissa ráðherrann,
og íslensku þjóðina alla, um að við
metum samskipti okkar mikils,
kunnum vel að meta þá gestrisni
sem Íslendingar hafa jafnan sýnt
okkur, og að við áttum okkur á mik-
ilvægi veru Bandaríkjahers hér á
landi sem hluta af gagnkvæmum
varnarviðbúnaði okkar. Allt þetta
verður tekið með í reikninginn er
við hefjum samningaviðræður um
bókunina.“
Powell sagðist afar ánægður með
að hafa fengið tækifæri til að heim-
sækja Ísland. Þakkaði hann íslensk-
um stjórnvöldum og landsmönnum
fyrir að hafa haldið fund utanrík-
isráðherra NATO-ríkjanna og sam-
starfslanda þeirra en á þessum
fundi hefði verið opnaður nýr kafli í
samskiptum Íslands og Rússlands.
Bandaríkjamenn ætla að
standa við skuldbindingarnar
Halldór Ásgrímsson utanríkisráð-
herra sagði eftir fundinn að ekkert
annað lægi fyrir en að þær flug-
vélar, sem Bandaríkjaher hefur haft
hér á landi í samræmi við bókun við
varnarsamning Íslands og Banda-
ríkjanna, yrðu hér áfram.
„Það er ljóst að Bandaríkjamenn
ætla sér að standa við þær skuld-
bindingar sem þeir hafa gagnvart
Íslendingum með varnarsamningn-
um,“ sagði Halldór. Hins vegar ætti
eftir að útfæra málin betur og sagði
Halldór að viðræður um samskipti
ríkjanna tveggja myndu hefjast
fljótlega. „Ég er sannfærður um að
við munum ná landi í þeim viðræð-
um. En við [Powell] fórum ekki út í
smáatriði í því sambandi.“
„Það liggur fyrir að þær flugvélar
sem eru hér og koma frá Bandaríkj-
unum munu eftir 1. október verða
hluti af sveit í Bretlandi,“ sagði
Halldór.
Upplýsti hann að þessi mál hefðu
verið rædd við Joseph Ralston, yf-
irmann Evrópuherstjórnar NATO,
sem staddur var hér á landi vegna
NATO-fundarins. Sagði Halldór að
ákveðið hefði verið að fara vel yfir
málin áður en breytingin ætti sér
stað. „Hann og aðrir hafa fullvissað
okkur um það að þetta muni ekki
verða til þess að veikja á nokkurn
hátt þessa stöð og jafnvel til þess að
styrkja þetta samstarf. Og það er
mat Colin Powells að það sé engin
ástæða fyrir okkur til að hafa
áhyggjur af því,“ sagði Halldór.
Ekki aðeins spurning um
hernaðarlegt hættumat
Halldór sagði að margoft hefði
komið fram að íslensk stjórnvöld
teldu að núverandi viðbúnaður
Bandaríkjahers hér á landi væri
lágmarksviðbúnaður. Var hann
spurður hvort Bandaríkjamenn
væru sammála því mati og svaraði
því til, að ekkert hefði komið fram
um það.
„Þetta er ekki aðeins spurning
um hernaðarlegt hættumat heldur
líka um pólitískt mat. Það er varn-
arsamningur milli Íslands og
Bandaríkjanna og til þess að upp-
fylla þann varnarsamning þarf að
vera ákveðinn viðbúnaður hér á
landi.
Við gerum okkur ekki alltaf grein
fyrir því hver hættan er. Menn
gerðu sér ekki grein fyrir hættunni
11. september. Þá breyttist allt á
einni nóttu. Í ljósi þess alls erum við
þeirrar skoðunar að hér þurfi að
vera ákveðinn lágmarks viðbúnað-
ur, það er okkar stefna, og við telj-
um hann vera til staðar í Keflavík.
Það er í því ljósi sem við ræðum
þessi mál við Bandaríkjamenn,“
sagði Halldór Ásgrímsson utanrík-
isráðherra.
Colin Powell, utanríkisráðherra Bandaríkjanna, segir fullan vilja
fyrir áframhaldandi varnarsamstarfi við Íslendinga
Áttum okkur
á mikilvægi
varnarliðsins
Morgunblaðið/RAX
Vel fór á með Colin Powell og Halldóri Ásgrímssyni að loknum fundi
þeirra í Ráðherrabústaðnum við Tjarnargötu.
ÁKVÖRÐUN um vaxtastig verður
tilkynnt í dag eða á morgun, að sögn
Eiríks Guðnasonar seðlabanka-
stjóra.
Aðspurður hvaða þættir myndu
liggja til grundvallar ákvörðuninni
segir Eiríkur að skoðuð verði verð-
mæling Hagstofu Íslands, en sam-
kvæmt henni var vísitala neyslu-
verðs 221,8 stig í maíbyrjun. „Við
skoðun mælinguna ítarlega, ekki að-
eins heildarniðurstöðuna heldur
einnig innviði hennar og einstaka
liði,“ segir Eiríkur.
Hann segir að einnig verði litið til
annarra þátta efnahagslífsins, en
lagt var ítarlegt mat á þá í Peninga-
málum, ársfjórðungsriti Seðlabank-
ans, sem kom út í síðustu viku. Þar
kom fram að verðbólguhorfur væru
batnandi en samdráttur í þjóðarbú-
skapnum virtist fara vaxandi. Gefið
var í skyn að vextir bankans myndu
halda áfram að lækka á árinu.
Vaxtabreyting
fyrir helgi
GUÐMUNDUR Sigurðsson, for-
stöðumaður samkeppnissviðs Sam-
keppnisstofnunar, segir að búið sé að
afhenda Skeljungi gögn sem varða
kannanir Samkeppnisstofnunar á
verðmyndun hjá olíufélögunum.
Skeljungur fór fram á að fá gögnin af-
hent með vísan til upplýsingalaga.
Guðmundur segir að Skeljungur
hafi fengið þær upplýsingar sem til
voru hjá stofnuninni svo fremi sem
ekki hafi verið um trúnaðarupplýs-
ingar að ræða. Minnispunktum og
öðrum gögnum sem óskað var eftir
hafi hins vegar ekki verið til að dreifa.
Hörður Felix Harðarson, einn lög-
fræðinga Skeljungs, staðfesti í sam-
tali við Morgunblaðið að fyrirtækinu
hefði borist bunki af skjölum. Eftir
væri að kanna hvort um umbeðin
gögn væri að ræða.
Samkeppnisstofnun
svarar beiðni Skeljungs
Afhenti Skelj-
ungi gögn
UM 2.200 erlendir ríkisborgarar
hafa kosningarétt í sveitarstjórn-
arkosningunum í vor. Með breyt-
ingum á lögum var öllum erlendum
ríkisborgurum, 18 ára og eldri, sem
hafa verið búsettir hér samfleytt í
fimm ár, veittur kosningaréttur til
sveitarstjórna og hafa jafnframt
rétt til að bjóða sig fram.
Engar breytingar urðu á stöðu
um 880 danskra, finnskra, norskra
og sænskra ríkisborgara sem fá
kosningarétt eftir þriggja ára bú-
setu en 1.300 aðrir erlendir rík-
isborgarar öðluðust með þessu
kosningarétt og kjörgengi.
Vegna þessara breytinga hefur
félagsmálaráðuneytið gefið út
bækling með leiðbeiningum um
sveitarstjórnarkosningar á ellefu
tungumálum, íslensku, dönsku,
ensku, frönsku, pólsku, rússnesku,
serbó-króatísku, spænsku, taí-
lensku, víetnömsku og þýsku. Guð-
jón Bragason, lögfræðingur hjá fé-
lagsmálaráðuneytinu, segir að
ráðuneytið leggi mikla áherslu á að
kynna þessar breytingar fyrir þeim
sem fengu kosningarétt. „Það er
ekki til mikils að veita þessi réttindi
ef þau eru ekki kynnt fyrir þeim
sem eiga að njóta þeirra,“ segir
hann. Bæklingurinn verður sendur
til þeirra 1.300 sem nú koma inn á
kjörskrá og veggspjöldum verður
dreift.
Aðspurður hvort erlendir rík-
isborgarar hafi hingað til nýtt
kosningarétt sinn, segir Guðjón að
upplýsingar um það liggi ekki fyrir.
Hagstofan hafi á hinn bóginn gert
ráðstafanir til að fylgjast með því
hversu margir erlendir ríkisborg-
arar muni nýta sér kosningarétt-
inn.
Einn erlendur ríkisborgari
sjálfkjörinn
Hinir erlendur ríkisborgarar
geta boðið sig fram til sveitar-
stjórna líkt og íslenskir kjósendur.
Guðjón segir að einn erlendur ríkis-
borgari hafi þegar tryggt sér sæti í
sveitarstjórn. Um er að ræða Ro-
bert Stephen C. Faulkner, tónlistar-
skólastjóra í Aðaldælahreppi í S-
Þingeyjarsýslu. Hann skipar annað
sætið á Aðaldalslistanum sem var
eini listinn sem þar var lagður fram
og því sjálfkjörinn. Faulkner er
breskur ríkisborgari en hefur verið
búsettur hér á landi um árabil.
2.200 erlendir ríkisborgarar með
kosningarétt og kjörgengi í vor
Fá leiðbeiningar
á 11 tungumálum
♦ ♦ ♦
♦ ♦ ♦
HALLDÓR Ásgrímsson utanríkis-
ráðherra hefur falið alþjóðlega end-
urskoðunarfyrirtækinu Deloitte &
Touche að kanna kostnaðinn sem
fylgi hugsanlegri aðild Íslands að
Evrópusambandinu.
Halldór Ásgrímsson segir að fyrir
liggi hvað aðildarríkin greiði af
brúttóþjóðarframleiðslu sinni. Í ár
séu greiðslurnar 1,06% en þær geti
að hámarki verið 1,14%. Varðandi Ís-
land þýði þetta annars vegar rúma
sjö milljarða og hins vegar rúma átta
milljarða. Heimild sé fyrir því að
gjaldið fari allt upp í 1,27% af brúttó-
þjóðarframleiðslu, en mikil tregða sé
til þess að nýta þá heimild og t.d. hafi
Þjóðverjar staðið mjög ákveðið á
móti því, m.a. til þess að geta upp-
fyllt Maastricht-skilmálana.
Að sögn Halldórs Ásgrímssonar
er nokkuð vandasamt verk að áætla
hvað komi á móti, en um einhverja
milljarða sé að ræða. Í síðustu
skýrslu, sem hafi verið gefin út um
málið, hafi verið áætlað að sú upp-
hæð næmi fimm milljörðum, en þeg-
ar hann hefði spurt um nákvæma
sundurliðun hefði komið í ljós nokk-
ur óvissa. Hagfræðideild Háskóla Ís-
lands hefði einnig unnið skýrslu um
málið á vegum ríkisstjórnarinnar
fyrir nær áratug, en mikilvægt væri
að fá nýja aðila til að fara yfir þessi
gögn og segja sitt álit á þeim. Því
hafi hann fengið Deloitte & Touche
til að kanna þennan kostnað.
Halldór Ásgrímsson
utanríkisráðherra
Kostnaður-
inn við aðild
að ESB
kannaður