Morgunblaðið - 16.05.2002, Blaðsíða 92

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 16. MAÍ 2002 VERÐ Í LAUSASÖLU 190 KR. MEÐ VSK.
Lágmúla og Smáratorgi
opið kl. 8-24
alla daga
SILVIO Berlusconi, forsætis- og ut-
anríkisráðherra Ítalíu, kom til fund-
ar við Davíð Oddsson, forsætisráð-
herra, í ráðherrabústaðnum á
Þingvöllum í gær. Eftir að hafa
snætt saman hádegisverð lá leiðin
að Gullfossi og Geysi. Berlusconi
sagði í samtali við Morgunblaðið að
þeir hefðu m.a. rætt um breytingar
á pólitísku umhverfi Evrópu og
uppgang hægri afla, líkt og gerst
hefur í Frakklandi, en hann telur að
sú þróun eigi eftir að eiga sér stað
víðar; merki þess sjáist nú í Hol-
landi og jafnvel í Þýskalandi.
„Vinstri hreyfingar virðast vera að
veikjast,“ sagði hann. Berlusconi,
sem sjálfur er til hægri í stjórn-
málum, óttast ekki þessa þróun og
telur að svo framarlega sem öllum
öfgum sé stillt í hóf sé engin hætta á
ferðum.
Að sögn Berlusconi ræddu ráð-
herrarnir lítillega samskipti Íslands
og Ítalíu og þá aðallega fjölgun
ítalskra ferðamanna hingað til
lands, en Berlusconi sagði ánægju-
legt að sjá þennan gagnkvæma
ferðamannastraum. Íslendingarnir
sæki í sólina suður á bóginn en Ítal-
irnir vilji upplifa hið sérstæða ís-
lenska landslag.
Rússland hefur
enn sterka stöðu
„Það sem ber hæst eftir leiðtoga-
fund Atlantshafsbandalagsins í
Reykjavík eru endalok kalda stríðs-
ins, sem endanlega voru innsigluð
með samkomulaginu við Rússa,“
sagði Berlusconi og ítrekaði mik-
ilvægi samkomulagsins, það marki
tímamót. Að hans mati hefur Rúss-
land ennþá mjög sterka stöðu í al-
þjóðasamfélaginu, það sé stórt ríki
og hernaðarlega mikilvægt. Mjög
áríðandi sé því að Rússlandi sé veitt
aðild að ákvarðanatöku í öllum
meiriháttar málefnum heimsins.
Samkomulagið verður undirritað
á fundi Atlantshafsbandalagsins í
Róm eftir tvær vikur en Berlusconi
á ekki von á að ný atriði verði rædd
á fundinum til viðbótar við þau sem
gengið var frá á Reykjavíkurfund-
inum. „Við upplifðum hálfrar aldar
skiptingu austurs og vesturs, hálfa
öld af hræðslu og togstreitu milli
tveggja stórra kjarnorkuvelda,
þannig að ég sé fram á friðsamlegri
framtíð og fundurinn í Róm á eftir
að tryggja það enn frekar,“ sagði
ítalski ráðherrann.
Berlusconi er hlynntur stækkun
Atlantshafsbandalagsins og jafnvel
enn meiri en rætt er um. Hann telur
mikilvægt að fá inn ríki eins og
Búlgaríu og Rúmeníu. Aðspurður
sagði hann að öll ákvarðanataka
eigi vissulega eftir að verða erfiðari
við stækkun bandalagsins en kost-
irnir vegi hins vegar þyngra, stækk-
un bandalagsins sé af hinu góða.
Morgunblaðið/RAX
Berlusconi og Davíð skoðuðu Geysi í gær. Davíð benti Berlusconi á að hlusta eftir hljóðum frá hvernum. Skömmu síðar gaus Geysir litlu gosi.
Sér fram á friðsamlegri framtíð
eftir Reykjavíkurfundinn

Að kaldastríðinu/46

Bjartsýn/12–13
COLIN Powell, utanríkisráðherra
Bandaríkjanna, og Halldór Ás-
grímsson, utanríkisráðherra Ís-
lands, áttu óformlegar viðræður í
gær um tvíhliða samskipti Íslands
og Bandaríkjanna. Sagði Powell á
fréttamannafundi eftir viðræðurn-
ar að samband landanna væri
byggt á afar traustum grunni. „Ís-
land, sem stofnaðili að NATO, hef-
ur lagt sitt af mörkum til banda-
lagsins þann tíma sem það hefur
starfað. Þá metum við sérstaklega
fimmtíu ára varnarsamning okkar
Bandaríkjamanna við Íslendinga
og ég fullvissaði ráðherrann [Hall-
dór] um að við vildum viðhalda
góðum samskiptum í þeim efnum
um mörg ókomin ár. Nú þegar
framundan eru viðræður um bók-
un við varnarsamninginn og þær
breytingar sem hugað er að innan
Bandaríkjahers vildi ég fullvissa
ráðherrann, og íslensku þjóðina
alla, um að við metum samskipti
okkar mikils, kunnum vel að meta
þá gestrisni sem Íslendingar hafa
jafnan sýnt okkur, og að við áttum
okkur á mikilvægi veru Banda-
ríkjahers hér á landi sem hluta af
gagnkvæmum varnarviðbúnaði
okkar. Allt þetta verður tekið með
í reikninginn er við hefjum samn-
ingaviðræður um bókunina.“
Halldór Ásgrímsson sagði eftir
viðræðurnar að ljóst væri að
Bandaríkjamenn ætluðu sér að
standa við þær skuldbindingar
sem þeir hafi gagnvart Íslending-
um með varnarsamningnum. Sagði
hann að ekkert annað lægi fyrir en
að þær flugvélar, sem Bandaríkja-
her hefur haft hér á landi í sam-
ræmi við bókun við varnarsamning
Íslands og Bandaríkjanna, yrðu
hér áfram.
Varnarliðið hluti af gagn-
kvæmum varnarviðbúnaði

Áttum okkur/6
Utanríkisráðherrar Bandaríkjanna og Íslands ræddu um Keflavíkurstöðina
Halldór segir Bandaríkjamenn ætla
að standa við skuldbindingar sínar
GUÐJÓN Þórðarson knattspyrnu-
stjóri verður ekki áfram við stjórnvöl-
inn hjá Stoke City. Í yfirlýsingu sem
Stoke sendi frá sér í gærkvöldi, sem
Gunnar Þór Gíslason stjórnarformað-
ur er skrifaður fyrir, segir: „Á fundi
stjórnar Stoke City miðvikudaginn
15. maí var samþykkt að rifta núgild-
andi samningi við Guðjón enda sé fé-
laginu best borgið til lengri tíma litið
að ráða nýjan knattspyrnustjóra. Við
viljum þakka Guðjóni fyrir gott starf
og óskum honum alls hins besta í
framtíðinni. Stjórnin mun næstu daga
velta upp hugsanlegum nöfnum varð-
andi framkvæmdastjórastöðuna og
taka ákvörðun fljótlega hver verður
ráðinn,“ segir í yfirlýsingunni.
Guðjón
hættur hjá
Stoke

Stjórn Stoke/B1
VÉLARVANA trilla átti eftir
um 300 metra í land þegar
slöngubátar frá Slysavarna-
félaginu Landsbjörgu drógu
hana frá ströndinni við Hvals-
síki við ósa Hverfisfljóts í
gærkvöldi. Einn maður var
um borð og telur hann sig
aldrei hafa verið í lífshættu.
Trillan verður dregin til hafn-
ar í Vestmannaeyjum og var
hún væntanleg þangað í nótt.
Bjarki Þór Arnbjörnsson
var að sigla trillunni frá Höfn í
Hornafirði áleiðis til Vest-
fjarða þar sem hann ætlar að
stunda handfæraveiðar í sum-
ar. Þegar Bjarka varð ljóst að
ekki væri hægt að gera við
vélina hafði hann samband við
Tilkynningaskylduna og ósk-
aði eftir aðstoð. Trillan var þá
um 1,5 sjómílur frá landi.
Björgunarsveitum í Vík í Mýr-
dal, á Kirkjubæjarklaustri og í
Álftaveri barst útkall frá Til-
kynningaskyldunni klukkan
19.21. Þyrla Landhelgisgæsl-
unnar, TF-SIF, var einnig
kölluð út.
Vélin gallagripur
Bjarki sagðist vera þakklát-
ur fyrir þennan mikla viðbún-
að en telur sig þó aldrei hafa
verið í lífshættu. Hefði trilluna
rekið í land hefði hann líklega
getað vaðið í land enda hæg-
lætisveður á þessum slóðum í
gær.
Björgunarsveitarmenn sjó-
settu tvo slöngubáta í fjörunni
við Hvalssíki og um klukku-
stund eftir að hjálparbeiðnin
barst höfðu þeir komið taug
yfir í trilluna og gátu dregið
hana frá landi. Dragnótarbát-
urinn Friðrik Sigurðsson ÁR
tók trilluna síðan í tog og
björgunarskipið Þór frá Vest-
mannaeyjum tók við drættin-
um.
Bjarki átti alls ekki von á
vélarbilun enda setti hann
nýja vél í trilluna í vetur. „Vél-
in er greinilega einhver galla-
gripur,“ sagði hann.
Var 300
metra
frá landi
Vélarvana trilla á
reki við Hvalssíki