Morgunblaðið - 16.05.2002, Blaðsíða 79

FRÉTTIR
MORGUNBLAÐIÐ FIMMTUDAGUR 16. MAÍ 2002 79
Útflutningsráð Samtaka verslunarinnar - FÍS boðar til fundar
í dag fimmtudaginn 16. maí kl. 12:00 í Háteigi, Grand Hótel.
Gestur fundarins verður Árni M. Mathiesen,
sjávarútvegsráðherra.
Þátttökugjald með hádegisverði er kr. 2.500.
Vinsamlega tilkynnið þátttöku á skrifstofu samtakanna
í síma 588 8910 eða á netfang: lindabara@fis.is
FUNDURINN ER ÖLLUM OPINN.
Vorfundur
Útflutningsráðs Sv/FÍS
Veiðileyfagjald og aðrar breytingar - framfaraspor eða afturför?
SAMTÖK VERSLUNARINNAR
Á AFMÆLISDEGI Kópavogsbæj-
ar, 11. maí síðastliðinn, var síðari
áfangi Menningarmiðstöðvar tekinn í
notkun. Af því tilefni munu kven-
frambjóðendur Sjálfstæðisflokksins í
Kópavogi standa fyrir menningar-
göngu um menningarsetur Kópa-
vogs, laugardaginn 18. maí klukkan
10–12.
Mæting er við menningarmiðstöð-
ina Hamraborg 6. klukkan 9.50, en
gangan hefst með heimsókn á Bóka-
safnið þar sem Hrafn Harðarson
bæjarbókavörður mun segja frá
starfsemi safnsins. Þaðan liggur leið-
in á Náttúrufræðistofu sem verður
skoðuð undir leiðsögn Hilmars
Malmquist forstöðumanns. Salurinn
verður því næst heimsóttur og þar
mun Jónas Ingimundarson tónlistar-
ráðunautur segja frá starfsemi Tón-
listarhúss Kópavogs. Að lokum verð-
ur Listasafn Kópavogs-Gerðarsafn
skoðað undir undir leiðsögn Guð-
bjargar Kristjánsdóttur safnstjóra
og sýning úr einkasafni Þorvaldar
Guðmundssonar og Ingibjargar Guð-
mundsdóttur. Að göngu lokinni verð-
ur boðið upp á léttan hádegisverð þar
sem þátttakendur geta spjallað sam-
an og skipst á skoðunum við fram-
bjóðendur, segir í fréttatilkynningu.
Menningarganga
í Kópavogi
DAGSNÁMSKEIÐ í hugleiðslu verð-
ur haldið laugardaginn 18. maí á veg-
um Karuna. Kennari er búddanunnan
Gen Nyingpo sem mun kenna grund-
vallaraðferðir í búddískri hugleiðslu
og hvernig hægt er að hefja reglu-
bundna iðkun.
Námskeiðið verður haldið í Bolholti
4, 4. hæð, kl. 11–17. Kennt er á ensku.
Námskeiðið kostar kr. 3.000 með
grænmetisrétti. Atvinnulausir og ör-
yrkjar borga 2.000 krónur.
Dagsnámskeið
í hugleiðslu
ÁRSFUNDUR Háskóla Íslands
verður haldinn í hátíðarsal á 2. hæð í
Aðalbyggingu Háskólans þriðjudag-
inn 21. maí kl. 13–4.30. Boðið verður
upp á kaffiveitingar að fundi loknum.
Páll Skúlason háskólarektor setur
fundinn, fer yfir starfsemi síðasta árs
og fjallar um meginatriði í starfi Há-
skólans. Ingjaldur Hannibalsson, for-
maður fjármálanefndar háskólaráðs,
gerir grein fyrir reikningum ársins
2001 og kynnir fjárhag Háskólans.
Rektor svarar fyrirspurnum að því er
fram kemur í fréttatilkynningu.
Ársfundur
Háskóla Íslands
SJÁLFSTÆÐISMENN í Hvera-
gerði halda kosninga- og fjöl-
skylduhátíð gegnt kosningaskrifstof-
unni á grasbletti við listaverkið Mýri,
laugardaginn 18. maí kl. 14. Fram-
bjóðendur grilla pylsur fyrir gesti og
stjórna leikjum með börnunum.
Einnig verður boðið upp á Kjörís.
Laddi skemmtir, leiktæki og and-
litsmálun fyrir yngstu kynslóðina og
fleiri skemmtiatriði. Allir eru vel-
komnir.
Kosninga- og
fjölskylduhátíð
í Hveragerði
VILJINN, félag ungra sjálfstæðis-
manna í Mosfellsbæ, stendur fyrir
balli föstudaginn 17. maí.
Hljómsveitin Í svörtum fötum
leikur. Húsið verður opnað kl. 23.18
ára aldurstakmark, segir í fréttatil-
kynningu.
X-D-ball
í Hlégarði
RANNSÓKNARDAGUR í hjúkrun-
arfræði verður haldinn föstudaginn
17. maí frá kl. 13–17, Eirbergi, Ei-
ríksgötu 34. Kynnt verða lokaverk-
efni til BS gráðu í hjúkrunarfræði.
Ávörp flytja deildarforseti, for-
maður Hollvinafélags hj.fr.deildar,
fjórða árs nemendur og afmælisár-
gangar. Allir velkomnir.
Rannsóknardagur
í hjúkrunarfræði
BLEIKJUVEIÐI í Soginu hefur
verið fremur dauf það sem af er
vori. Veiðiskapur hófst þegar 1.
apríl, en veiði hefur verið brokk-
geng og telur Sogssérfræðingur-
inn Ólafur Kr. Ólafsson í Inter-
sport að það stafi af vorkuldum.
„Sogið er að vísu með mjög stöðugt
hitastig, en það hefur margsýnt sig
að ef lofthiti er lágur þá tekur
bleikjan mjög illa og grannt,“ sagði
Ólafur.
Ólafur sagði að veiðin hefði verið
einna skást í Bíldsfelli og þar væru
komnar nálægt 60 bleikjur í veiði-
bók. Í Ásgarði væru aðeins milli 40
og 50 skráðar. „Bíldsfellið hefur
alltaf vinninginn á vorin. Þetta er
mest 1,5 til 2 punda bleikjur og við
höfum ekki enn vitað um stærri
bleikjur en 4 punda. Það eru miklu
stærri fiskar í ánni, allt að 10–12
punda fiskar en þeir taka illa.
Kannski sjáum við eitthvað af þeim
fiski þegar fer að hlýna. Það er
batnandi veðurspá núna og veiðin
ætti að glæðast,“ bætti Ólafur við.
Glæðist á Hrauni
Veiði er mjög að glæðast á
Hrauni í Ölfusá. Fyrir skemmstu
var veiðin aðeins milli 20 og 30 fisk-
ar sem voru mest niðurgöngufisk-
ar, en venju samkvæmt fer veiðin
að hressast um miðjan maí. Það
hefur gengið eftir og er aflinn þá
nær eingöngu bjartur birtingur
sem kemur upp í Ölfusárós á flóði
og hopar svo til baka. Farið er að
bera á þessum fiski, fiski á bilinu 1
til 4 pund. Þegar líður á koma
stærri fiskar í bland.
Morgunblaðið/Einar Falur
Veiðimaður glímir við bleikju í Hlíðarvatni fyrir fáum dögum.
Fremur dauf
veiði í Soginu
ERU
ÞEIR AÐ
FÁ’ANN?
KOMIÐ er fram nýtt framboð í
Sveitarfélaginu Ölfusi – Listi frjáls-
lyndra til sjávar og sveita í Ölfusi.
Hefur hann listabókstafinn C.
Listann skipa eftirtaldir:
1. Þórhildur Ólafsdóttir bóndi, 2.
Dagný Magnúsdóttir stjórnandi fé-
lagsstarfs aldraðra, 3. Ólafur Helga-
son rafvirki, 4. Vilhelm Björnsson
vélamaður, 5. Kristján Gauti Guð-
laugsson skipstjóri, 6. Gísli Gunnar
Jónsson framkvæmdastjóri, 7. Sig-
ríður G. Guðnadóttir skrifstofumað-
ur, 8. Auðunn Jóhannsson trésmíða-
nemi, 9. Ásta Margrét Grétarsdóttir
bókari, 10. Sig. Þröstur Hjaltason
pípulagningamaður, 11. Jakob Sig-
tryggsson vinnuvélastjóri, 12. Unnur
Erla Malmquist stuðningsfulltrúi,
13. Sigurbjörg Jónsdóttir hjúkrun-
arfræðingur og 14. Þórarinn Snorra-
son bóndi.
Nýtt framboð í
Sveitarfélaginu
Ölfusi
AFRÍKUDAGAR standa yfir í
verslunum Tes & kaffis, Laugavegi
27 og Suðurveri. Sértök áhersla er
lögð á kaffi og te frá Afríku og eru
m.a. kynntar tvær nýjar tegundir af
kaffi frá Eþíópíu, Yirgacheffe og
Harrar Longberry, og ein ný tegund
frá Zimbabwe. Einnig er kynning á
Rauðrunnatei frá Suður-Afríku og
Kenýa-tei.
Á kaffihúsinu á Laugavegi 27
stendur einnig yfir sýning á grafík-
myndum eftir spænska listamanninn
Miquel Aparici, og eru nokkrar
myndanna tengdar Afríku. Mynd-
irnar eru unnar í ætingu og silki-
þrykk, en einnig eru tvær þeirra
unnar í ætingu og kaffi. Sýningin
stendur til 10. júní, segir í fréttatil-
kynningu.
Afríkudagar
í Tei & kaffi
UNGIR sjálfstæðismenn og ungt fólk
í R-listanum boða til opins fundar á
efri hæð Kaffi Reykjavíkur í dag,
fimmtudaginn 16. maí, kl. 20.
Yfirskrift fundarins er „Framtíð
Reykjavíkur – skiptir hugmynda-
fræði máli við stjórnun borgarinnar?“
Björn Bjarnason og Gísli Marteinn
Baldursson, frambjóðendur Sjálf-
stæðisflokksins, munu ræða málefni
Reykjavíkurborgar ásamt Ingibjörgu
Sólrúnu Gísladóttur og Degi B. Egg-
ertssyni, frambjóðendum R-listans.
Fundarstjóri er Magnús Þór Gylfa-
son, framkvæmdastjóri S.u.s.
Hver frambjóðandi heldur stutta
framsögu og að því loknu verður tekið
við fyrirspurnum frá fundargestum í
sal, segir í fréttatilkynningu.
Opinn málfundur
um borgarmálefni
ÍSLANDSPÓSTUR gefur út í dag,
fimmtudaginn 16. maí, frímerki
með mynd af Sesselju Hreindísi Sig-
mundsdóttur, stofnanda Sólheima, í
tilefni af því að hundrað ár eru liðin
frá fæðingu Sesselju.
„Sesselja var brautryðjandi í upp-
eldismálum barna, þjónustu við fatl-
aða og umhverfismálum á Íslandi.
Sesselja lagði ríka áherslu á sam-
skipan fatlaðra og ófatlaðra löngu
áður en þær kenningar voru settar
fram erlendis. Hún var langt á und-
an sinni samtíð og sjónarmið henn-
ar mættu tortryggni og skilnings-
leysi. Áratugum saman barðist hún
við fordóma og skammsýn yfirvöld.
Hún lagði alla tíð áherslu á að Sól-
heimar héldu fullu sjálfstæði gagn-
vart opinberum aðilum og að þeir
hefðu ekki afskipti af starfinu þar.
Hún barðist gegn því að Sólheimar
færu undir lög um málefni fatlaðra,
þar sem hún taldi það hvorki Sól-
heimum né fötluðum íbúum til
framdráttar. Yfirvöldum líkaði ekki
þessi sjálfstæða sterka kona og var
Sesselja svipt starfsleyfi og þurfti
að sækja það mál til Hæstaréttar.
Árið 1946 voru sett bráðabirgða-
lög til að víkja henni af staðnum, en
lögin hlutu ekki staðfestingu.
Hvorki málaferli, persónulegar
sorgir né bráðabirgðalög, sem sett
voru til höfuðs Sesselju, náðu að
buga hana. Hún trúði á það sem hún
var að gera og lét aldrei truflast af
aðstæðum eða áliti annarra. Opin-
berir aðilar hafa fimm sinnum
reynt að yfirtaka eignir og starf-
semi á Sólheimum.
Útgáfa frímerkisins er liður í há-
tíðahöldum sem verða í sumar á
Sólheimum, en 5. júlí nk., á fæðing-
ardegi Sesselju og afmælisdegi Sól-
heima, verður Sesseljuhús formlega
opnað á Sólheimum. Sesseljuhús er
fyrsta nútímabyggingin á Íslandi
sem er laus við öll PVC-efni.
Nú eru starfandi 150 staðir í 30
löndum sem byggja á svipaðri hug-
myndafræði og Sólheimar og hefur
þeim farið ört fjölgandi,“ segir í
fréttatilkynningu frá Sólheimum.
Sesselja Hreindís
Sigmundsdóttir á frímerki
GJAFADAGAR Kringlunnar hefj-
ast í dag, fimmtudag 16. maí, og
standa fram á laugardag, 18. maí. Á
gjafadögum munu verslanir sýna úr-
val sitt af gjafavöru fyrir öll tilefni.
Sérstök áhersla verður lögð á brúð-
kaup og þá þjónustu sem verslanir
Kringlunnar veita brúðhjónum og
brúðkaupsgestum.
Boðið verður upp á lifandi tónlist
og ýmsar uppákomur skipulagðar.
Fataverslanir kynna spariklæðnað
fyrir öll tækifæri, gestum gefst kost-
ur á að kynna sér snyrtivörur af
ýmsu tagi og borðbúnaður verður
kynntur á uppbúnum veisluborðum.
Um kl. 12 á föstudaginn verður
settur saman einhver stærsti brúð-
arvöndur, sem gerður hefur verið á
Íslandi, á blómatorginu á fyrstu hæð
Kringlunnar en búast má við að
brúðarvöndurinn verði fullbúinn um
kl. 16. Það er verslunin B1 blóma-
skreytar í Kringlunni sem hefur veg
og vanda af gerð brúðarvandarins.
Nokkur bílaumboð kynna
skreytta brúðarbíla og geta gestir
Kringlunnar greitt atkvæði um
glæsilegasta bílinn.
Verðandi brúðhjón geta tekið þátt
í brúðkaupsleik Kringlunnar. Unnt
verður að skrá nöfn brúðhjóna í sér-
stakan brúðarpott á gjafadögunum
en í boði eru gjafavörur frá versl-
unum Kringlunnar, segir í fréttatil-
kynningu.
Gjafadagar í
Kringlunni
UMFERÐARVIKA hófst á Sel-
tjarnarnesi 13. maí og stendur til 17.
maí. Á síðasta ári var framkvæmd
vikunnar þannig að sjálfboðaliðar
stóðu við helstu gangbrautir á Sel-
tjarnarnesi og töldu umferð barna
og bíla. Um leið voru börn hvött til að
ganga í skólann. Með þessu fékkst
ákveðin mynd af þeim fjölda bíla og
gangandi vegfarenda er ferðast um
Nesið á morgni hverjum.
Þetta vorið verður megináhersl-
unni beint að nemendum og foreldr-
um Mýrarhúsaskóla. Skipulags-,
umferðar- og hafnarnefnd ásamt
skólanefnd hafa látið útbúa lítinn
bækling er fjallar um að fara örugga
leið í Mýrarhúsaskóla. Bæklingurinn
er hugsaður þannig að hann sé unn-
inn í samstarfi skóla, foreldra og
nemenda.
Umferðarfræðsla er hluti af náms-
efni grunnskóla en það er von að-
standenda umferðarvikunnar að
slíkt framtak beini enn frekar at-
hyglinni að mikilvægi þess að þjálfa
börn í að verða ábyrgir vegfarendur.
Í byrjun umferðarvikunnar munu
allir nemendur Mýrarhúsaskóla
koma með umræddan bækling heim
með sér. Bæklingurinn mun síðan
verða afhentur öllum nemendum er
hefja skólagöngu í Mýrarhúsaskóla,
segir í fréttatilkynningu.
Umferðarvika á
Seltjarnarnesi
Málsgrein féll niður
Vegna mistaka féll niður fyrsta
málsgreinin í bréfi til blaðsins eftir
Rúnar Kristjánsson sem birtist í
Morgunblaðinu í gær. Málsgreinin
er svohljóðandi: „Hvernig á þjóð upp
á rúmlega 280.000 sálir að hafa mikil
áhrif innan vébanda ESB? Hvert
verður vægi slíkrar smáþjóðar gagn-
vart þýskum, frönskum eða breskum
áhrifum innan evrópska miðstjórn-
arveldisins?“ Beðist er velvirðingar
á þessum mistökum.
Misræmi í vikudegi
og dagsetningu
Það gætti misræmis í dagsetningu
og vikudegi í frétt um frestun á tón-
leikum Vengerovs í blaðinu í gær.
En þeir sem ekki geta nýtt sér mið-
ana á tónleikana 27. maí fá þá endur-
greidda mánudaginn 20. maí.
LEIÐRÉTT