Morgunblaðið - 15.06.2002, Qupperneq 12

HÖFUÐBORGARSVÆÐIÐ
12 LAUGARDAGUR 15. JÚNÍ 2002 MORGUNBLAÐIÐ
BÆJARSTJÓRASKIPTI
urðu á Seltjarnarnesi í gær
þegar Jónmundur Guðmars-
son, nýkjörinn bæjarstjóri,
tók við lyklunum að bæjar-
stjóraskrifstofunni úr höndum
Sigurgeirs Sigurðssonar sem
hefur verið bæjar- og sveitar-
stjóri frá árinu 1965. Hann
hefur setið í bæjarstjórn í 40
ár.
Sigurgeir segist vera afar
þakklátur Seltirningum eftir
allan þennan tíma. „Efst í
huga mér er þakklæti til allra
sem ég hef starfað með og
hafa stutt mig í starfi og leyft
mér að vinna að uppbyggingu
hér í sveitarfélaginu.“
Hann bendir á að pólitíkin
hafi bæði verið starf sitt og
áhugamál. „Fólkið og fé-
lagsskapurinn er hið skemmti-
legasta við pólitíkina. Maður
lærir fljótt að hlusta, fólk hef-
ur svo margt að segja.“
Vill leyfa öðrum
að komast að
Sigurgeir ætlar að draga sig
alveg út úr pólitíkinni nú þeg-
ar hann hefur látið af embætti,
segist vilja leyfa öðrum að
komast að. „Ég tel sanngjarnt
að nýtt fólk fái að vera í friði,
þegar maður er búinn að vera
svona lengi í þessu hefur mað-
ur líka mjög ákveðnar skoðan-
ir á því hvernig allt á að vera.
Ég mun samt sem borgari að
sjálfsögðu fylgjast vel með.“
En hvað hyggst hann taka
sér fyrir hendur núna eftir að
hafa látið af störfum? „Ég veit
í rauninni ekki alveg hvað ég
mun gera, ég mun alla vega
róa mig niður aðeins, ætli ég
muni ekki reyna að fara í sum-
arbústað sem við hjónin eigum
en við höfum aldrei verið
nægilega lengi í. Við eigum
líka stórt hús hérna í bænum
sem þarf að fara að dytta að.“
Sigurgeir segist muni sakna
pólitíkurinnar að einhverju
leyti. „Ég mun sakna þess að
halda um púlsinn á öllu sem er
að gerast í kringum mig en ég
á mér líka önnur skemmtileg
áhugamál eins og garðrækt og
veiði.
Hann segir bæjarfélagið
hafa gjörbreyst síðan hann tók
við. „Við hjónin fluttum hingað
1957 og á þeim tíma voru
ódýrustu eignirnar á höfuð-
borgarsvæðinu hér. Við erum
stolt af því að núna eru dýr-
ustu eignirnar hér.“
Hann bendir á að það segi
töluvert um þetta tímabil. „Ég
man einmitt að fasteignasal-
inn taldi mjög ólíklegt að við
hefðum áhuga á að búa hér, en
úr því varð og hér erum við
enn.
Ég tel að okkur hafi tekist
að búa til skemmtilegan bæj-
arbrag. Þótt við séum örstutt
frá miðbænum finnst fólki oft
eins og hann sé í meiri fjar-
lægð. Náttúran er auðvitað
mjög nálæg, við höfum sjóinn
á þrjár hliðar og svo er hér
mikið félagslíf.“
Hættir sem bæjar-
stjóri eftir 37 ára starf
Morgunblaðið/Sverrir
Jónmundur Guðmarsson bæjarstjóri og Sigurgeir Sigurðsson fráfarandi bæjarstjóri.
Seltjarnarnes
HAFNARFJARÐARBÆR
ætlar að niðurgreiða fé-
lagsgjöld hjá íþrótta- og
æskulýsfélögum bæjarins fyr-
ir börn sem eru tíu ára og
yngri, að sögn Lúðvíks Geirs-
sonar bæjarstjóra. Málið var
ákveðið á bæjarstjórnarfundi
í vikunni og segir Lúðvík
ástæðurnar vera tvíþættar.
„Við teljum að starf í
íþrótta- og æskulýðsfélagi
hafi mikið forvarnargildi og
viljum gefa öllum börnum
kost á að geta tekið þátt í því
burtséð frá aðstæðum og
efnahag.“ Hann segir stefnt á
að niðurgreiðslan hefjist í
haust. „Samkvæmt mati sem
við höfum látið gera er áætlað
að kostnaðurinn verði á bilinu
15–20 milljónir.“
Telur líklegt að önnur
sveitarfélög fylgi eftir
Lúðvík segir líklegt að
ákvörðunin verði fordæmis-
gefandi. „Ég veit til þess að
sveitarstjórnarmenn í ná-
grannasveitarfélögunum hafa
verið að horfa til okkar og við-
brögðin sem ég hef fengið við
hugmyndinni eru mjög góð.
Ég hef trú á því að þetta sé
það sem koma skal annars
staðar líka.“
Íþróttir barna
niðurgreiddar
Hafnarfjörður
YFIR 900 heilbrigðisstarfs-
menn frá öllum Norðurlönd-
unum eru komnir hingað til
lands til að taka þátt í Nor-
rænu sjúkrahúsleikunum
sem haldnir eru hér á landi
um helgina.
Keppendur eru frá 34
sjúkrastofnunum og verður
keppt í tíu íþróttagreinum
meðal annars handbolta,
blaki, skotfimi, borðtennis,
badminton keilu og golfi, að
sögn Líneyjar Rutar Hall-
dórsdóttur, verkefnisstjóra
leikanna. „Þetta er búið að
vera mjög skemmtilegt og
mikill keppnisandi meðal
manna. Hér er fólk á öllum
aldri og frá öllum stéttum
heilbrigðisgeirans.“
Íslenski hesturinn
vakti ánægju gesta
Opnunarhátíð leikanna var
haldin í Ráðhúsi Reykjavíkur
í fyrradag og setti Jón Krist-
jánson heilbrigðisráðherra
leikana. Þá vakti heið-
ursvörður íslenska hestsins
mikla athygli og ánægju er-
lendu gestanna, að sögn Lín-
eyjar.
Árni Þór Sigurðsson, ný-
kjörinn forseti borg-
arstjórnar flutti ávarp og var
þetta fyrsta embættisverk
hans.
Íslenskir þáttakendur eru
um 114, þar af eru 112 frá
Landspítala-háskólasjúkra-
húsi og 2 frá Heilbrigð-
isstofnuninni Akranesi.
Höfuðstöðvar leikanna eru
í Laugardalnum en þar verð-
ur keppt í flestum íþrótta-
greinunum, en auk þess verð-
ur meðal annars, keppt í
keilu í Keiluhöllinni Öskju-
hlíð og golfi við Korpúlfsstaði
og á Grafarholtsvelli. Reykja-
víkurborg og Íþrótta- og tóm-
stundaráð eru styrktaraðilar
leikanna en keppninni sjálfri
lýkur síðdegis á laugardag.
Norrænu sjúkrahúsleikarnir í Reykjavík
Morgunblaðið/Sverrir
Jón Kristjánsson heilbrigðisráðherra dáist hér að hestinum Núma frá Kirkjubæ við Ráðhús
Reykjavíkur þar sem opnunarhátíð Norrænu sjúkrahúsleikanna fór fram í fyrradag.
Keppendur úr öllum stétt-
um heilbrigðiskerfisins
Laugardalur
SÓLIN skein á krakkana
sem skemmtu sér í árlegri
þjóðhátíðarskrúðgöngu um
Seljahverfið í gær.
Börn og starfsfólk úr
fjórum leikskólum hverf-
isins fylktu liði og báru
mörg hver íslenska fánann
til að ná fram réttu þjóðhá-
tíðarstemmningunni í góða
veðrinu.
Á leiðinni var meðal ann-
ars komið við á elliheim-
ilinu og tóku börnin þar
lagið með öldruðum.
Morgunblaðið/Einar Falur
Margir veifuðu íslenska fánanum í skrúðgöngu leikskólanna fjögurra í Seljahverfi.
Þjóðhátíð-
arstemmn-
ing í Selja-
hverfinu
Breiðholt
Morgunblaðið/Sverrir
Fyrsti fundur nýrrar bæjarstjórnar í Garðabæ.
LAUFEY Jóhannsdóttir var
kjörin forseti bæjarstjórnar
Garðabæjar og Erling Ás-
geirsson formaður bæjarráðs
á fyrsta fundi nýrrar bæjar-
stjórnar í vikunni. Samþykkt
var að ráða Ásdísi Höllu
Bragadóttur sem bæjar-
stjóra.
Þá var stofnuð nefnd um
málefni eldri borgara en mál-
efni þeirra hafa til þessa heyrt
undir ólíkar nefndir. Þá var
ákveðið að fækka nefndum
um fjórar. Á fundinum voru
einnig kosnir formenn fasta-
nefnda m.a. Laufey Jóhanns-
dóttir fyrir skipulagsnefnd,
Páll Hilmarsson fyrir skóla-
nefnd grunnskóla og Stefán
Konráðsson fyrir íþrótta- og
tómstundaráð.
Fundur nýrrar bæjarstjórnar
Stofna nefnd um
hag eldri borgara
Garðabær
BÆJARSTJÓRN Garða-
bæjar hefur samþykkt að ráða
Ingu Þórunni Halldórsdóttur í
stöðu skólastjóra Flataskóla til
eins árs, að því er fram kemur í
fréttatilkynningu frá bænum.
Sjö umsækjendur voru um
stöðuna og mælti skólanefnd
einróma með því að Inga Þór-
unn yrði ráðin. Hún mun
gegna starfinu í fjarveru Sig-
rúnar Stefánsdóttur skóla-
stjóra sem verður í leyfi næsta
skólaár. Inga Þórunn hefur
starfað við kennslu frá því hún
lauk kennaraprófi 1967. Hún
hefur meðal annars verið að-
stoðarskólastjóri, árgangs-
stjóri, fagstjóri í sérkennslu og
deildarstjóri í sérkennslu.
Nýr skólastjóri
ráðinn í Flataskóla
Garðabær