Morgunblaðið - 12.11.2004, Side 2

2 FÖSTUDAGUR 12. NÓVEMBER 2004 MORGUNBLAÐIÐ
FRÉTTIR
DEILAN Í KJARADÓM
Kennaradeilan verður lögð í gerð-
ardóm samkvæmt lagafrumvarpi
sem lagt verður fyrir Alþingi í dag.
Búist er við að afgreiðslu frumvarps-
ins ljúki um helgina og að grunn-
skólar geti hafist að nýju á mánu-
daginn.
Arafat kvaddur
Yasser Arafat, leiðtogi Palest-
ínumanna, verður jarðsunginn í
Kaíró í Egyptalandi í dag og að því
búnu verður kista hans flutt til Ram-
allah á Vesturbakkanum þar sem
Arafat verður lagður til hinstu hvílu.
Hundruð þúsunda Palestínumanna
hörmuðu í gær fráfall þessa tákn-
gervings baráttu þeirra fyrir frelsi
og sjálfstæði og höfðu sumir á orði,
að dauði hans boðaði kaflaskil í öll-
um Mið-Austurlöndum.
Borga konu skaðabætur
Þrír menn voru í gær dæmdir í
héraðsdómi Reykjavíkur til að
greiða konu samtals 1,1 milljón
króna í miskabætur fyrir að hafa
framið ólögmæta meingerð gegn
henni og æru hennar, samkvæmt
ákvæðum skaðabótalaga. Konan
kærði þá fyrir nauðgun en menn-
irnir voru hvorki ákærðir né dæmdir
fyrir nauðgun en voru samt dæmdir
til að greiða konunni miskabætur
eftir að hún höfðaði skaðabótamál.
Y f i r l i t
Í dag
Sigmund 8 Bréf 40
Úr verinu 14 Forystugrein 34
Viðskipti 16 Viðhorf 36
Erlent 18 Minningar 40/47
Heima 20 Brids 49
Höfuðborgin 22 Dagbók 52/55
Akureyri 22 Víkverji 52
Austurland 24 Leikhús 56
Landið 24 Menning 56/65
Suðurnes 25 Bíó 62/65
Daglegt líf 26/29 Ljósvakamiðlar 66
Listir 30/31 Veður 67
Umræðan 32/39 Staksteinar 67
* * *
Kynning – Morgunblaðimu í dag fylgir
auglýsingablaðið Í GÓÐUM GÍR frá
Ingvari Helgasyni.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl

 





 


 
 



  

 

  

 


 


 !

"
# 





 

 $ 

 
 

%&' (

 )***






 






 



BLÍÐFINNUR
BAKAR LUMMUR
M
Á
T
T
U
R
IN
N
&
D
Ý
R
Ð
IN
Í BÓKABÚÐ MÁLS OG MENNINGAR
Á LAUGAVEGI KL. 11.00
OG Í PENNANUM-EYMUNDSSON
Í SMÁRALIND KL. 14.00
Á MORGUN
ÞORVALDUR ÞORSTEINSSON
LES ÚR BÓKINNI
HALLDÓR Gíslason, deildarforseti
hönnunar- og arkitektúrdeildar
Listaháskólans, hefur þekkst boð
um að stjórna nýrri hönnunardeild
Norsku listaakademíunnar. Lista-
akademían norska var stofnuð fyrir
um áratug við sameiningu fimm eldri
listaháskóla en nú um áramótin
verður deildafyrirkomulagi skólans
gjörbreytt og þrjár nýjar deildir
stofnaðar á grunni hinna eldri.
Halldór segir það mikinn heiður
fyrir sig að hafa verið boðið þetta
starf. Nýja hönnunardeildin í Ósló sé
stærri en deildin sem hann hefur
stýrt við Listaháskólann, og lengra á
veg komin, þótt hún byggist á svip-
aðri hugmyndafræði og deildin hér.
„Nýja starfið
leggst mjög vel í
mig, en það að ég
skuli þiggja það
er um leið ákveð-
in gagnrýni á það
hvernig að málum
Listaháskóla Ís-
lands er staðið.
Hér heima eru
húsnæðismál
Listaháskólans í ólestri, við höfum
ekki einu sinni fengið lóð til að
byggja á; við höfum ekki aðstöðu til
rannsókna og við getum ekki enn
boðið upp á meistaranám. Stjórnvöld
sinna þessari stofnun ekki sem
skyldi. Það er ekkert í starfi Lista-
háskóla Íslands sjálfs sem veldur því
að ég tók ákvörðun um að þiggja
starfið, heldur fyrst og fremst það að
stjórnvöld styðja ekki við vinnu okk-
ar þar. Úti er allt annað upp á ten-
ingnum. Norska listaakademían nýt-
ur mikils stuðnings yfirvalda og
Norðmenn leggja miklu meira í list-
nám en gert er hér; bæði með meira
fé, nýrri byggingu sem nú er í smíð-
um og öllum öðrum stuðningi. Þetta
er örugglega efnaðasta listaaka-
demía í Evrópu. Á Íslandi störfum
við við mjög lélegar aðstæður, sem
fleiri en ég hafa verið gagnrýnir á.
Ef ekkert verður að gert hér á landi
mun fleira fólk hverfa héðan til út-
landa, þar sem aðstæður eru betri.“
Boðið að stjórna hönnunardeild Norsku listaakademíunnar
Norðmenn leggja
miklu meira í listnám
Halldór Gíslason
ÞAÐ FÓR ekki framhjá borgar-
búum í gær að það er kominn vetur.
Um tíma snjóaði í borginni þó að
jörð næði ekki að verða hvít nema í
stutta stund. Þrátt fyrir slyddu og
rigningu lætur margur hjólreiða-
maðurinn það ekki á sig fá og held-
ur áfram að hjóla um stræti og torg.
Það er þó lykilatriði að vera varinn
fyrir vindum á þessum árstíma og
sjálfsagt á þessi hjólreiðamaður eft-
ir að hafa það bak við eyrað næst.
Morgunblaðið/Golli
Hjólað í slyddunni
HÆSTIRÉTTUR dæmdi í gær Sig-
urð Hólm Sigurðsson í 2½ árs fang-
elsi fyrir hylmingu, níu þjófn-
aðarbrot, eina tilraun til þjófnaðar
og umferðarlagabrot. Ákærði hafði
hlotið 27 sinnum dóma á árunum
1979 til 2000.
Með dómi sínum mildaði Hæsti-
réttur dóm Héraðsdóms Reykjavík-
ur frá í maí sl. þar sem ákærða var
gerð þriggja ára fangelsisrefsing.
Málið dæmdu hæstaréttardóm-
ararnir Árni Kolbeinsson, Jón
Steinar Gunnlaugsson og Ólafur
Börkur Þorvaldsson. Verjandi
ákærða var Sigmundur Hannesson
hrl. og sækjandi Bragi Steinarsson
vararíkissaksóknari.
2½ árs fangelsi
fyrir ýmis brot
RÚMLEGA þrítug kona var í gær
dæmd í fimm mánaða fangelsi
fyrir að svíkja út tæplega 260.000
kr. með því að gefa 27 sinnum
símleiðis upp raðnúmer og gild-
istíma greiðslukorts í eigu fyr-
irtækis.
Brotin áttu sér stað á eins mán-
aðar tímabili. Konan hefur oft
komið við sögu lögreglu og hefur
m.a. hlotið átta dóma fyrir brot
gegn almennum hegningarlögum,
einkum vegna fjársvika. Dómur-
inn sem kveðinn var upp í gær
var hegningarauki við eldri dóm.
Sveik 27 sinnum
út vörur með
greiðslukorti
BENSÍNVERÐ lækkaði í gær og
reið Atlantsolía á vaðið þegar félag-
ið lækkaði bensínverð um eina
krónu á bensínstöðvum sínum. Eftir
lækkun kostar bensínlítrinn 102,90
og lítrinn af dísilolíu 48,90 krónur
hjá félaginu. Esso, Olís, ÓB, Ego og
Orkan fylgdu í kjölfarið og lækkuðu
verð hjá sér um u.þ.b. eina krónu.
Bensínverð
lækkar
LYF og heilsa má ekki selja hefð-
bundin gleraugu í verslun sinni í
Kringlunni samkvæmt ákvörðun
rekstrarfélags Kringlunnar. Fyrir-
tækið hefur ákveðið að víkka út
starfsemi sína, bjóða upp á sjónmæl-
ingar og selja gleraugu og linsur í
verslunum sínum en vegna takmark-
ana sem rekstrarfélag Kringlunnar
setur verða gleraugu ekki til sölu í
nýrri verslun Lyfja og heilsu í
Kringlunni. Verslunin má þó selja
linsur og bjóða upp á sjónmælingar í
Kringlunni líkt og gert verður í öll-
um verslunum Lyfja og heilsu innan
skamms. Sjóntækjafræðingur hefur
verið ráðinn til starfa í versluninni í
Kringlunni sem mun sinna sjónmæl-
ingum. Skilti var sett upp við versl-
unina í gær þar sem gerð var grein
fyrir ákvörðun rekstrarfélagsins.
Hrönn Rudolfsdóttir, fram-
kvæmdastjóri Lyfja og heilsu, segir
að fyrirtækið hafi lengi selt lesgler-
augu og sólgleraugu en nú hafi verið
ákveðið að auka þjónustuna á þessu
sviði. Hún segir það vonbrigði að
ekki skuli fást leyfi hjá rekstrar-
félaginu til að selja hefðbundin gler-
augu í verslun fyrirtækisins í Kringl-
unni og hefur þessari ákvörðun verið
harðlega mótmælt. „Í samþykktum
rekstrarfélags Kringlunnar kemur
fram að einstakir aðilar mega ekki
fara út fyrir skilgreint svið í smásölu
og við erum skilgreind sem lyfsölu-
fyrirtæki,“ segir Hrund. „Við bent-
um þó á að erlendis þekkist það að
umgjarðir og gleraugu séu hluti af
vöruvali, t.d. í Boots. Þetta er líka
náskylt að mörgu leyti. Inn til okkar
kemur fólk með lyfseðla og vanda-
mál tengd augnsjúkdómum og því
finnst okkur eðlileg þróun að fara út
í gleraugnasölu. En rekstrarfélagið
féllst ekki á þau rök.“
Mega ekki selja gler-
augu í Kringlunni
VIÐ húsleit lögreglu í Árnessýslu á
sveitabæ þar í sýslu í gær fundust
um 120 g af maríjúana. Karlmaður
á sextugsaldri var handtekinn og
viðurkenndi að eiga efnið. Það
hefði verið ætlað til eigin neyslu.
Einnig kom upp fíkniefnamál í
gær er fangaverðir á Litla-Hrauni
fundu u.þ.b. 20 g af hassi. Þetta er
fimmta fíkniefnamálið sem kemur
upp í fangelsinu á nokkrum dögum,
segir í tilkynningu frá rannsóknar-
deild lögreglunnar á Selfossi.
Fíkniefni á
sveitabæ