Morgunblaðið - 12.11.2004, Síða 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 12. NÓVEMBER 2004 VERÐ Í LAUSASÖLU 220 KR. MEÐ VSK.
SÖNGVARINN og leikarinn Harry Bela-
fonte kemur til Íslands í næstu viku í til-
efni af 15 ára afmæli Barnasáttmála SÞ og
heimsforeldraátaki UNICEF Ísland en
Harry Belafonte er einn af virkustu vel-
gjörðarsendiherrum UNICEF.
Í tilkynningu UNICEF Ísland segir að á
meðan á Íslandsdvöl Harry Belafonte
standi muni hann m.a. opna ljós-
myndasýningu um UNICEF í Smáralind-
inni á afmæli Barnasáttmálans.
Harry Bela-
fonte kemur í
næstu viku
DAVÍÐ Oddsson utanríkisráðherra sagði á Al-
þingi í gær að hann hygðist m.a. ræða um það við
Colin Powell, utanríkisráðherra Bandaríkjanna, í
Washington í næstu viku, hvernig Íslendingar
geti tekið meiri þátt í kostnaði við rekstur Kefla-
víkurflugvallar. Eins og fram hefur komið fer
fundur Davíðs og Powells fram hinn 16. nóvem-
ber nk. og verður þar rætt um varnarsamstarf
ríkjanna og framtíð þess.
„Það er meginskylda stjórnvalda fullvalda rík-
is að tryggja öryggi og varnir lands og þjóðar,“
sagði Davíð í ræðu sinni. „Þetta liggur til grund-
vallar af Íslands hálfu í væntanlegum viðræðum
við Bandaríkjamenn um varnarmálin. Þær fara
fram í samhengi við heildarendurskoðun banda-
ríska varnarmálaráðuneytisins á herstyrk
Bandaríkjanna erlendis. Íslensk stjórnvöld hafa
ekki hreyft neinum andmælum við eðlilegri að-
lögun varnarliðsins að breyttum aðstæðum, sem
hefur frá lokum kalda stríðsins falið í sér veru-
legan samdrátt í búnaði og fækkun liðsmanna.
Hins vegar hefur verið lögð rík áhersla á að hér á
landi þurfi að vera varnarviðbúnaður eins og í öll-
um okkar bandalags- og nágrannaríkjum.
Jafnframt er ljóst að mikill vöxtur hefur orðið í
farþegaflugi um Keflavíkurflugvöll sem veldur
því að stjórnvöld eru reiðubúin að semja um það
við Bandaríkjamenn hvernig Íslendingar geti
tekið meiri þátt í kostnaði við rekstur hans. Það
verður á meðal þess sem ég hyggst ræða við Col-
in Powell, utanríkisráðherra Bandaríkjanna, í
Washington 16. nóvember næstkomandi. Til-
gangur þess fundar, sem er haldinn í framhaldi af
fundi mínum með Bandaríkjaforseta í júlí síðast-
liðnum, er að koma viðræðum í fastan farveg og
eyða óvissu sem uppi hefur verið um framtíð
varnarliðsins.“
Davíð Oddsson utanríkisráðherra um viðræðurnar við Colin Powell
Viðræðum um varnarmál
verði komið í fastan farveg
 Þjálfa/10
HÉRAÐSDÓMUR Reykjavíkur
dæmdi í gær þrjá menn til að greiða
konu samtals 1,1 milljón króna í
miskabætur fyrir að hafa framið
ólögmæta meingerð gegn henni og
æru hennar. Konan kærði þá fyrir
nauðgun en lögreglan í Reykjavík og
ríkissaksóknari höfðu fellt málið nið-
ur og dómsmálaráðherra hafnað því
að fella ákvörðun ríkissaksóknara úr
gildi. Sambærilegur dómur mun ekki
hafa fallið áður. Dómnum verður
áfrýjað til Hæstaréttar
Mennirnir voru hvorki ákærðir né
dæmdir fyrir nauðgun en voru engu
að síður dæmdir til að greiða konunni
miskabætur eftir að hún höfðaði sjálf
skaðabótamál gegn þeim. Hún fór
einnig í mál við ríkið þar sem hún
taldi að rannsókn lögreglu hefði verið
verulega áfátt en ríkið var sýknað
vegna þess að ekki hefði myndast
réttarsamband milli hennar og ríkis-
ins.
Mótmælti ekki
Konan hélt því fram að þegar hún
og einn mannanna voru ein í herbergi
á heimili eins þeirra hefði hann tekið
hana kverkataki en sleppt því síðan
og beðið sig afsökunar. Síðan hefði
hann skipað henni að afklæðast og
hún ekki þorað að mótmæla af ótta
við líkamsmeiðingar og reynt að
leyna því að hún væri hrædd. Mað-
urinn neitaði því að hafa beitt ofbeldi
og sagði að samfarirnar hefðu hafist
með eðlilegum hætti. Hann hefði síð-
an kallað á annan mannanna í því
skyni að hann tæki þátt í kynmök-
unum. Báðir komu þó inn og áttu við
hana kynmök. Hinir mennirnir tveir
sögðu að þeir hefðu engar hótanir eða
háreysti heyrt, en maðurinn hefði
reiðst seinna þegar konan neitaði
honum um frekari kynmök, eftir að
hin meinta nauðgun átti sér stað.
Af hálfu konunnar var því haldið
fram að mennirnir hefðu allir nauðg-
að henni. Konan hefði verið hrædd
um líf sitt og því metið aðstæður
þannig, eins og konum væri ráðlagt
að gera, að berjast ekki á móti. Menn-
irnir hefðu ekki mátt líta svo á að kon-
an væri samþykk og að öllum mætti
vera það ljóst að til þess að kynmök,
af því tagi sem hér um ræði gætu tal-
ist eðlileg yrði ótvírætt samþykki að
liggja fyrir.
Lögmaður mannanna hélt því
fram, í samræmi við framburð
þeirra, að samfarirnar hefðu farið
fram með fullu samþykki konunnar.
Hún hefði ekki á nokkurn hátt streist
á móti heldur sýnt fullt samþykki til
kynmakanna í vilja og í verki. Menn-
irnir hefðu aldrei orðið varir við
neinn ótta hjá henni og hún auðveld-
lega getað neitað kynmökum ef
henni sýndist svo. Við rannsókn á lík-
ama hennar hefðu engin merki verið
um að henni hefði verið þröngvað til
kynmaka. Kynlíf færi fram með lík-
amlegri tjáningu, án orðræðna, og
ekki væri með nokkru móti hægt að
fallast á að sérstakt samþykki þyrfti
að liggja fyrir áður en samræði hæf-
ist, væri vilji sýndur í verki.
Í niðurstöðum dómsins segir að
ekki sé hægt að líta svo á að upphaf
samfaranna hafi verið afleiðing of-
beldis. Þá kynni að vera að kynmök
fleiri en tveggja á sama tíma gætu
talist eðlilegur þáttur í kynlífi. Hvað
sem því liði yrði ekki öðruvísi litið á,
eins og atvikum og atburðarás væri
háttað, en mennirnir hefðu með að-
förum sínum framið ólögmæta mein-
gerð gegn konunni. Fram kom að hún
varð fyrir andlegu áfalli við verknað-
inn. Friðgeir Björnsson kvað upp
dóminn, Hulda Rós Rúriksdóttir hdl.
flutti málið fyrir konuna og Guð-
mundur B. Ólafsson hdl. fyrir hönd
mannanna.
Þrír karlmenn dæmdir í héraðsdómi til að greiða konu miskabætur sem sakaði þá um hópnauðgun
Ekki ákærðir en dæmdir til að greiða bætur
HVERT sæti var setið á tón-
leikum bresku tónlistarkonunnar
Marianne Faithfull í gærkvöldi,
en þetta voru fyrstu tónleikar
þessarar kunnu söngkonu hér á
landi. Mjög góð stemning mynd-
aðist á tónleikunum þar sem
Faithfull flutti mörg af sínum
þekktustu lögum.
Morgunblaðið/Kristinn
Góð stemning hjá Marianne Faithfull
Sjálfs-
afgreiðslu-
hótel í
Hafnarfirði
FYRIRHUGAÐ er að reisa sjálfsaf-
greiðsluhótel við Vallahverfi í Hafn-
arfirði, skammt frá Reykjanesbraut.
Yrði það hið fyrsta sinnar tegundar á
Íslandi. Að hugmyndinni standa inn-
lendir aðilar í samvinnu við aðila í
ferðaþjónustu í Sviss og Þýskalandi,
en Reynimelur ehf. hefur fengið út-
hlutaða lóð við Vellina í Hafnarfirði.
Hótelið yrði hluti af frönsku Etap-
hótelkeðjunni sem er með 311 hótel
víðs vegar í Evrópu.
Einfalt og ódýrt
Að sögn fulltrúa Reynimels ehf. er
fyrirhuguð hótelbygging á þremur
hæðum, 2.766 fermetrar að stærð
með um 120 herbergjum, flestum
tveggja manna. Herbergin verða öll í
smærri kantinum eða um 10 fermetr-
ar að stærð og miðast allt hótelskipu-
lag að því að hafa alla þætti þess sem
einfaldasta og ódýrasta. Starfsmönn-
um verður haldið í lágmarki og við-
skiptavinir hótelsins sjá alfarið um að
bóka herbergi og greiða fyrir þau.
Að sögn fulltrúa Reynimels ehf. er
vonast til þess að farið verði í fram-
kvæmdir í byrjun næsta árs og að það
verði opnað um áramótin 2005/06 ef
allt gengur að óskum. Telur hann að
hótelið muni styrkja mjög ferðaþjón-
ustuna í Hafnarfirði.
 Mun styrkja/22
Sturla Böðvarsson
samgönguráðherra
Einsýnt að
leggja veg um
Arnkötludal
STURLA Böðvarsson samgönguráðherra
segist telja það einsýnt að leggja eigi veg
um Arnkötludal á Vestfjörðum og tengja
þannig saman Strandirnar, Reykhólahrepp
og Dalina. Vegurinn muni efla svæðin og
styrkja en heimamenn og þingmenn kjör-
dæmisins þurfi að koma sér saman um það í
vetur hvort farið verði fyrst í Arnkötludal
eða vegagerð í Mjóafirði.
Sturla segir fullgild rök jafnframt vera
fyrir því að með tilliti til vetrarumferðar sé
hagstæðara að byrja á vegi yfir Mjóafjörð
og bæta þar með leiðina um Ísafjarðardjúp.
Um aðrar vegabætur á Vestfjörðum segir
Sturla að jarðgöng milli Arnarfjarðar og
Dýrafjarðar séu næst á dagskrá á eftir
Héðinsfjarðargöngum.
 Stærstu/11
♦♦♦