Morgunblaðið - 15.04.2005, Blaðsíða 14

14 FÖSTUDAGUR 15. APRÍL 2005 MORGUNBLAÐIÐ
FRÉTTIR
HEILDARAFLI íslenskra skipa í
nýliðnum marsmánuði var tæplega
212.800 tonn sem er rúmum 52.100
tonnum minni afli en í marsmánuði
2004 en þá veiddust rúm 264.900
tonn. Mestu munar um minni loðnu-
veiðar. Milli marsmánaða 2004 og
2005 dróst verðmæti fiskaflans sam-
an, á föstu verðlagi ársins 2003, um
11,8% en það sem af er árinu jókst
það um 4% miðað við árið 2004, sam-
kvæmt frétt frá Hagstofu Íslands
Botnfiskafli var um 60.200 tonn
samanborið við tæp 61.800 tonn í
marsmánuði 2004 og dróst því saman
um tæplega 1.600 tonn milli ára.
Þorskafli var 28.200 tonn en 34.500
tonn bárust á land í marsmánuði 2004
og er það samdráttur upp á rúm
6.300 tonn. Af ýsu veiddust 11.700
tonn og er það rúmra 1.500 tonna
aukning frá fyrra ári. Ufsaafli var
rúm 5.300 tonn sem er nánast óbreytt
aflamagn frá fyrra ári. Karfaafli var
tæp 9.900 tonn sem er tæplega 2.700
tonnum meiri afli en í mars árið áður.
Flatfiskafli var 2.500 tonn og dróst
saman um rúm 700 tonn frá mars-
mánuði 2004. Mestur var skarkolaafli
eða 850 tonn og hafði aukist frá fyrra
ári um 100 tonn. Hins vegar dróst
grálúðuaflinn saman milli ára um
tæp 600 tonn, en rúmlega 700 tonn-
um var landað af grálúðu í mars 2005
miðað við rúm 1.300 tonn árið áður.
Töluverður samdráttur var einnig í
skrápflúruafla en tæpum 300 tonnum
var landað í marsmánuði 2005 og er
samdrátturinn tæp 400 tonn frá fyrra
ári.
Af loðnu veiddust 145.100 tonn en í
marsmánuði 2004 var loðnuaflinn
193.500 tonn og nemur samdráttur-
inn 48.400 tonnum. Engin síld barst á
land í marsmánuði en kolmunnaveiði
hófst og nam aflinn rúmum 4.100
tonnum sem er tæplega 300 tonnum
meira en í marsmánuði 2004.
Skel- og krabbadýraafli í mars-
mánuði var rúm 800 tonn samanborið
við rúmlega 2.400 tonna afla í sama
mánuði 2004. Skel- og krabbadýra-
aflinn samanstóð að mestu af rækju
en rækjuaflinn dróst saman um tæp
1.600 tonn frá fyrra ári. Um 9 tonnum
hefur verið landað af humri saman-
borið við 25 tonn í marsmánuði 2004.
Aukning á árinu
Heildarafli íslenskra skipa á fyrstu
þremur mánuðum ársins 2005 var
tæp 750.300 tonn og var það tæplega
109.800 tonnum meiri afli en á sama
tímabili 2004. Botnfiskafli var
143.900 tonn sem er tæpum 9.300
tonnum meiri afli en á fyrra ári.
Þorskaflinn var 70.900 tonn og dróst
saman um tæp 2.700 tonn. Ýsuaflinn
var 29.400 tonn sem er aukning um
rúm 4.900 tonn og þá var ufsaaflinn
tæp 14.700 tonn sem var 2.600 tonn-
um meiri afli en fyrstu þrjá mánuði
ársins 2004. Flatfiskaflinn var 5.400
tonn, þar af voru rúm 2.000 tonn af
grálúðu, 1.500 tonn af skarkola og
tæp 500 tonn af skrápflúru.
Loðnuaflinn nam 593.900 tonnum
sem er aukning í magni um 113.800
tonn.
Skel- og krabbadýraaflinn var tæp
1.000 tonn samanborið við 5.400
tonna afla á sama tímabili 2004.
Mestu munar um 3.200 tonna sam-
drátt í rækjuafla auk þess sem eng-
inn kúfiskur barst á land fyrstu þrjá
mánuði ársins en tæp 1.300 tonn
höfðu borist á land á sama tíma árið
2004.

 

  
  


    

 

   
  


 



   



 
 

   

 



 
  

 
         
Minni afli í
marsmánuði FISKISTOFA svipti fjóra báta veiði-
leyfi í marzmánuði síðastliðnum.
Einnig var eitt fyrirtæki og einn
fiskmarkaður svipt leyfi til vigtunar
á afla.
Ólafur Bjarnason BA var sviptur
leyfi 31. marz vegna veiða umfram
aflaheimildir. Leyfið fékk hann að
nýju 4. apríl eftir að aflamarksstaða
bátsins hafði verið lagfærð. Björg I
NS var svipt veiðileyfi sama dag af
sömu sökum, en báturinn fékk leyfið
að nýju samdægurs eftir að afla-
marksstaða hans hafði verið lag-
færð. Kópur BA var sviptur leyfi til
veiða í tvær vikur seinnihluta marz-
mánaðar þar sem undirmálsafli var
yfir stærðarmörkum. Kalli í Höfða
ÞH var svipur veiðileyfi í tvær vikur
af sömu sökum og gildir sviptingin
seinni hluta aprílmánaðar.
Þá afturkallaði Fiskistofa endur-
vigtunarleyfi Fiskmarkaðs Flat-
eyrar ótímabundið frá og með 1. apr-
íl, þar sem skilyrði um meðferð afla
voru ekki uppfyllt. Fiskistofa aft-
urkallaði einnig heimavigtunarleyfi
Vísis hf. á Djúpavogi ótímabundið
frá og með 15. apríl vegna brota
gegn reglum um vigtun sjávarafla.
Fjórir
bátar sviptir
veiðileyfi
EFTIRFARANDI yfirlýsing hefur
borist Morgunblaðinu frá lyfjafræð-
ingunum hjá Lyfjaþjónustu Land-
spítala – háskólasjúkrahúss og er fyr-
irsögnin þeirra:
„Eins og kunnugt er sendu lyfja-
fræðingar á LSH frá sér yfirlýsingu
þann 5.apríl sl. Yfirlýsing sú sem
barst frá forstjóra LSH þann 7. apríl
er til þess fallin að valda misskilningi
og sjá lyfjafræðingar á LSH sér ekki
annað fært en að svara.
Forstjóri byrjar á því að lýsa þrí-
skiptingu lyfjaþjónustu og
kemur þar fram að hann
virðist líta svo á að einungis
apóteksdeildin teljist vera
sjúkrahúsapótek en skv.
lyfjalögum fellur starfsemi
allra eininganna þriggja
undir hugtakið sjúkra-
húsapótek sbr; 37. grein
lyfjalaga:
„Á sjúkrahúsum er
heimilt að starfrækja sér-
stök sjúkrahússapótek sem
hafa umsjón með og bera
ábyrgð á öflun og varð-
veislu lyfja og eftirliti með notkun
þeirra á einstökum deildum. Rekstur
sjúkrahússapóteks skal vera fjár-
hagslega aðskilinn frá öðrum rekstri
sjúkrahússins. Yfirlyfjafræðingur er
forstöðumaður sjúkrahússapóteks og
skal ráðinn af viðkomandi sjúkra-
hússstjórn. Stjórn sjúkrahúss er
heimilt að leita útboða um rekstur
sjúkrahússapóteks sem veitir þá
þjónustu sem um ræðir í þessum
kafla enda uppfylli reksturinn öll önn-
ur skilyrði laganna um starfsemi og
rekstur lyfjabúða.“
Sbr. einnig 3. grein reglugerðar um
val, geymslu og meðferð lyfja á
sjúkrahúsum og öðrum heilbrigðis-
stofnunum:
„Hlutverk sjúkrahússapóteks er að
hafa umsjón með og bera ábyrgð á
öflun og varðveislu lyfja, dreifingu og
eftirliti með notkun þeirra á ein-
stökum deildum, sbr. ákvæði XIV.
kafla lyfjalaga nr. 93/1994 með síðari
breytingum. Hlutverk sjúkrahúss-
apóteks er jafnframt að stuðla að
skynsamlegri notkun lyfja með þátt-
töku í starfi lyfjanefndar sjúkrahúss-
ins, gerð lyfjalista, klínískra leiðbein-
inga, faglegri upplýsingamiðlun og
hagkvæmum innkaupum á lyfjum.“
Í yfirlýsingunni virðist forstjóri
draga þá ályktun að með frávísun hafi
Héraðsdómur Reykjavíkur fellt dóm í
máli Lyfjafræðingafélags Íslands
gegn LSH á síðasta ári. Héraðsdóm-
ur taldi LFÍ ekki hafa lögvarða hags-
muni í málinu og vísaði málinu frá á
þeim forsendum. Hann tók því ekki
afstöðu til þess hvort hið kærða væri
löglegt eða ekki. Enginn dómur hefur
því fallið LSH í vil.
Forstjóri telur stefnunefnd HÍ
hafa samþykkt nafnbreytinguna úr
Lyfjasviði yfir í Lyfjaþjónustu. Ekki
er að sjá af fundargerðum stefnu-
nefndar að svo hafi verið, einungis að
nefndinni hafi verið sagt frá nafn-
breytingunni, samanber fundargerð
frá 1. október 2004, þar sem segir:
„JMG kynnir fyrirhugaðar breyting-
ar á skipuriti núverandi lyfjasviðs
LSH, sem heita mun lyfjaþjónusta
LSH, og nýtt starfsheiti yfirmanns
lyfjaþjónustunnar“ og fundargerð frá
15. október 2004, þar sem segir:
„Kynntar frekari hugmyndir varð-
andi skipulag lyfjaþjónustu á LSH.“ Í
hvorugri fundargerðinni kemur neitt
fram um að stefnunefndin hafi sam-
þykkt það sem henni var kynnt varð-
andi þetta málefni.
Ennfremur gefur forstjórinn í skyn
að Lyfjastofnun hafi samþykkt nú-
verandi fyrirkomulag. Fyrirspurn til
Lyfjastofnunar leiddi í ljós að málið
er enn til meðferðar hjá stofnuninni.
Við stöndum enn við okkar fyrri
orð og skorum á stjórnvöld að leysa
málefni sjúkrahúsapóteksins í sam-
ræmi við landslög.“
Undir yfirlýsinguna skrifa þau:
Anna Ingibjörg Gunnarsdóttir, Elín
I. Jacobsen, Ellert Ág. Magnússon,
Guðrún Indriðadóttir, Hulda Harðar-
dóttir, Ingibjörg Gunnþórsdóttir,
Kristján Linnet, Kristín Ingvarsdótt-
ir, Kristín Loftsdóttir, Sigrún Valdi-
marsdóttir, Smári Björgvinsson, Þór-
ir Benediktsson og Þórunn K.
Guðmundsdóttir.
Hafa skal það sem
sannara reynist
Morgunblaðið/Þorkell
ÚR VERINU
á morgun

Auðvitað er erfitt fyrir
listamenn að benda á einhvern einn
sem hefur haft afgerandi mest
áhrif á þá en það er samt verkefnið
sem Lesbók hefur lagt fyrir rúmlega
þrjátíu listamenn; rithöfunda,
myndlistarmenn, tónskáld og
kvikmyndagerðarmenn.
Bara
einn? SÁTT náðist í fyrrakvöld milli sveit-
arstjórnarfulltrúa og nefndarmanna
Sjálfstæðisflokksins í Sveitarfélaginu
Skagafirði. Hélt meirihluti sjálfstæð-
ismanna og vinstri grænna því velli á
sveitarstjórnarfundi í gær.
Eins og fram hefur komið lýsti
Bjarni Maronsson, Sjálfstæðisflokki,
því yfir að algjör trúnaðarbrestur
væri orðinn milli hans og Gísla Gunn-
arssonar, oddvita listans, eftir að Gísli
úrskurðaði að Bjarni skyldi víkja af
fundi skipulags- og byggingarnefndar
þar sem Villinganesvirkjun var til um-
ræðu vegna tengsla Bjarna við Norð-
lenska orku ehf. Var um tíma allt útlit
fyrir að meirihluti Sjálfstæðisflokks
og Vinstrihreyfingarinnar – græns
framboðs í sveitarstjórn væri fallinn.
Eftir sættirnar í fyrrakvöld gáfu
Gísli og Bjarni hins vegar út eftirfar-
andi yfirlýsingu: „Í framhaldi af fundi
sveitarstjórnar Skagafjarðar sem
haldinn var fimmtudaginn 31. mars
2005 og bréfi Bjarna Maronssonar til
Gísla Gunnarssonar forseta sveitar-
stjórnar Skagafjarðar, dags. 2. apríl
sl., vilja undirritaðir koma eftirfarandi
á framfæri.
Vegna afgreiðslu á dagskrárlið nr. 1
í fundargerð Skipulags- og bygginga-
nefndar á fyrrnefndum fundi er það
sameiginlegur skilningur okkar að
hæfi Bjarna Maronssonar hafi orkað
mjög tvímælis. Forseta bar jafnframt,
undir þessum kringumstæðum, að
leggja hæfi Bjarna í dóm fundarins. Í
ljósi þess að undirritaðir hafa náð
sameiginlegum skilningi á ofan-
greindum atriðum munum við starfa
áfram, með gagnkvæmu trausti, að
stjórnun Sveitarfélagsins Skagafjarð-
ar.“
„Skemmtunin heldur áfram“
Sveitarstjórn kom saman til fundar
í gær. Minnihluti lagði fram tillögu um
vantraust á forseta sveitarstjórnar,
Gísla Gunnarsson, en hún var felld.
Lögðu framsóknarmenn fram bókun,
þar sem sagði m.a.
„Enn hefur þörf meirihlutans fyrir
völd og embætti orðið hagsmunum
sveitarfélagsins yfirsterkari. Revía
meirihluta sveitarstjórnar í Sveitarfé-
laginu Skagafirði er landsmönnum
kunn og ljóst að skemmtunin mun
halda áfram. “
Sveitarstjórn Sveitar-
félagsins Skagafjarðar
Meirihluta
borgið
eftir sættir