Morgunblaðið - 15.04.2005, Blaðsíða 24

24 FÖSTUDAGUR 15. APRÍL 2005 MORGUNBLAÐIÐ
DAGLEGT LÍF
Bestu leiðtogarnir eruþannig að fólkið tekurekki eftir þeim. Næst-bestu leiðtogarnir eru
þannig að fólkið ber virðingu fyrir
þeim. Næstnæstbestu leiðtogarnir
eru þannig að fólkið óttast þá og
næstnæstnæstbestu leiðtogarnir
eru þannig að fólkið hatar þá.
Þegar besti leiðtoginn hefur lokið
störfum segir fólkið: „Við gerðum
þetta sjálf.“
Þetta er meðal þess sem tvö
hundruð konur í Garðabæ hafa
verið að læra af bæjarstjóranum
sínum, Ásdísi Höllu Bragadóttur,
á leiðtoganámskeiði, sem sjálf-
stæðisfélögin í Garðabæ buðu kon-
um 18–40 ára upp á endurgjalds-
laust.
Fjórar ungar sjálfstæðiskonur í
Garðabæ stóðu fyrir námskeiðinu.
Þær sendu persónulegt bréf til
allra kvenna í bænum til að stuðla
að því að ungar konur í bænum
létu að sér kveða í samfélaginu.
Viðbrögðin létu ekki á sér
standa því 200 konur sóttu
námskeiðið og rúmlega 40
konur eru á biðlista, en
upphaflega gerðu skipu-
leggjendurnir ráð fyrir að
30–40 konur myndu skila
sér á námskeiðið.
„Námskeiðið náði yfir
fjögur kvöld, þrjá tíma í
senn. Fyrsta kvöldið talaði
Ásdís Halla um mikilvægi
þess að manneskjan hefði
sýn og setti sér markmið
til að ná þeirri sýn, bæði í
persónulegum efnum sem fag-
legum. Annað kvöldið fjallaði hún
um mismunandi leiðtoga og
tilfinningagreind út frá fræðum D.
Goleman. Bæði kvöldin lagði hún
verkefni fyrir hópinn og nokkrar
konur deildu
niðurstöðum
þessara
verkefna
með stall-
systrum sín-
um. Þrátt
fyrir allan
fjöldann var
lögð mikil áhersla á að
konurnar fengju þjálfun í ræðu-
mennsku í smærri hópum. Kven-
sérfræðingar úr atvinnulífinu hafa
verið fengnir til að miðla af eigin
reynslu. Þórkatla Aðalsteinsdóttir
sálfræðingur fjallaði um samskipti
fólks og mikilvægi þess að setja
sér markmið í einkalífinu, Stein-
unn Jónsdóttir, arkitekt og stjórn-
armaður í Íslandsbanka, Kristín
Helga Gunnarsdóttir rithöfundur
og Lára Jóhannsdóttir, sérfræð-
ingur á sviði gæðamála, greindu
frá því hvernig þær náðu árangri,
hver á sinn hátt. Lokakvöldið var
síðan haldið í gærkvöldi í hátíð-
arsal Fjölbrautaskóla Garðabæjar
þar sem boðið var til veislu og
slegið á létta strengi. Heiðurs-
gestur var Guðfinna Bjarnadóttir,
rektor Háskólans í Reykjavík.
„Við erum alveg svakalega glaðar
með þessa frábæru aðsókn. Það
verður örugglega haldið annað
námskeið til að sinna biðlistanum,
annaðhvort í vor eða haust, og svo
hafa konur yfir fertugt óskað eftir
þátttöku. Svo er spurning hvað við
gerum fyrir karlpeninginn. Við
þurfum að kanna hvort hugur
þeirra beinist í átt að leiðtoga-
námskeiði þótt við stelpurnar
séum þess fullvissar að svona
námskeið myndi henta þeim mjög
vel,“ segir Halldóra Matthías-
dóttir, sem er í undirbúnings-
hópnum ásamt þeim Þorgerði
Önnu Arnardóttur, Sigþrúði Ár-
mann og Sesselju Sigurðardóttur.
Vantar þjóðfélagið kvenleið-
toga?
„Allar konur geta orðið leiðtog-
ar, hver á sínu sviði, sumar inni á
heimilunum, aðrar í námi og enn
aðrar í vinnunni. Ef við horfum á
stóra sviðið eigum við margar
frambærilegar konur, sem við get-
um verið stoltar af. Ég get nefnt
Vigdísi Finnbogadóttur, Rann-
veigu Rist, Ragnhildi Geirsdóttur,
Hildi Peterson, Ásdísi Höllu
Bragadóttur, Þorgerði Katrínu
Gunnarsdóttur, Ragnheiði Rík-
harðsdóttur og margar fleiri. Að
okkar mati má þó alltaf auka hlut
kvenna í samfélaginu. Það er hins
vegar nokkuð sem við viljum ekki
handstýra heldur þarf þörfin og
löngunin að koma frá konum sjálf-
um. Vonandi finna einhverjar kon-
ur á námskeiðinu þörfina til þess
að verða þess konar leiðtogar,
hvort sem er í einkalífi, atvinnulífi
eða stjórnmálum,“ segir Halldóra.
 NÁMSKEIÐ | Tvö hundruð konur í Garðabæ fjölmenntu á leiðtoganámskeið
Morgunblaðið/Sverrir
Skipuleggjendurnir, frá vinstri: Sesselja Sigurðar-
dóttir, Þorgerður Anna Arnardóttir, Sigþrúður Ár-
mann og Halldóra Matthíasdóttir.
Góður leiðtogi virkjar
aðra með sér
Það hefur svo sannarlega verið þétt
setinn salur Tónlistarskólans í Garðabæ
undanfarin kvöld þar sem konur í bænum
hafa verið að læra listina að vera leiðtogi.
Jóhanna Ingvarsdóttir slóst í hópinn.
join@mbl.is
VÍSINDAMENN í Svíþjóð og
Bretlandi þróa nú nýja aðferð til
að meðhöndla sjúklinga með arf-
gengt afbrigði brjóstakrabba-
meins þar sem tvö gen eru sködd-
uð. Niðurstöður dýratilrauna
benda til að ákveðin efni geti
drepið æxlisfrumur og vonir
standa til þess að hægt verði að
þróa lyf sem hægt verði að nota
fyrirbyggjandi, nokkurs konar
bóluefni. Þetta kemur m.a. fram í
Svenska Dagbladet og Göteborgs
Posten, en niðurstöður rannsókn-
anna birtast í vísindatímaritinu
Nature. Einn vísindamannanna,
Thomas Helleday hjá Stokk-
hólmsháskóla, segir í samtali við
GP að aukaverkanir verði líklega
engar og að líkurnar á að aðferðin
virki séu miklar. Nú verði byrjað
að nota bóluefnið í meðferð nokk-
urra kvenna í Bretlandi. Ekki er
um að ræða bóluefni í hefðbundn-
um skilningi en orðið „cancer-
vaccin“ hefur verið notað þar sem
um fyrirbyggjandi meðferð er að
ræða. Um er að ræða efni sem
getur hindrað virkni ensíms að
nafni Parp, að því er fram kemur
á vef SvD. Helleday bendir á að í
meðferðinni felist nýr hugsunar-
háttur í meðhöndlun krabba-
meins og svona meðferð hafi ekki
verið beitt áður. Hann telur að
innan fimm ára verði meðhöndl-
unin orðin algengari innan
heilbrigðiskerfisins. Aðferðin
gengur út á að stöðva vöxt
krabbameinsfrumna. Bóluefnið
fer inn í frumurnar sem geta
þróast í krabbameinsfrumur og
stöðvar þá þróun. Brjósta-
krabbamein er algengasta tegund
krabbameins meðal kvenna en í
GP kemur fram að tíunda hver
kona greinist með brjóstakrabba-
mein á ævinni. Lítið hlutfall
þeirra fær arfgengu tegundina af
brjóstakrabba, eða um 5–10%, en
það eru þær sem geta notið góðs
af nýju meðferðinni. Margar
þeirra kvenna sem vita af því að
þær beri gen sem geta valdið arf-
gengu brjóstakrabbameini hafa
látið taka af sér brjóstin í fyrir-
byggjandi tilgangi, en með nýju
meðferðinni eru líkur til að hægt
verði að binda enda á að heil-
brigður vefur sé skorinn burtu.
Bóluefni gegn
brjóstakrabbameini
 HEILSA
ÞÆR Ragnheiður Ágústsdóttir,
Bergrún Íris Sævarsdóttir og Katr-
ín Stefánsdóttir eru á misjöfnum
aldri, en ákváðu allar að grípa
tækifærið eftir talsverða umhugs-
un yfir boðsbréfinu, sem kom inn
um lúguna einn daginn. Þær segj-
ast svo sannarlega ekki sjá eftir því
að hafa slegist í hópinn enda hefðu
þær fengið bæði fræðslu og
skemmtun út úr námskeiðinu. Það
hefði að sama skapi eflt sjálfs-
traustið, kennt þeim að marka sér
sýn til framtíðar og opnað augu
þeirra fyrir því að allar væru þær
leiðtogar á einn eða annan hátt og
gætu tekið virkan þátt í samfélag-
inu. Þær viðurkenndu þó að erfið-
ast hefði verið að yfirstíga ræðuótt-
ann og líklega hefði boðsbréfið
góða farið rakleiðis í ruslafötuna ef
á það hefði verið minnst að þátttak-
endur þyrftu að skrifa og halda
ræður. „Það var hins vegar leynd-
armál og ekkert á það minnst fyrr
en við vorum mættar.“
Þrátt fyrir svefnleysi og stress
yfir ræðunni þróuðust málin þann-
ig að ræður þessara þriggja
kvenna þóttu það góðar að ástæða
þótti til að flytja þær frammi fyrir
200 kvenna sal, sem þær gerðu
auðvitað með stæl.
Góð fyrirmynd
Ragnheiður, sem er tæplega fer-
tug að aldri, er sjúkraliði að mennt,
en hefur verið heimavinnandi und-
anfarin fimm ár. Hins vegar hafi
hún lengi hugsað sér til hreyfings
þar sem dæturnar tvær séu nú
orðnar vel stálpaðar. „Ég hef hins
vegar alltaf talið úr mér kjarkinn
og fundist ég hvorki tilbúin né haft
trú á sjálfri mér. Á námskeiðinu
lærði ég nauðsyn þess að hafa sýn,
en það hef ég aldrei haft fyrir
sjálfa mig. Það má því segja að
námskeiðið hafi opnað fyrir mér
nýjar víddir og nú er ég harð-
ákveðin í að stefna á heimspeki-
deildina í HÍ í haust. Maður þarf
líka að vera góð fyrirmynd fyrir
dæturnar.“
Ópólitískt og æðislegt
Bergrún Íris Sævarsdóttir, tví-
tug að aldri, er að ljúka námi á list-
námsbraut Fjölbrautaskólans í
Garðabæ og hefur starfað við að-
hlynningu aldraðra á sumrin. „Mér
leist ekkert á þetta í byrjun, hélt að
þetta væri bara fyrir sjálfstæð-
iskonur, en ég er mjög langt frá því
að falla inn í hægrisinnaðan hóp.
Mamma mín tók hins vegar af skar-
ið, hvatti mig til að sækja nám-
skeiðið og skráði mig til leiks.
Hreint út sagt er þetta búið að vera
æðislegt, ópólitískt og hentar öll-
um, sem vilja komast að því hvort
þeir eru leiðtogar eða fylgjendur.
Mínar langanir og þrár hafa
breyst talsvert ört, en núna langar
mig til að læra allt sem fallið getur
undir lista- og sögutengt efni, og
líklega stefni ég á listfræðina í HÍ í
haust.“
Kynni af bæjarstjóra
Katrín Stefánsdóttir er þrítug að
aldri, lærður förðunar- og nagla-
fræðingur, og hefur undanfarin
tæp fjögur ár starfað sem dagfor-
eldri í Garðabæ, en hefur hug á því
að nema hjúkrunarfræði. „Þar sem
ég er aðfluttur Garðbæingur fannst
mér kjörið að nota þetta tækifæri
til þess að kynnast bæjarstjóranum
mínum persónulega og öðrum kon-
um í sama bæjarfélagi. Við lærðum
að sortera markmið okkar í lífinu
auk þess sem námskeiðið þvingaði
okkur til að horfast í augu við það
hvernig við viljum nálgast þessi
markmið. Það var sömuleiðis mikil
áskorun að þurfa að standa og tjá
skoðanir sínar frammi fyrir fullum
sal af fólki, en því miður eru marg-
ar konur svo fatlaðar að þær hafa
hvorki þor né getu til þess.
Bæjarstjórinn okkar opnaði augu
okkar fyrir því að allar værum við
leiðtogar, hver á sínu sviði, og þá
hæfileika gætum við ekki aðeins
nýtt heima, heldur ekki síður á
vettvangi atvinnulífs eða stjórn-
mála. Leiðtogi er hins vegar ekki
stjórnandi. Leiðtogi fær aðra í lið
með sér og virkjar þá til dáða,
leynt eða ljóst.“
Morgunblaðið/Sverrir
Bergrún Íris Sævarsdóttir, Ragnheiður Ágústsdóttir og Katrín Stefánsdóttir.
„Allar erum við leiðtogar“