Fréttablaðið - 13.12.2006, Page 18

18 13. desember 2006 MIÐVIKUDAGUR
HEILBRIGÐISMÁL Á næstu dögum
verður tekin í notkun skammtíma­
vistun fyrir fatlaða einstaklinga í
Garði og næsta sumar fá sex
einstaklingar búsetuúrræði með
sólarhringsþjónustu í Njarðvík.
Þetta kemur fram í viðtali við
Sigríði Daníelsdóttur, sviðsstjóra
þjónustusviðs Svæðisskrifstofu
málefna fatlaðra á Reykjanesi.
Þórdís Þormóðsdóttir, foreldra­
ráðgjafi Þroskahjálpar á Suður­
nesjum, sem rætt var við í Frétta­
blaðinu fyrir skömmu segir
ófremdarástand ríkja í mála­
flokknum og bráða þörf á nýjum
búsetuúrræðum. Þórdís segir
fjölda einstaklinga bíða búsetu­
úrræða en að þeir séu í
mismikilli þörf.
Sigríður segir ellefu
einstaklinga á Suður­
nesjum bíða eftir búsetu­
úrræðum, þar af einn í
bráðri þörf, en mál hans
verður leyst á næstu
vikum.
Sigríður segir að
fjórir einstaklingar hafi
fengið búsetu annars
staðar á síðustu árum,
þar af tveir fyrir utan
fjórðunginn. „Þessir ein­
staklingar voru fluttir til
fólks sem það þekkti til
og ég veit að þessu fólki
líður vel og er þar að
eigin ósk. Þá bauðst
tveimur börnum
búseta á höfuðborgar­
svæðinu, annað þess­
ara barna var reyndar
í skóla í Reykjavík og
því urðu ekki miklar
breytingar á högum
þess hvað þann þátt
varðaði.“
Sigríður segist sjá
framþróun í búsetu­
úrræðum fatlaðra á
Suðurnesjum og að
reynt sé að finna
hverjum og einum
lausn við hæfi. - hs
Nokkur uppbygging er fyrirhuguð í búsetumálum fatlaðra á Suðurnesjum:
Aðeins einn í bráðri þörf
sigríður daníels-
dóttir Á næstu dögum
verður tekin í notkun
skammtímavistun fyrir
fatlaða einstaklinga í
Garði.
BoRGARMInjAR Nokkrar vatns­
skemmdir urðu þegar rör fraus og
sprakk í Gröndalshúsi við Vestur­
götu fyrir skömmu. Húsið er illa
einangrað og þrátt fyrir upphitun
gaf einn ofninn sig í kuldakastinu.
Hjörleifur Stefánsson, arkitekt og
ráðgjafi Árbæjarsafns, segir
skemmdirnar litlar og minni en
þær hefðu getað orðið. Smiður á
hans vegum hafi komið að húsinu
um morguninn og var samstundis
kallaður út hópur manna til að
stöðva flauminn og þurrka upp.
Húsið sé annars vaktað daglega og
í því virkt öryggiskerfi.
Gröndalshús var reist árið 1882
og er sögufrægt fyrir þær sakir að
þar bjó Benedikt Gröndal skáld
frá árinu 1888 og til dauðadags,
annan ágúst 1907. Húsið er og sér­
kennilegt í laginu, tvílyft að fram­
an en bakhliðin er einnar hæðar.
Hjá Húsafriðunarnefnd ríkisins
er til skoðunar að friða húsið.
Stjórn Árbæjarsafns hefur
lengi viljað fá Gröndalshús flutt í
Árbæinn og verður það gert innan
skamms. Þetta hefur vakið nokkrar
deilur um húsavernd almennt og
hvort gömlum húsum sé betur
komið í Árbænum eða í uppruna­
legu umhverfi sínu. - kóþ
Rör sprakk í fornfrægu húsi við Vesturgötuna:
Vatnsskemmdir í Gröndalshúsi
gröndalshús Eins og sjá má er húsið sérkennilegt í laginu, en það hefur ekki tekið
miklum breytingum síðan á nítjándu öld. Fréttablaðið/ÓþEkktur
LÖGREGLUMÁL Skemmdarvargur
braut átta rúður í Hveragerði í
gærmorgun. Braut hann rúður í
þjónustuhúsinu við tjaldstæðið, í
grunnskólanum og í upplýsinga-
miðstöð við hverasvæðið.
Að sögn lögreglunnar mun
maðurinn líklega hafa notað
einhvers konar barefli þegar
hann braut rúðurnar því engir
steinar fundust á vettvangi. - ifv
Skemmdir í Hveragerði:
Braut átta rúð-
ur með barefli
Áminning fyrir vínauglýsingu
Fjölskylduráð Hafnarfjarðar vill að
bæjarstjórn áminni Sportarann við
Flatahraun fyrir áfengisauglýsingu
í Víkurfréttum. þetta á að kynna
ritstjóra Víkurfrétta og upplýsa
hann jafnframt um forvarnarstefnu
bæjarins.
hafnarfjörður
GEÐHjÁLP Geðhjálp hefur stofnað
deildir víðs vegar um land fyrir
hluta þess fjár sem safnaðist í
söfnun Kiwanishreyfingarinnar
haustið 2004. Trúnaðarmenn
Geðhjálpar á landsbyggðinni hófu
störf í byrjun árs 2006 og munu
þessir sömu trúnaðarmenn koma
til með að fara fyrir deildum
Geðhjálpar hver á sínu svæði til
að byrja með.
Stefnt er að því að hluti þess
fjármagns sem safnast í átaki
Sparisjóðanna „Þú gefur styrk“
gangi til verkefnisins og þá
sérstaklega til ungs fólk sem
rekist hefur illa í kerfinu eða
týnst. - hs
Starfsemi Geðhjálpar:
Deildir á lands-
byggðinni
DAnMÖRK Sífellt fleiri Danir á
aldrinum 18 til 24 ára láta lífið á
götum Danmerkur og í Politiken
um helgina kölluðu sérfræðingar
eftir því að ökunám þar í landi
yrði hert til muna.
Ný rannsókn sýnir að ungir
ökumenn falla yfirleitt í annan af
tveimur hópum – varfærnir
ökumenn annars vegar og þeir
sem taka áhættu hins vegar. Bíða
hinir síðarnefndu oftar bana í
umferðarslysum, segir í niður-
stöðum rannsóknarinnar. Hinir
fyrrnefndu eru oftar menntskæl-
ingar, en hinir síðarnefndu eru
gjarnan atvinnulausir, í iðnnámi
eða í danska hernum.
Alls hafa 63 Danir í þessum
aldurshópi farist í umferðinni í
ár, þar af sjö þeirra síðastliðinn
föstudag.
- smk
Danir um umferðarslys:
Herða ber regl-
ur um ökunám
fagna dauða Pinochets þúsundir
andstæðinga fyrrverandi einræðis-
herrans í Chile, augustos Pinochet,
fögnuðu andláti hans í miðborg
Santiago í gær. þessir mættu á staðinn
með líkkistu sem þeir báru um bæinn.
Fréttablaðið/aP