Fréttablaðið - 13.12.2006, Qupperneq 22

13. desember 2006 MIÐVIKUDAGUR22
Þvottur til Þerris Grasbalinn þessi var áður botn Viktoríuvatns, en nú eru bátar
dregnir þar á land og þvottur lagður til þerris. fréttablaðið/aP
ÚGAnDA, AP Fiskimenn við Viktoríu-
vatn í Afríku hafa heldur betur
orðið varir við þær miklu breyting-
ar sem orðið hafa á vatninu á síð-
ustu árum. Yfirborðið hefur lækkað
svo hratt að fólki er hætt að lítast á
blikuna.
Þar sem áður var hægt að sigla
bátum og jafnvel skipum að
bryggju þurfa menn nú að fara út í
vatnið til að draga bátana að landi,
og stór landflæmi eru hreinlega
komin á þurrt. Viktoríuvatn er lang-
stærsta stöðuvatn í Afríku, rúmlega
69 þúsund ferkílómetrar að flatar-
máli, eða álíka stórt og Írland. Yfir-
borð vatnsins hefur lækkað hratt á
síðustu misserum, eða tæpa tvo
metra á síðustu þremur árum.
Vatnsyfirborðið hafði auk þess nú í
ár lækkað um meira en sentimetra
á dag allt þar til rigningartíminn í
nóvember bætti þar nokkuð úr.
Partur af vandamálinu er reynd-
ar tvær stíflur, sem reistar hafa
verið við borgina Jinja til raforku-
framleiðslu. Ríkisstjórn landsins
segir þessar tvær stíflur þó aðeins
vera örlítinn hluta vandans, en
umhverfissinnar halda því fram að
þær séu helmingur vandans.
Hinn helmingur vandans, eða
rúmlega það, er þó langvarandi
þurrkar og hækkandi hiti sem veld-
ur því að vatn fer þverrandi víða í
þessum frjósama hluta álfunnar.
Þarna eru fjölmörg vötn og öll
eru þau undir sömu örlög seld og
Viktoríuvatn. Þau hafa minnkað
hratt síðustu árin, en versta dæmið
er Tsjad-vatn sem til skamms tíma
var sjötta stærsta stöðuvatn heims.
Flatarmál þess er nú aðeins tvö
prósent af því sem þá var. Tsjad-
vatn hefur reyndar aldrei verið
djúpt, aðeins um sjö metrar, og
þess vegna hefur það minnkað
svona hratt.
Nú er svo komið að margir eru
farnir að óttast um Nílarfljót, sem
sækir vatnsforða sinn að stórum
hluta í Viktoríuvatn og fleiri vötn
þar í kring. Nílarfljótið er lífæð
bæði Egyptalands og Súdans og
erfitt að hugsa það til enda hvers
konar breytingar yrðu á lífi fólks í
þessum löndum ef fljótið mikla
yrði þegar fram líða stundir ekki
nema svipur hjá sjón.
- gb
Bátnum ýtt að Bryggju Yfirborð Viktoríuvatns hefur lækkað það mikið að nú þurfa
fiskimennirnir að stíga út í vatnið og ýta bátunum að bryggju, þar sem áður var hægt
að sigla þeim að án nokkurra vandkvæða. fréttablaðið/aP
Viktoríuvatn hefur minnkað hratt síðustu árin
Fiskvinnsla við viktoríuvatn Hausar, bein og annar úrgangur úr fiskunum er lagður til þerris í sólinni, en þetta er síðan selt til Kongó til prótínvinnslu. Gammarnir fá líka sinn skerf. fréttablaðið/aP
Pöntunarsími
555 7676