Fréttablaðið - 13.12.2006, Síða 46

MARKAÐURINN 13. desember 2006 mIÐVIKUdAGUr8
f r é t t a s k y r i n g
200%
150%
100%
50%
0%
-50%
-100%
fL Bakk Lais sfs B gLB tM iCEQ strB kaUP aCt MarL nyHr Ossr Vnst atOr 365 a ig fLaga
155,0% 150,4% 124,4% 118,4% 109,7% 92,1% 89,6% 87,8% 87,7% 72,8% 59,6% 58,6% 48,7% 26,8% 18,6% 7,5% 4,7% -9,0% -59,3%
Á V ö x t U n i C E Q f r Á s t O f n U n í s a M a n B U r ð i V i ð ö n n U r f é L ö g Á M a r k a ð n U M a ð t E k n U t i L L i t i t i L a r ð g r E i ð s L n a
Heimild: Eignastýring Kaupþings
Á morgun fagnar ICEQ, eini íslenski kaup-
hallarsjóðurinn, tveggja ára afmæli sínu.
ICEQ, sem er leitt af orðunum Icelandic
Equity, er verðbréfa- og vísitölusjóður
sem er skráður í Kauphöll Íslands og er
sambærilegur við vísitölusjóðina QQQQ
og SPY sem margir fjárfestar kannast
við.
„Fyrir fjárfesta sem hafa áhuga á að
fjárfesta í íslenskum hlutabréfum er ICEQ
góður kostur,“ segir Þórarinn Sveinsson,
framkvæmdastjóri Eignastýringarsviðs
Kaupþings banka. Á þessum tímamótum
blása forsvarsmenn ICEQ, sem er í vörslu
Rekstrarfélags Kaupþings, til sóknar með
kynningarátaki og stefna að mikilli stækk-
un hans og fjölgun fjárfesta.
Meðal þeirra aðgerða sem forsvars-
menn Kauphallarsjóðsins ætla að ráðast
í er að auka seljanleika hans enn frekar
sem auðveldar aðkomu erlendra fjárfesta
að íslenska markaðnum.
KAUpþINg MyNdAR þAK
Forsvarsmenn ICEQ hrósa stjórnendum
Kauphallarinnar fyrir þá framsýni að hafa
fyrir þremur árum verið byrjaðir að kanna
að koma á fót kauphallarsjóði. Mikill vöxt-
ur hefur verið í starfsemi kauphallarsjóða
um allan heim á undanförnum árum og
flest bendir til þess að sá vöxtur muni
halda áfram á næstu árum segir Sigþór
Jónsson, sjóðstjóri hjá Rekstrarfélagi
Kaupþings. Viðmiðunarvísitala sjóðsins
er ICEX15-cap en samkvæmt henni fer
stærsta félagið ekki yfir 35 prósent af
heildareignum. Vægi Kaupþings, stærsta
félagsins á innlendum hlutabréfamarkaði,
í Úrvalsvísitölunni er eins og staðan er í
dag umfram 35 prósent og er því sett þak
á Kaupþing við 34,0 prósent í ICEX-15 cap
og jafnframt við nítján prósent hjá öðrum
félögum. Umframvægi er því dreift hlut-
fallslega á önnur félög í vísitölunni sem
eru að öðru leyti þau sömu og mynda
Úrvalsvísitöluna. Vísitalan er reiknuð
vikulega með tilliti til þaksins en það
getur gerst innan vikunnar að Kaupþing
fari yfir 35 prósent vegna breytinga á
markaði.
TæplegA TvöfAldAsT í ávöxTUN
Frá stofnun ICEQ hefur sjóðurinn nánast
tvöfaldast í ávöxtun. „Almennt þá hafa
markaðsaðilar notað ICEQ eins og þeir
horfa á einstök hlutabréf. Þannig hafa
fjárfestar með einum viðskiptum náð að
fjárfesta í öllum markaðnum til skamms
tíma. Við lítum ekki svo á að við séum í
samkeppni við aðra sjóði heldur keppum
við í raun fyrst og fremst við hlutabréfin,“
segir Sigþór. Frá lokum árs 2004 til 30.
nóvember í ár sýndi sjóðurinn um 90 pró-
senta ávöxtun og höfðu aðeins sex félög
skilað betri ávöxtun: FL Group, Bakkavör,
Landsbankinn, Sláturfélag Suðurlands,
Glitnir og TM. Þar af eru tvö þeirra
með óskilvirka verðmyndun. Meginþorri
félaga er því undir ávöxtun ICEQ.
í sAMKeppNI vIÐ hlUTAbRéf
Það að líta svo á að helstu samkeppnisað-
ilar sjóðsins séu einstök hlutafélög lýsir
kannski best þeirri fjárfestamenningu
sem er við lýði hérlendis. Allir virðast
hafa skoðun á einstökum félögum sem eru
skráð á markaði og fjárfesta því í þeim
fremur en sjóðum. „Það er mjög einstakt
við íslenska markaðinn að hlutfall eigna
innlendra hlutabréfasjóða er vel innan
við fimm prósent af markaðnum. Þessu er
alveg öfugt farið í Bandaríkjunum. Þetta
gæti breyst með stærð og þroska íslenska
markaðarins en hafa ber í huga að fá félög
bera hann uppi að mestu leyti,“ segir
Sigþór. Þessi hugsunarháttur Íslendingar
er forvitnilegur. „Fjárfestar eru tilbúnir
til að kaupa í einstökum félögum í þeirri
von að sigra markaðinn í stað þess að
kaupa í sjóðum sem fylgja markaðnum að
mestu leyti hvað ávöxtun snertir.“
Forsvarsmenn ICEQ líta því á sjóðinn
sem hvert annað hlutabréf og því ætla
þeir að auka kynningu hans til muna á
næstu mánuðum eins og áður sagði.
AUÐveldAR AÐgeNgI eRleNdRA fjáR-
fesTA
„Okkar markmið eru þau að ICEQ sé
afurð sem er auðveldast að eiga viðskipti
með, bæði fyrir stóra sem smáa fjár-
festa,“ segir Guðjón Ármann Guðjónsson,
sjóðsstjóri hjá Rekstrarfélagi Kaupþings
banka. Hjá ICEQ liggja tækifærin meðal
annars í því að fá erlenda fjárfesta sem
eru oft tilbúnir að fikra sig inn á nýja
markaði með kaupum á kauphallarsjóð-
um. Erlendir fjárfestar eru lítt sýnilegir á
íslenska markaðnum en hefur farið fjölg-
andi til að mynda með nýlegu hlutafjár-
útboði Kaupþings. Stofnanafjárfestar eru
stærstu notendur kauphallarsjóða í heim-
inum. „Þú ert að ná öllum markaðnum í
einu kasti. Kaupir bréfin á markaði eins
og önnur hlutabréf og getur selt þegar þér
hentar,“ segir Guðjón Ármann ennfremur
og bætir við að sjö stærstu félögin vega
yfir 90 prósent af ICEQ.
MIKIll seljANleIKI
Þá er seljanleiki ICEQ mikill og hefur frá
stofnun munað að meðaltali um hálfu pró-
sent á kaup- og sölutilboðum sem er það
næstminnsta af félögum á markaðnum.
Aðeins Kaupþing er með minna verðbil.
Stefnt að því að auka seljanleika enn
frekar og er mikil áhersla lögð á öfluga
viðskiptavakt við rekstur sjóðsins; lág-
marksfjárhæð kaup- og sölutilboða er 75
milljónir króna að markaðsvirði og við-
skiptavakinn skuldbundinn til að kaupa
og selja allt að hálfan milljarð á dag, en
hinsvegar er engin lágmarksupphæð við-
skipta fyrir fjárfesta. Með áformum um
eflingu sjóðsins mun seljanleikinn aukast.
„Okkar markmið er að fara með verðbilið
enn neðar. Fyrir fjárfesta ætti ICEQ að
vera einn besti kosturinn á innlendum
hlutabréfamarkaði. Við erum búnir að
reka sjóðinn í tvö ár og höfum náð góðum
árangri með sjóðinn; ávöxtun hefur verið
góð, seljanleiki mikill, lítið verðbil á mark-
aði og fjárfestar hafa verið þakklátir fyrir
að geta átt viðskipti með íslenskan hluta-
bréfasjóð í rauntíma,“ segir Sigþór að
lokum.
Á myndinni eru frÁ vinstri sigþór jónsson, guðjón Ármann guðjónsson og jóhann möller, sem allir eru sjóðsstjórar innlendra
hlutabréfa hjÁ Kaupþingi og þórarinn sveinsson, framKvæmdastjóri eignastýringarsviðs Kaupþings. Stærstu notendur kauphallarsjóða eru
stofnanafjárfestar. Forvígismenn ICEQ sjá mikil tækifæri í því að fá erlenda fjárfesta inn í sjóðinn. MarkaðurInn/Hörður
ICEQ - allur markaðurinn í einu kasti
Á morgun eru tvö ár liðin síðan ICEQ, eini íslenski kauphallarsjóðurinn, hóf göngu sína. Ávöxtun sjóðs-
ins, sem tekur mið af ICEX 15 cap, hefur verið umfram ávöxtun vísitölunnar í heild og flestra félaga.
Eggert Þór Aðalsteinsson ræddi við forsvarsmenn ICEQ sem stefna að mikilli stækkun sjóðsins.