Réttur - 01.10.1949, Blaðsíða 9

RÉTTUR
201
Þá er að athuga útflytjendurna. Þar er að vísu erfitt að skyggn-
ast fyrir um orsakir hlutanna. Útflutningur íslands er álíka ein-
okaður nú og á 18. öld. En svo mikið er víst, að grunsamlega mikil
tregða hefur verið á því að fá þá, sem ráðið hafa í útflutningnum,
til þess að beita sér fyrir verðhækkunum þar. Og allt frá Gismondi-
samningunum 1933—4 og til þessa dags, hefur öðru hvoru komið
í ljós, að voldugir íslenzkir útflytjendur hafa sjálfir verið þátt-
takendur í fyrirtækjum þeim, sem keypt hafa íslenzku afurðirnar,
og grætt þannig á því að íslendingar fengju sem lægst verð fyrir
fiskinn. Slík gróðaaðstaða myndi glatast þeim, ef mikið af út-
flutningsvöru íslands væri selt beint til sósíalistisku ríkjanna,
þar sem engir möguleikar væru á að skapa sér fyrirtæki á borð
við „Bjarnason og Marabotti" til þess að græða á íslendingum utan
landsteinanna.
Voldugustu innflytjendur og útflytjendur íslands, — mennirnir,
sem hafa orðið milljónamæringar í þjónustu erlendra auðhringa
og samstarfi við þá, — eru fjandsamlegir miklum viðskiptum við
sósíalistisku löndin vegna einkahagsmuna sinna. Hagsmunir þeirra
eru í þessu alveg andstæðir hagsmunum fiskframleiðenda, neyt-
enda og þjóðarinnar sem heildar. — En þessir milljónamæringar
ráða Sjálfstæðisflokknum.
Það er hins vegar skiljanlegt, að þessir íslenzku auðmenn verði
að fara í felur með þennan fjandskap sinn við allar tilraunir til
þess að beina miklu af viðskiptum íslands í Austurveg. Þeir hafa
líka venjulega góða aðstöðu til þess, þvi þeir ráða lengst af ríkis-
stjórninni og þar með útflutningnum, hindra því venjulega undir
alls konar yfirskyni að viðskiptunum sé komið á, en segja svo
opinberlega, að það sé „því miður ekki hægt.“
Til viðbótar við þessa hagsmunalegu andstöðu voldugra yfir-
stéttarmanna gegn miklum viðskiptum í Austúrveg, hefur svo
bætzt andstaða amerísku auðhringanna. Ameríska auðvaldið ætlar
sér að ráða íslandi. Frá þess sjónarmiði er um að gera að ísland
eyðileggist fjárhagslega, svo ameríska auðvaldið eigi alls kostar
við oss íslendinga. Þá fyrst gæti það undirokað oss eins og það
þarf, til þess að geta farið öllu sínu fram í þessu landi, án þess að