Réttur - 01.10.1949, Blaðsíða 14
206
RÉTTUR
og þjóðina við háskalegum afleiðingum þess, að sleppa nú tæki-
færunum til mikilla samninga í Austurveg um viðskipti til margra
ára, en láta auðvald Vestur-Evrópu og Ameríku draga sig á asna-
eyrunum út í fen kalda stríðsins og kreppunnar. Hvað eftir annað
notaði flokkurinn útvarpsumræðurnar frá Alþingi til þess að vara
við hvert stefnt væri.
Um miðjan október 1947 fóru fram útvarpsumræður frá Alþingi
um Marshallsamstarfið.
í ræðu um það mál, sagði ég m. a. eftirfarandi um viðskipta-
samningana, er ég talaði þar fyrir hönd Sósíalistaflokksins (Birt í
Þjóðviljanum 17. okt. 1947):
£
„Þá skulum við athuga í öðru lagi stefnu stjórnarinnar, hvað
markaðina fyrir útflutningsafurðir okkar snertir.
Ríkisstjórnin virðist telja markaðina í Bandaríkjunum og Bret-
landi eftirsóknarverðustu markaðina.
í Bandaríkjunum hefur fiskur okkar hingað til verið seldur
fyrir hálfvirði móts við það, sem meginlandsþjóðir Evrópu borga.
Og Bandaríkin eru fallvaltasti markaður veraldarinnar, og nú vofir
þar yfir ægilegasta viðskiptakreppa veraldarsögunnar, og hefst
jafnvel á næsta ári. Fyrir þá íslendinga, sem muna kreppuna hér
1931 og síðar, er því augljóst, hve fallvalt er að treysta hið minnsta
til frambúðar á amerískan markað, þó sjálfsagt sé að hagnýta hann
meðan hann, borgar vel.
Næst hinum ótrygga ameríska markaði virðist ríkisstjórnin
treysta á markaðina í Englandi og Vestur-Evrópu. Ýmsir þeir
markaðir eru oss góðir nú og sjálfsagt að hagnýta þá sem bezt
næstu ár. En mikil hætta er á, að þeir verði ekki traustir til fram-
búðar. Englendingar, Hollendingar, Frakkar og Þjóðverjar eru allt
gamlar fiskveiðiþjóðir, sem flestar hafa öldum saman veitt fisk á
íslandsmiðum og líklegt er því miður, að þær geri það líka í stór-
um stíl, þegar þær hafa náð sér aftur eftir hörmungar styrjaldar-
innar. Þessi lönd verða því stopulir framtíðarmarkaðir fyrir okkur
íslendinga, ef vér ætlum að vera ein mesta fiskframleiðsluþjóð
heimsins.
í Suður-Evrópu verða vonandi góðir framtíðarmarkaðir fyrir ís-
lenzkan fisk sem oft áður, en vart stærri.
En einhverjir eðilegustu markaðir fyrir afurðir íslenzkrar fisk-
veiðiþjóðar eru þau meginlandsríki Evrópu, sem ekki liggja að út-
höfum. Við íslendingar höfum unnið stærstu landvinninga okkar í