Réttur - 01.10.1949, Page 38
230
RÉTTUR
því aldrei verið sinnt, allt slíkt kvabb hvarf í hina rúm-
góðu ruslakörfu stjórnarinnar. Það var því eigi að undra,
þótt menn fögnuðu ákaft, þegar von var á gufuknerr-
inum „Jóni Sigurðssyni“. Breytingar þær, sem gerðar
voru á innréttingu skipsins, tóku nokkru lengri tíma en
ráð hafði verið fyrir gert, og seinkaði það brottför þess
um rúma viku. En hinn 12. maí var skipið að heita mátti
ferðbúið, hlaðið vörum og fullskipað farþegum. Um kvöld-
ið var vegleg veizla í skipinu og ýmsar ræður fluttar.
Talaði Henrik Krohn fyrir minni Jóns forseta, og þótti
mælast skörulega. Daginn eftir var lagt af stað áleiðis til
íslands. Skipstjórinn á „Jóni Sigurðssyni“ hét Adam W.
Muller, en fyrsti stýrimaður nefndist Hille, og hafði
hann oft verið 1 íslandsferðum. Skipið hafði viðkomu í
Leirvík í Hjaltalandi og Þórshöfn í Færeyjum. Gekk ferð-
in hið bezta í alla staði og kom skipið til Reykjavíkur
25. maí. Föst áætlun um ferðir skipsins sumarlagt hafði
verið birt á prenti, og tókst að fylgja henni í nálega
öllum atriðum. Eftir skamma viðdvöl í Reykjavík og
Hafnarfirði, var haldið til Stykkishólms, Flateyjar, ísa-
fjarðar, Borðeyrar og Grafaróss. Þar var snúið við og
haldið suður aftur, með viðkomu á sömu höfnum.
Önnur íslandsferð skipsins var í lok júnímánaðar, og
tilhögun að mestu hin sama. í þriðju ferð kom „Jón Sig-
urðsson“ til Reykjavíkur 9. ágúst, og hafði eins og áður
hlaðfermi af vörum. Þá notuðu menn og óspart þessa
miklu samgöngubót til að komast hafna og landshluta
á milli, eins og sjá má af frásögnum íslenzkra blaða. Tek
ég hér einungis fréttaklausu úr Þjóðólfi 29. ágúst. Þar
segir:
„Með „Jóni Sigurðssyni“ tóku sér enn margir far í
þessari ferð hans kringum land. Fjöldi manna fór héðan
bæði vestur og norður, til ýmissa hafna og héraða hér
innanlands, og skiptust a farþegarnir, svo að á hverjum
stöðvum fóru nokkrir á land en aðrir nýir komu þar og