Réttur - 01.10.1949, Qupperneq 48

240
RÉTTUR
lýstu því yfir, að sambönd sín væru þar með farin úr
F. S. U.
Þetta gerræði þeirra mæltist mjög illa fyrir, jafnt í
verkalýðssamtökum þeirra eigin landa sem annars staðar
og tóku þeir þá að færa fram ýmsar ástæður fyrir frum
hlaupi sínu sér til réttlætingar og verða þær helztu
þeirra teknar til athugunar hér á eftir.
ER F. S. U. STJÓRNAÐ AF
KOMMÚNISTUM?
Fullyrðingar T. U. C. og Q. I. O. um alþjóðasamband-
inu sé stjórnað af kommúnistum og Rússum verður bezt
svarað með því að athuga samsetningu framkvæmda-
nefndar og miðstjórnar. í framkvæmdanefnd hafa Sovét-
ríkin 3 fulltrúa, Bandaríkin 3 og Bretland 2. í miðstjórn
hafa Sovétríkin 5 fulltrúa Bandaríkin 4 og Bretland 3.
Þegar svo þess er gætt að verkalýðsfél. Sovétríkjanna
hafa 27 millj. meðlima en Bandaríkjanna og Bretlands
aðeins 13V2 millj. samanlagt, verður því tæplega haldið
fram að Sovétríkjunum sé þar gert of hátt undir höfði.
Ennfremur ber þess að geta, að 1 allri sögu F. S. U.
finnast þess ekki dæmi, að máli hafi verið komið fram í
krafti meirihluta atkv. heldur ávalt leitast við og tekist
að ná samkomulagi.
Það sem liggur á bak við þessa ákæru þeirra, er að-
eins löngun þeirra til að ráða yfir Alþjóðasamb. Þetta
eru leifar frá þeim tíma er T. U. C. var allsráðandi í
Amsterdamsambandinu. Þeir hafa ekki enn þá skilið þá
djúptæku breytingu, er orðið hefur í þróun verkalýðs-
samtakanna og að sá tími er liðinn að eitt einstakt sam-
band geti borið ægiöhjálm yfir alþjóðasamtökum verka-
lýðsins.