Réttur - 01.10.1949, Blaðsíða 66
258
RÉTTUR
ingsskapur og frændsemi. Indriði sagði Gunnlaugi, að
hann skyldi bundinn sauðabandi og lagður þar, sem hann
heyrði ekki hvað fram færi, nema hann gengi undir sömu
fundarlög og aðrir og þegði yfir því, sem leynt ætti að
vera. Tók Gunnlaugur síðari kostinn. En Gísli Konráðs-
son telur,* að Halldór prófastur Jónsson í Glaumbæ, kon-
ungkjörinn þingmaður, frændi Gunnlaugs hafi veitt allt
upp úr honum um Karlsárfund. Urðu fundarmenn þess
varir á fjölmennu uppboði að Eyhildarholti 12. maí, að
ráðagerð þeirra var uppvís orðin. Þótti þeim Gísla Kon-
ráðssyni, Jóni alþingismanni og Tómasi á Hvalsnesi þá
ekki ráðlegt að láta framkvæmdir dragast úr hömlu, og
boðuðu Vallalaugarfund þar á uppboðinu, og skyldi hann
haldinn 22. maí.
Vallalaugarfund sóttu 160 manns og var nú engu leynt.
Þeir, sem norður ætluðu að ríða, kæmu með þriggja daga
nesti og tvo hesta hver. Allir fundarmenn voru sam-
þykkir norðurförinni. Voru nú lögð á ráðin hvernig ferð-
inni skyldi haga og með hverjum hætti skyldi birta amt-
manni ósk alþýðu. Voru fundarmenn æstir og kom mikil
hreyfing á þá, einkum hina yngri. Sumir tóku að ríða
fram og aftur og hrópa:
Lifi þjóðfrelsið! Lifi félagsskapur og samtök! Drepist
kúgunarvaldið!
Síðan var samið svohljóðandi ávarp:
„Þeir fáu gestir, sem að þessu sinni heimsækja
þetta hús, eru víst ekki nema lítið sýnishorn af þeim
stóra mannflokki, sem misst hefur sjónar á tilhlýði-
legri virðingu og trausti á amtmanns embætti því,
sem nú er fært á gömlu Möðruvöllum, eru því þess
vegna hingað komnir, fyrst til að ráðleggja og þvi
næst til að biðja þann mann, sem hér nú færir
* Sbr. Æfisaga, bls. 233.