Réttur - 01.10.1949, Blaðsíða 57

RÉTTUH
249
Evrópu“. Þetta var meir en tveim mánuðum áður en
klofningurinn átti sér stað.
Til skemmdarverkanna hefur A. F. L. notið stuðnings
ríkisstjórna Bandaríkjanna og Bretlands eins og bezt
sézt á því, að fyrir tilverknað þeirra, hefur A. F. L.,
sem þó er aðeins landssamband og ekki einusinni eina
landssambandið í sinu landi, hlotið algert jafnrétti í
samtökum S. Þ. við Alþsb. Til frekari sönnunar um
tengsl A. F. L. við ríkisstjórn Bandaríkjanna má minna
á tillögu er fram kom á þingi þess 1947 um nefnda-
skipun til „að gera áætlun um samræmda utanríkisstefnu
amerísku verkalýðshreyfingarinnar í samvinnu við ut-
anríkisráðuneytið og forseta Bandaríkjanna til að ná scm
beztum árangri á utanríkisstefnu Bandaríkjanna".
Frekari gögn til að sanna í hvers þjónustu það vinnur
ættu að vera óþörf.
Hér að framan hafa verið raktir nokkrir þættir úr
starfsferli væntanlegra forystumanna hins nýja sambands,
og má af þeim ráða nokkuð um það, hvaða verkefni
því mun ætlað að inna af hendi, og í hverra þjónustu það
muni verða.
Þessir menn eru sannir að sök um að hafa unnið mark-
viss skemmdarverk í alþjóðasamtökum verkalýðsins og
þegar þeim tókst ekki að 'beita þeim fyrir stríðsvagn doll-
aravaldsins gerðu þeir tilraun til að kljúfa þau, sem þó
mistókst að verulegu leiti, þar sem meginhluti verkalýðs-
ins, rúmar 71 milljón er enn þá innan vébanda F. S. U.
Klofningsstarf sitt 1 alþjóðasamtökunum unnu þessir
herrar án nokkurs samráðs og á fullri óþökk mikils hluta
þess verkalýðs er þeir voru fulltrúar fyrir eins og berlega
hefur komið fram í þeirri mótmælaöldu, er reis innan
brezku og amerísku sambandanna og þeim hefur ekki
ennþá tekizt að lægja þó þeir hafi beitt þvingunaraðferð-
um og brottrekstrum.
Að sönnu tókst þeim með hjálp „hagkvæmra“ aðferða