Réttur - 01.10.1949, Qupperneq 30
222
RÉTTUR
sinnar. Fór hann fyrst til Kauppmannahafnar, en Jón
Sigurðsson beindi honum til Björgvinjar. Þangað kom
Sigfús 1 byrjun maímánaðar. Hélt hann þegar á fund
Henriks Krohn og hafði ærin tíðindi að segja af vexti
félagsverslunar meðal íslendinga. Kvað hann fullvíst,
að hin nýju verzlunarsambönd á íslandi myndu öll beina
viðskiptum sínum til Björgvinjar, yrði þess nokkur kost-
ur. Þá mun hann einnig hafa látið í veðri vaka, að ís-
lendingar yrðu fúsir til að gerast hluthafar í norsk-íslenzku
verzlunarfélagi, svo fremi það yrði stofnsett í Björgvin.
Var Henrik Krohn nú hinn bjartsýnasti og gekk enn
á ný fyrir þá kaupsýslumenn, sem hann hafði að ein-
hverju eða öllu leyti unnið til fylgis við mál þetta. Er
eigi vitað hvort þeir sátu á rökstólum lengur eða skem-
ur, en svo vel varð Krohn ágengt, að síðari hluta maí-
mánaðar 1870 tókst honum að stofna hlutafélag, sem hlaut
nafnið „Det islandske Handelsamlag í Bergen“. Stjórn var
kosin og lög félagsins undirrituð hinn 24. dag maímánað-
ar. Stjórnarformaður var kjörinn roskinn og þekktur
kaupsýslumaður, Torkill J. Johnson að nafni. Meðstjórn-
endur voru Henrik Krohn og A. J. Kruger. Kruger hvarf
þó brátt úr stjórninni og kom í hans stað John Troye.
Fara hér á eftir helztu ákvæði félagslaganna:
Tilgangur samlagsins er sá, að reka verzlun og fisk-
veiðar við ísland, ýmist frá eigin bækistöðvum í landinu
sjálfu eða með samstarfi og viðskiptum við íslenzka
kaupmenn og verzlunarfélög.
Samlagið er hlutafélag og skal hlutafjárupphæðin vera
12000 spesíudalir, en heimilt er að auka hana, hvenær
sem stjóm félagsins telur nauðsyn til að bera. íslend-
ingum skal gefinn kostur á, til loka þessa árs, að gerast
hluthafar í samlaginu, svo að nemi allt að 5000 spesiud.
Félagið skal hafa aðsetur í Björgvin. Stjórn þess skal
skipuð þrem mönnum, og er einn þeirra framkvæmda-
stjóri. Framkvæmdastjóra má velja utan félagsins. —