Réttur - 01.10.1949, Blaðsíða 35
RÉTTUR
227
um vorum á íslandi og öðrum þar, sem láta sér annt
um framfarir verzlunar þeirrar, sem byrjuð er í milli
Björgvinjar og íslands, að vér, að þartil fengnu sam-
þykki allra meðlima „Samlagsins" ætlum við fyrsta tæki-
færi að útvega oss gufuskip, til þess að fara reglubundn-
ar ferðir milli íslands og Björgvinjar fyrir „Samlagsins“
reikning. Fé því, sem fyrirtæki þetta útheimtir, höfum
vér skotið saman. Vér efumst ekki um, að þetta góða
tækifæri láti sín ekki lengur bíða, en svo, að þessar fyr-
irhuguðu gufuskipaferðir milli íslands og Björgvinjar
fyrir reikning Samlagsins, komist á gang á næstkomandi
sumri, og verði ekki skip það, sem vér ætlum að láta
byggja í þessu augnamiði, búið nógu snemma, munum
vér heldur taka gufuskip á leigu til hinna fyrstu ferða, en
að fresta þeim. Um leið.og vér gerum þetta almenningi
kunnugt, skulum vér geta þess, að oss væri mjög kært
ef íslenzkir verzlunarmenn, sem kynnu að vilja hafa
gagn af þessum gufuskipaferðum, og aðrir, sem vilja vel
verzlun vorri, vildu gefa oss þær upplýsingar, sem gætu
komið til skoðunar viðvíkjandi því, hvar skipið ætti
að koma við, um þær vörur og það vörumagn, sem menn
vonast eftir að skipið fengi til flutnings á hinum ýmsu
verzlunarstöðum á hverjum tíma, o. fl.
Slíkar upplýsingar óskum vér að í tæka tíð yrðu sendar
verzlunarstjóra vorum í Hafnarfirði, Þorsteini Egilssyni,
sem þá aftur, ásamt nákvæmari upplýsingum frá sjálf-
um honum, sendir þær til vor.
Vér efumst ekki um, að Íslendingar sjái sjálfir hvílík
not þeir geta haft af slíkum gufuskipaferðum, og vænt-
um vér því að þeir að sínu leyti gjöri sitt til þess að
styrkja þetta fyrirtæki vort.
Björgvin, í stjórn hins íslenzka verzlunarsamlags,
Thorkill J. Johnsen. Henrik Krohn. John Troye.
Eins og fram kemur í bréfinu, hefir stjórnendum sam-