Réttur - 01.10.1949, Blaðsíða 29
RÉTTUR
221
arreksturs á íslandi. Krohn segist því miður eigi geta
mikið af eigin rammleik, en kveðst hafa hugsað allmjög
um mál þetta. Gerir hann nú tillögur um félagsstofnun
og sendir þær bæði Þorsteini Egilssyni og Jóni Sigurðs-
syni. — Þar kemst hann meðal annars svo að orði:
„Málefni íslands víkja ekki úr huga mér og ég el
stöðugt þá von í brjósti, að geta átt þátt í að koma á
eðlilegum verzlunarsamböndum milli þjóða vorra, sem
af sögulegum ástæðum og sakir hliðstæðs þjóðlífs og
atvinnuhátta, ættu að hafa með sér langtum meira sam-
band og samstarf en nú er.
Ég el stöðugt á þessu málefni við landa mína og hef
reynt að vekja áhuga kaupsýslumanna hér í Björgvin á
viðskiptum við ísland, þótt árangur sé enginn sýnilegur,
enn sem komið er.
Nú hefir mér dottið 1 hug, hvort eigi mætti fara þá
leið, sem hér skal greina: — Væri ekki hægt á íslandi að
stofna verzlunarsamtök eða hlutafélag, sem hefði norsk-
íslenzk viðskipti að aðalmarkmiði? Síðan ætti að senda
hingað til Björgvinjar mann, nákunnugan íslenzkum verzl-
unarháttum, sem gefið gæti allar nauðsynlegar upplýs-
ingar og jafnframt safnað hér hlutafé handa félaginu,
eftir ástæðum og þörfum. Ég tel, að slíkt félag þyrfti að
komast yfir gufuskip, til að annast vöruflutninga milli
landanna“.
Síðar í bréfinu til Jóns Sigurðssonar lætur Henrik
Krohn 1 ljós ósk um það, að fá að heyra álit Jóns um
þessa tillögu, og hvort nokkrar líkur séu til, að íslend-
ingar beiti sér fyrir stofnun slíkra samtaka. Eigi er mér
að fullu kunnugt, hverju Jón hefir svarað, en þó má
ráða það að nokkur af næsta bréfi frá Krohn. Mun Jón
hafa getið þeirra verzlunarsamtaka, sem þegar voru ris-
in á fót á íslandi, og beðið Krohn að greiða fyrir sendi-
mönnum þaðan, ef þeir leituðu á hans fund. í apríl-
mánuði sigldi Sigfús Eymundsson í erindum verzlunar