Réttur - 01.06.1955, Qupperneq 47

EÉTTUR
175
eigin röðum telur Framsóknarflokkurinn sig nú í mikilli
hættu staddan, ef haldið verður áfram samvinnunni við
Sjálfstæðisflokkinn. Völd hægri mannanna í Alþýðuflokkn-
um eru þó í enn bráðari hættu- Við þetta bætist, að svo
virðist, sem afturhaldinu liggi mjög á að ljúka kosning-
um af. Hinar miklu skattahækkanir voru hefndarráðstöfun
gegn kauphækkununum í vor og höfðu þann tilgang að
minnka aftur kaupmátt launanna. Hinsvegar játa stjórnar-
flokkarnir að þær séu engin frambúðarlausn á vandamál-
um útgerðarinnar. Atvinnu- og efnahagsmálum þjóðar-
innar hefur verið siglt svo rækilega í strand að ekki er
hægt að bíða öllu lengur með gagngerari ráðstafanir. Enn
hafa stjórnarflokkarnir aðeins komið auga á eina leið:
Nýja stórfellda gengislækkun jafnframt því, sem frelsi
verkalýðsfélaganna til kauphækkana yrði takmarkað -—
Svona óvinsælar ráðstafanir er ekki hægt að gera fyrir
kosningar. Þess vegna þarf að Ijúka þeim af.
Jafnframt eru bæði hægri menn Framsóknarflokksins og
Alþýðuflokksins hræddir við kosningar, ekki sízt vegna
þeirrar sterku hreyfingar sem risið hefur upp meðal al-
mennings til sjávar og sveita og krefst nýrrar stjórnar-
stefnu og vinstra samstarfs. Viðbrögð hægri foringjanna
í báðum flokkum urðu þau að þeir settust að samninga-
borði til þess að ræða um kosningabandalag Framsóknar
og Alþýðuflokksins, er stefnt skyldi gegn Sósíalistaflokkn-
um ekki síður en Sjálfstæðisflokknum. Skiftu þeir milli
sín kjördæmunum, þannig að þeir skyldu til skiftis afhenda
hvor öðrum kjósendur sína í ákveðnum kjördæmum. Ekki
er vitað til þess að enn hafi verið rætt um stefnumál. For-
sendan fyrir þessum útreikningum mun þó hafa verið sú að
Þjóðvarnarmenn fengjust með í púkkið og að Alþýðuflokk-
urinn gengi heill til slíkra kosninga.
Flokksþing Framsóknarflokksins var kallað saman í
Reykjavík 8. marz til þess að ræða öll þessi mál og undir-
búning undir kosningar í sumar.
Á þinginu kom í ljós, að forsendur þær, er að framan