Réttur - 01.06.1955, Side 50

178
RÉTTUR
irbúi framtíðarsamstarf vinnandi stétta landsins á grundvelli
stefnuskrár Alþýðusambands íslands.
Að lokum leyfum vér oss að láta í ljós, að sambands-
stjórnin telur æskilegt, að fulltrúar frá flokksþinginu ræði
þessi mál nánar við fulltrúa frá henni, áður en þingið tekur
sínar lokaákvarðanir“.
Mjög skarst í odda milli hægri og vinstri manna á þingi
Framsóknar. Hægri menn urðu þar samt í meirihluta og
var ákveðið að svara Alþýðusambandinu á þá leið, að
máraleitan þess var með öllu neitað og rökstutt með því,
að verkefni þau, er leysa þyrfti væru svo „vandasöm og
mikil“ að það þyrfti að ljúka kosningum af áður en þeim
yrði sinnt. í viðtölum Hermanns og Eysteins við fulltrúa
Alþýðusambandsins kom þetta þó enn skýrar í ljós. Sögðu
þeir að nú væru orðnar mjög aðkallandi óvinsælar ráðstaf-
anir í efnahagsmálum og væri ekkert vit í því að fram-
kvæna þær fyrr en að afloknum kosningum. Ekki var
farið dult með, að það sem þeir hafa helzt í huga er geng-
islækkun. Voru grunsemdir Alþýðusambandsins þar með
að fullu staðfestar.
Reynt var að bola vinstri mönnum úr stjórn Framsókn-
arflokksins og tókst það að nokkru leyti.
Eftir að fundi sambandsstjórnar Alþýðusambandsins
hafði borizt svar Framsóknarflokksins var eftirfarandi
ályktun samþykkt með samhljóða atkvæðum:
,,Á undanförnum árum hefur þróun dýrtíðar- og efna-
hagsmála þjóðarinnar verið sú, að verkalýðssamtökin hafa
orðið að verja hagsmuni félaga sinni með síendurteknum
verkföllum. Sjaldan hefur nema skammur tími liðið frá
lokum verkfalls, þar til gerðar hafa verið nýjar stjórnmála-
legar ráðstafanir, sem tekið hafa aftur þann ávinning,
sem verkföllin höfðu fært vinnandi fólki.
Þessi staðreynd hefur opnað augu alls vinnandi fólks
fyrir því, að nauðsynlegt er, að verkalýðssamtökin eigi
sterkari aðstöðu á stjómmálasviðinu en verið hefur.