Réttur - 01.01.1959, Qupperneq 76

76
R É T T U B
Bornir fram úrslitakostir
17. maí var enn boðaður fundur í ríkisstjórninni, og
hafði Alþýðubandalagið krafizt þess að þá yrði tekin á-
kvörðun um stækkun landhelginnar. Ekkert varð þó af
fundinum þar sem Guðmundur 1. Guðmundsson utanríkis-
ráðherra neitaði að mæta á honum. Síðdegis sama dag var
haldinn fundur í þingflokki Alþýðubandalagsins og var þar
einróma samþykkt að gera samstarfsflokkunum úrslita-
kosti. Sendi Lúðvík Jósepsson ráðherrum Framsóknar-
flokksins og Alþýðuflokksins svohljóðandi bréf:
„Ég tel óhjákvæmilegt að gefin verði út reglugerð
um fiskveiðilandhelgina í síðasta lagi 20. þ. m„ þar sem
þegar hefur orðið óhæfilegur dráttur á afgreiðslu máls-
ins. Teldi eins og nú er komið líklegast til samkomulags
milli flokka að reglugerðin verði þannig:“
Þar með fylgdi reglugerðin, efnislega nákvæmlega eins
og sú sem nú er í gildi, þ. e. 12 mílna stækkun út frá
óbreyttum grunnlínum. Þetta bréf jafngilti yfirlýsingu
um það að sjávarútvegsmálaráðherra myndi gefa út reglu-
gerðina upp á sitt eindæmi, ef samkomulag tækist ekki,
eins og hann hafði stjórnlagalega heimild til.
Sama dag sendi sjávarútvegsmálaráðherra reglugerðar-
tillögu sína til Fiskideildar Atvinnudeildar Háskólans og
Fiskifélags Islands og bað um álit þeirra stofnana fyrir
20. maí.
Atlanzhaísbandalagið beðið leyíis
Mikið uppnám varð í hinum stjórnarflokkunum þegar
þessir úrslitakostir bárust og fundarhöld dag eftir dag.
19. maí komu ráðherrar Alþýðuflokksins og Framsóknar-
flokksins — án samráðs við ráðherra Alþýðubandalagsins
— sér saman um að senda nýtt skeyti til aðalstöðva Atlanz-
hafsbandalagsins. I þvi skeyti mun hafa verið spurzt fyrir