Réttur - 01.01.1959, Side 78

78
R É T T U P
Skeytið frá Spaak
Atlandshafsráðið og stofnanir þess höfðu nú fjallað um
landhelgismál íslendinga daglega 1 heila viku, og á sama
tíma liafði brezka stjórnin haldið þrjá ráðuneytisfundi um
landhelgismálið. Hafði orðsendingum, loforðum og ógnun-
um rignt yfir allan þennan tíma, og til enn frekari áherzlu
var síðasta svari Atlanzhafsbandalagsráðsins samdægurs
fylgt eftir með persónulegu ákalli til Hermanns Jónassonar
forsætisráðherra frá Paul-Henri Spaak framkvæmda-
stjóra Atlanzhafsbandalagsins.
Spaak framkvæmdastjóri kvaðst senda forsætisráð-
herra Islands skeyti til þess að gera honum grein fyrir
persónulegu mati sínu eftir fundinn í fastaráði Atlanz-
hafsbandalagsins 20. maí. Lýsti hann yfir því að ríkis-
stjórnir bandalagsríkjanna væru því gersamlega and-
vígar, bæði samkvæmt meginreglum sínum og af lög-
fræðilegum ástæðum, að íslendingar stækkuðu landhelgi
sína einhliða.
Á hinn bóginn kvað hann alla viðurkenna sérstöðu ls-
lands og meta hana vinsamlega, og því væri það engum
efa bundið að stjórnir bandalagsríkjanna myndu vilja
hefja tafarlaust samninga við ríkisstjórn Islands til
þess að finna leiðir til að fullnægja áhugamálum íslend-
inga.
Spaak tók fram að hann teldi samninga innan banda-
lagsins í anda gagnkvæmrar samvinnu öruggari og
skjótvirkari aðgerð til að ná samkomulagi en stóra al-
þjóðaráðstefnu og lagði áherzlu á nauðsyn þess að
tryggja einingu bandalagsins í samræmi við ályktun ráð-
herrafundarins í Kaupmannahöfn. Sérstaka áherzlu
lagði hann á það að samningar myndu alls ekki taka
nema tvo mánuði, þannig að niðurstaða yrði örugglega
fengin eftir þann tíma.
Mikinn þunga lagði Spaak á það að ef Islendngar