Réttur - 01.01.1959, Side 80

80
B É T T U B
flokka yfir því að þeir væru ekki reiðubúnir til að láta
uppi svör sín en myndu gera það næsta dag.
Pyrr um daginn höfðu borizt umsagnir Fiskideildar
Atvinnudeildar Háskólans og Fiskifélags Islands um reglu-
gerðartillögu sjávarútvegsmálaráðherra. Jón Jónsson
deildarstjóri Fiskideildarinnar lýsti fylgi við reglugerðina
á fiskifræðilegum grundvelli: „Útfærsla fiskveiðilandhelg-
innar í 12 sjómílur er mjög æskileg, þar sem hún myndi
draga úr sókninni í fiskistofnana á þessu svæði og um leið
skapa vélbátaútgerðinni aukið athafnafrelsi." Einnig ræddi
hann nokkuð grunnlínubreytingar og taldi sumar þeirra
æskilegar frá fiskifræðilegu sjónarmiði. Meirihluti stjórnar
Fiskifélags Islands, þeir Davíð Ólafsson, Emil Jónsson,
Ingvar Vilhjálmsson og Margeir Jónsson samþykktu „að
leggja til að reglugerðin verði gefin út“; ekki minntust
þeir á það hvenær hún skyldi gefin út, en mæltu með
breytingum á grunnlínum og vildu að réttur íslenzkra
togveiðiskipa yrði ekki skertur. Minnihlutinn, Pétur Otte-
sen, mælti einnig með stækkun í 12 mílur og lagði til að
reglugerðin yrði „gefin út og birt sem fyrst“, einnig var
hann samþykkur grunnlínubreytingum en lagðist algerlega
gegn því að íslenzkum togskipum yrðu heimilaðar nokkrar
veiðar innan 12 mílna.
Sjálístæðisílokkurinn samþykkir
kröíur Atlanzhaísbandalagsins
21. maí kom Ólafur Thors á fund ríkisstjórnarinnar og
birti svar Sjálfstæðisflokksins; var það svohljóðandi:
„Forsætisráðherra hefur tilkynnt Sjálfstæðisflokkn-
um, að Framsóknarflokkurinn hafi ákveðið að hafna
algerlega frekari viðræðum við NATO-ríkin áður en fisk-
veiðitakmörkin verði færð út og hafi samþykkt, að fisk-
veiðitakmörkin skuli vera 12 mílur frá landi, en að o-
breyttum grunnlínum, íslenzkum togurum skuli fyrst um