Réttur - 01.01.1959, Side 84

84
RSTTDB
þær sem mest hefur verið rætt um verði teknar til
viðbótar landhelginni.
Enda það tekið fram af mér frá upphafi, sbr. bréf
28. apríl s.l. sem lagt var fram í landhelgismálanefnd-
inni, að 12 mílna landhelgi ásamt sneiðunum kysi
ég helzt.
2. Gildistökudagur reglugerðar yrði 1. september.
3. Islenzkum togskipum verði heimiluð veiðiréttindi inn-
an fiskveiðilandhelginnar eftir nánari reglum.
Þessi atriði var ég öll fús að taka til greina, enda væri
þá samkomulag um útgáfu reglugerðarinnar að öðru
leyti nú þegar.“
Eínahagsmálaírumvarp stöðvað
Jafnhliða landhelgismálinu voru einnig mikil átök um
annað stórmál, aðgerðir í efnahagsmálum. Hafði verið al-
varlegur ágreiningur um það mál milli stjórnarflokkanna
en þó að lokum tekizt samkomulag. Var Alþýðubandalagið
mjög óánægt með niðurstöðurnar, en hafði fyrst og fremst
fallizt á samkomulagið til þess að tryggja landhelgismálinu
framgang. Frumvarpið um efnahagsmálin var lagt fram
í þinginu 14. maí, en þegar ljóst var hvernig sakir stóðu i
landhelgismálinu neitaði Alþýðubandalagið algerlega að
afgreiða frumvarpið fyrr en ný reglugerð um 12 mílna
landhelgi hefði verið ákveðin. Voru hinir stjórnarflokk-
arnir æfir út af þessari afstöðu Alþýðubandalagsins, eins
og glöggt má marka af grein sem Alþýðublaðið birti 24.
maí undir fimm dálka fyrirsögn: ,,Kommúnistar stöðva
efnahagsmálin á alþingi og skapa vaxandi neyðarástand i
landinu. Einstök valdníðsla Einars Olgeirssonar í forseta-
stól neðri deildar. Vaxandi skortur á matvælum og lyfjum,
síldarvertíð tefst og hvalbátar aðgerðarlausir." Undir þess-
um stórhrikalegu fyrirsögnum var komizt svo að orði
m. a.:
„Kommúnistar hafa í meira en viku stöðvað framgang