Réttur - 01.01.1960, Blaðsíða 5

R É T T U R
5
iscaöflum Sjálfstæðisflokksins byr undir báða vængi og sann-
færði þau um að „viðreisn" þeirra væri orðin tímabær.
En þótt höfuðsakarinnar sé þannig að leita hjá samstarfsflokk-
um sósíalista í vinstri stjórninni er ekki þar með sagt að þeir
sjálfir eigi enga sök á því hvernig komið er. Þrátt fyrir mörg
frábær afrek forustumanna þeirra á undanförnum áratugum
hefur eins verið vant: nægilegra raunhæfrar áætlunar um óslitna
framvindu sósíalismans á öllum sviðum þjóðlífsins, þar sem
hvert skref væri fræðilega mótað með tilliti til íslenzkrar sér-
stöðu og heildarþróunar umheimsins. Þessi linkind stefnunnar
hefur þó fyrst og fremst átt rót sína að rekja til þeirrar staðreynd-
ar að atfylgi flokksmanna og kjósenda hefur ekki verið nógu
máttugt til að magna forustuna því sóknarafli sem hún hefur
þurft á að halda. Hin bættu lífskjör hafa svæft í stað þess að
vekja. Kapphlaupið um stundarhagsmuni hefur leitt til óeðli-
legrar tortryggni. Heilbrigð gagnrýni hefur stundum snúizt upp
í neikvæða lúsaleit og agg og nagg um keisarans skegg. Sumir
hafa jafnvel verið að því komnir að snúa baki við öllum þjóð-
málum á þeim forsendum að engum stjórnmálaforingjum væri
treystandi, óminnugir þess að slík afstaða felur einmitt í sér það
afsal hugsunar og þegnskyldu sem leiðir til uppgjafar lýðræðis-
ins og býður einræðinu heim. Með öðrum orðum: liðskostur
sósíalismans á Islandi hefur ekki verið nægilega einbeittur og
samstilltur til að standast fullkomlega spillingaráhrif stríðs-
gróðavaldsins og tæta jafnóðum sundur svikamyllu þess. Því er
nú komið sem komið er. Þessvegna hefur það dirfzt að láta höggið
ríða.
En eigi verður hopað fyrir höggi því. A tólfta þingi Sósíalista-
flokksins var öllum ágreiningi og mistökum búin gröf í hinu
liðna og skorin upp herör til einhuga sóknar. Það var svar for-
ustunnar við gagnbyltingu þeirrar afurvirku einstaklingshyggju
sem birtist í „viðreisn' núverandi ríkisstjórnar. Sérhverjum þing-
fulltrúa var ljóst að ekki væri einhlítt að yfirbuga þá forynju
erlends valds sem hér hefur riðið húsum síðan lýðveldið var stofn-
að, heldur yrði að teikna framtíðarbraut sósíalismans hér á landi