Réttur - 01.05.1933, Blaðsíða 44

ástir meS þeim. Til allrar óhamingju er heilsufarinu.
dálítið ábótavant. Þegar Þjóðverjinn er hraustur og
heilbrigður, þá er Gyðingastúlkan lasin, og svo á.
hinn bóginn. Þessu fer fram all-lengi, allt til dauða-
stundar Gyðingastúlkunnar. Á dánarbeðinum trúir
þessi göfuglynda kona elskhuga sínum fyrir því, að
hann sé blóðsuga. Á nóttunni saug hann blóð henn-
ar. En henni dettur ekki í hug að erfa það við hann,.
því að hún hefir fórnað stríðsmanni stóra Þýzkalands
Gyðingablóði sínu.
Þessi skáldsaga kom út rétt eftir stríðslokin. Ewers
hafði þá fyrst og fremst í huga hina ríku Gyðinga
við Kurfúrstendamm, sem gleyptu í sig hinar „satan-
isku“ skáldsögur hans. En svo kom kreppan. í bóka-
verzlunum lágu stafiar af endursendum bókum. Ew-
ers komst að raun um það, að hann myndi ekki leng-
ur geta lifað af blóðsugunum sínum. Þá komst hann
á náðir Hitlers, og honum var fengið það hlutverk að
skrifa æfisögu hins nýja píslarvotts.
í bók Ewers er Horst Wessel auðvitað lýst sem göf-
ugum hugsjónamanni. Hann á hreinlífa br'úði suður
í Vínarborg, en gleymir hinum flekklausa lífsferli
sínum, til þess að bjarga hinni syndugu sál stúlkunn-
ar Lutzi (eða Mitzi). Af því, og engu öðru, fer hann
að eiga mök við hana. Þetta er svo sem enginn at-
vinnuvegur; það er heilög köllun. Honum tekst að:
frelsa Lutzi frá öllum hennar löstum og öllum henn-
ar marxisma. Jafnframt berst hann hinni góðu bar-
áttu gegn Moskva. Það veit svo sem hver maður, að:
Moskva hefir ákveðið að leggja Þýzkaland í rústir.
Til þess hefir Moskva launaða friðla og vændiskon-
ur. Með aðstoð hinnar iðrandi Lutzi, fer nú Wessel á
kommúnistaveiðar. Og að lokum fellur hann fyrir
hendi eins Moskva-erindrekans, og dauði hans er
háleitur og fagur, eins og dauði kristins píslarvotts.
Vinir Horst Wessels hafa farið með sigur af hólmi..
Sósíaldemokratarnir hefðu gjarnan viljað mega hrópa'.
108