Réttur - 01.05.1933, Blaðsíða 52

verjum fyrir gasi til notkunar í stríðinu, en verður nú
að víkja embætti drjúpandi höfði með byltingar-
kennd í brjósti fyrir hinni ríkjandi stétt, er hann
þjónaði.
Marx skrifaði einu sinni, að sami andinn hefði
byggt upp heimspekikerfin í heila heimspekingsins
og járnbrautir með höndum verkamannsins. Þessi
orð skrifaði Marx í æsku, áður en hann hafði alger-
lega losað sig undan áhrifum hugsæisstefnunnar. En
þrátt fyrir umbúðir hugsæisstefnunnar fela orðin í
sér djúpan sannleika. Það getur ekkert ríki rekið
stóriðnað, ekkert ríki aukið tækin, ef það drepur
niður hina skapandi, vísindalegu hugsun á nokkru
sviði. Þýzka borgarastéttin, sem berst með eldi og
sverði móti hugsuninni á sviði félagsfræðinnar, á
sviði náttúruvísindanna, sökum þess hún sé ósamrým-
anleg „þýzkum anda“, viðurkennir með því, að þessi
þýzki andi sé orðinn ósamrýmanlegur við allar fram-
farir, og þá eins á sviði tækninnar. Og í raun og veru
er valdataka fasistanna á Þýzkalandi sönnun fyrir
því, að borgarastétt þessarar forustuþjóðar örvæntir
orðið um möguleikana fyrir frekari þróun á þeirri
braut, sem hún hefir hingað til gengið, og þá reynir
hún að bjarga sér með töfrabrögðum, sem allt af hafa
haldizt í hendur við brennur og bannfæringar.
Bókabrennan fyrir framan háskólann í Berlín er
ekki eingöngu brjálæðistiltæki drukkinna stúdenta,
sem aldrei höfðu ást á bókunum og kusu heldur að
teyga sannleikann úr bjórfötum. Bókabrennan fyrir
framan háskólann í Berlín er tákn, sem sannar öll-
um heimi, að hvaða mörkum mannkynið er komið.
Við kommúnistar höfum allt af haldið því fram, að í
dauðateygjum kapitalismans færist einnig það, sem
eftir er snilli og verðmæta í borgaralegri menningu.
Því vildu menntamenn borgarastéttar Vesturríkjanna
ekki trúa, og þeir vitnuðu til þróunar véla og nátt-
úruvísinda í auðvaldslöndunum. Leigutól burgeisanna
116