Réttur - 01.05.1933, Blaðsíða 16

svo kunnugt sé. Hann var félaus en menntunarfús, og
hann fyrirleit það ekki að búa hjá fátækum verka-
manni í Berlín til að g-eta aflað sér próflausrar mennt-
unar. Maðurinn varð seinna próflaus kennslumálaráð-
herra á íslandi. Eitt verkið, sem hann gerði var að
takmarka inngönguna í Menntaskóla Reykjavíkur, svo
félausum en menntunarfúsum piltum varð þar erfiðari
skólagangan. Annað verkið var, að reka tvo bláfátæka,
en menntunarfúsa unglinga, syni fátækra verkamanna,
úr Menntaskóla Norðurlands, fyrir að hneigjast að
kommúnisma.
Það er annars eitthvert átakanlegasta dæmið um aft-
urhaldssemina, sem smámsaman hefir heltekið Jónas
frá Hriflu, að hann skuli tala um prófleysi okkar
kommúnistanna. En trú hans á verkfræði Jóns Þor-
lákssonar máske að vaxa af því J. Þ. hefir próf? Og
fer hann bráðlega að dást að Magnúsi Guðmundssyni
sem dómsmálaráðherra af því að M. G. hefir próf, en
J. J. hafði það ekki.
Til frekari fræðslu fyrir J. J. skal þess getið, aö
Lenin hafði forgönguna um byltinguna í Rússlandi —
og var próflaus lögfræðingur —, og Stalin á mestan
heiðurinn allra einstaklinga fyrir framkvæmd -5-ára-
áætlunarinnar, — og er próflaus guðfræðinemi. Það er
lífið sjálft, en ekki sérfræðingar eins og Helgi á Kleppi
eða prófessor Guðmundur Hannesson, sem gefur það
próf, sem eitt saman gildir. Og eg hélt að J. J. myndi
mörgu gleyma áður en hann gleymdi því.
Hinsvegar skal það tekið fram til þess að firra mis-
skilningi, að það er engan veginn skoðun vor, að það
þurfi nauðsynlega próflausa háskólastúdenta til að
leiða verkalýðshreyfinguna. Þvert á móti: „Frelsun
verkalýðsins verður að vera hans eigið verk“ — og
það verða einmitt verkamenn og fátækir bændur á ís-
landi, sem sjálfir leiða frelsisbaráttu sína til sigurs,
þó okkur nokkrum menntamönnum hafi hlctnast sú
hamingja, að mega taka þátt í þeirri voldugu frelsis-
80