Réttur - 01.10.1974, Side 21

sem einn ]æru leidina (út úr ógöngunum). Ef
til vill verða enn þá tvær eða þrjár ríkis-
stjórnir að völdum áður en til þessa kemur,
en Kommúnistaflokkur Italíu getur nú leyft
sér að vona að þegar það gerist, þá verði það
samkvæmt eigin skilmálum flokksins.”
Ekki er vikuritið bandaríska „Time" (18.
nóv.) síður fullt viðurkenningar á ítölskum
kommúnistum. Það segir:
„Hreinir af hneykslum, hafa kommúnist-
arnir reynst dugandi stjórnendur 21 borgar.
Nú hafa flestir óvilhallir menn, venjulegir
borgarar og stjórnmálamenn, tilhneigingu til
að dást að og virða næstum allt í fari ítalskra
kommúnista.”
Og „Newsweek" er ekki myrkt í máli um
að miklar breytingar kunni að vera í aðsigi
viðvíkjandi Nato:
„Einrœðisstjórnirnar í Lissabon og Aþenu
eru horfnar og með þeim hin harðvítuga
and-kommúnistastefna, sem gerði þau lönd
að stoðum í varnarkerfi Nato. Grikkland
er farið úr hernaðarbandalagi Nato og sú
alda andúðar gegn Bandaríkjunum, sem yfir
landið gengur, stofnar í hættu herstöðvum
Bandaríkjanna þar."........
„Hernaðarsérfræðingar Nato eru mjög
áhyggjufullir út af þeirri hættulegu öldu
hlutleysisstefnu, sem að þeirra áliti sígur nú
inn yfir meginland Evrópu."
Þó gera Nato-menn sér vissar vonir, þó
„illa" fari. „Newsweek" segir um hugmynd-
ir „bjartsýnismanna" Nato:
„Þó Kommúnistaflokkur Italíu sé enginn
vinur Nato, þá segja þeir (bjartsýnismenn
Nato E.O.) að bilið milli Kfl. Italíu og
Moskvu sé svo breitt að Kfl. ltalíu yrði
aldrei verkfæri sovéskrar stjórnmálastefnu."
Þá er einnig fróðlegt að heyra hvað
„Newsweek" segir um aðstöðu og áhrif
Kommúnistaflokks Spánar á Spáni fasism-
ans:
„Þegar Franco varð veikur sl. sumar,
sendu svo að segja allir stjórnmálaleiðtogar
á Sþáni, — þar með taldir Carlos Arias for-
sætisráðherra og Juan Carlos de Borbon,
ríkiserfingi Erancos, — sendiboða á laun til
Frakklands til þess að ræða við Santiago
Carrillo, hinn útlæga leiðtoga Kommúnista-
flokks Sjánar, um fyrirætlanir hans."
Santiago Carrillo hefur góð sambönd á
Spáni og flokkur hans beitir sér fyrir mjög
víðfeðma samfylkingu þar allt til konungs-
sinna, embættismanna og liðsforingja. Og
„Newsweek" bætir við:
„En mikilvægasti bandamaðurinn til að
tengjast Kommúnistaflokki Spánar í tóma-
rúmi því, sem skapast, er kúgun Francos
lýkur, eru framfaraöfl kaþólsku kirkjunnar.
Og Carrillo hefur gert það bandalag að
hornsteini stjómmálastefnu sinnar. Þessi leið-
togi flokksins segir: „Valdið mun koma með
hamar og sigð i annarri hendi, en krossinn
í hinni.” — „Newsweek" hefur trú á sjálf-
stæði flokksforingjans og vitnar í eftirfarandi
umsögn kunnugs manns: „Hann hefur kunn-
að að laða fram nýja leiðtoga og hann hefur
aldrei fórnað flokknum fyrir hagsmuni Sov-
étríkjanna. Hann er maður framtíðarinnar."
Og ekki virðist vanta hjá „Newsweek"
trúna á að þessir kommúnistar geti stjórnað.
Um ítalska flokkinn segir það m.a.: „Leið-
togar kommúnista ertt reglulega kallaðir til
ráða af hálfu ríkisstjórnarinnar, auðvitað ekki
oþinberlega, og rætt við þá um mikilvægar
pólitískar ákvarðanir. Og hvað borgar- og
bæjar-stjórnir snertir, þá stjórnar Kommún-
istaflokkur Italíu mörgum mikilvægum borg-
um og ein af þeim — Bologna — er af
mörgum talin sú borg Evrópu, sem best er
stjórnað."
Látum hér staðar numið. Það er auðséð
að voldug bandarísk blöð búa nú lesendur
213