Réttur - 01.10.1980, Qupperneq 56

þýðusambandsþingið tók til meðferðar
ogeru hagsmunamál almennings." - „En
við vitum líka að allt hik vinstri flokk-
anna og í þessu tilfelli Alþýðuflokksins,
á því að framkvæma gefin loforð er stór-
hættulegt. Það er að leika sér að voðan-
um. Og við viljum vonast til að Alþýðu-
flokkurinn láti ekki samþykktir þingsins
verða að pappírssamþykktum heldur að
veruleika og til þess að svo megi verða
erum við kommúnistar fúsir til að að-
stoða hann.“
13. nóvember þetta haust var samþykkt
tillaga í Dagsbrún í Reykjavík þar sem
segir m. a.: ,. . . Samtímis álítur fundur-
inn að samvinna Alþýðusambandsins,
KFÍ og Framsóknarflokksins sé óhjá-
kvæmilegt skilyrði til að hindra sókn aft-
urhaldsins og hrinda starfsskránni í fram-
kvæmd og skorar því á stjórn Alþýðusam-
bandsins að vinna að því að slíkt samstarf
komist á . . .“
Þessi almenna þróun skal meðal verka-
lýðsins í landinu hafði sín áhrif á Siglu-
firði og efldi mjög vilja til sameiningar
verkalýðsfélaganna. Enda var ekkert lát
á baráttu Kommúnistaflokksins þar fyrir
málinu.
Stutt grein sem Þóroddur Guðmunds-
son skrifaði í Brautina 11. desember 1936
lýsir vel viðhorfi flokksins. Hún var á
þessa leið:
Alþýðusambandið og verkalýðurinn
,,í Alþýðusambandinu er nú sameinað-
ur meirihluti íslenskra verkalýðsfélaga og
með tilliti til hinna alvarlegu tíma, er
það stéttarskylda verkalýðsins að skipa
sér í raðir þess. Auðvitað geta ekki allir
verkamenn verið ánægðir með Alþýðu-
sambandið eins og það er, en einnig þeir
mörgu verkamenn, sem óánægðir eru
með hina pólitísku kúgun í sambandinu,
eiga að skipa sér í það og vinna að heil-
brigðum umbótum á lögum þess.
Menn verða að muna, að ýmsar þreng-
ingar steðja nú að íslenskri alþýðu og
þrátt fyrir hina alvarlegu galla á skipu-
lagi Alþýðusambandsins er það þó fjöl-
mennt samband íslenskrar alþýðu, sem
getur hindrað árásir íhalds og atvinnu-
rekenda og orðið alþýðunni að ómetan-
legu gagni.
Þeir, sem vinna að því að sameina í
Alþýðusambandið allan íslenskan verka-
lýð án tillits til skoðanamismunar um
pólitík, trúmál og aðrar sérskoðanh', eru
á réttri leið, en þeir, sem sí og æ halda á
lofti öllum deilumálum verkalýðsins,
þeir vinna að sundrungunni og veikja
stéttarsamtökin og hjálpa atvinnurekend-
unum.
Þegar um hagsmunamál stéttarinnar
er að ræða mega einstaklingar ekki ræða
málið út frá persónulegu sjónarmiði og
það er ekki sæmandi alvarlegum verk-
lýðsforingjum að láta stjórnast af tilfinn-
ingum og geðofsa undir slíkum kringum-
stæðum." - Þóroddur Guðmundsson.
Innan Verkamannafélagsins Þróttar
hafði sameiningarmálinu vaxið svo fylgi,
að á fundi í nóvember var samþykkt svo-
felld tillaga:
„Fundur í Þrótti samþykkir að bjóða
Verkamannafélagi Siglufjarðar inngöngu
í Þrótt að undanskildum þeim meðlim-
um Verkamannafélags Siglufjarðar sem
ekki koma til giæina samkvæmt lögum
Þróttar, enda hafi hver einstakur með-
limur Verkamannafélags Siglufjarðar
skrifað undir inntökubeiðni með eigin
hendi.“
Svo sem samþykkt þessi sýnir höfðu nú
248