Morgunblaðið - 20.01.2006, Blaðsíða 24

24 FÖSTUDAGUR 20. JANÚAR 2006 MORGUNBLAÐIÐ
MINNSTAÐUR
SUÐURNES
AUSTURLAND
Neskaupstaður | Það er engu lík-
ara en að fjallið ofan við Nes-
kaupstað logi á þessari mynd þar
sem sólin sleikir efri hluta fjalls-
ins. Með hverjum degi hækkar
sólin á lofti og brátt nær hún að
skríða yfir hæstu tinda og strá
geislum sínum inn í híbýli allra
bæjarbúa. Um þessar mundir er
sólarpönnukökuilm farið að
leggja um yzta hluta Norðfjarðar
og á hverjum degi bætast ný
heimili í hóp þeirra sem „séð hafa
sólina.“
Sólin hverfur sjónum bæjarbúa
í endaðan nóvember og það er því
fagnaðarefni þegar hún lætur sjá
sig á nýjan leik. Ystu húsin sjá
sólina í kringum 9. janúar, en
innstu húsin ekki fyrr en í byrjun
febrúar. Síðast sést sú gula í
Skuggahlíð innst í dalnum, en þar
bragða menn ekki sólarpönnukök-
ur fyrr en í marsmánuði.
Morgunblaðið/Kristín Ágústsdóttir
Sólarpönnukökuilmur
læðist um bæinn
Egilsstaðir | Í Þekkingarsetri á
Egilsstöðum er gert ráð fyrir upp-
byggingu öflugs þekkingarstarfs
og samþættingu rannsóknastarfs,
háskólamenntunar og nýsköpunar.
Setrið verður stofnað formlega í
vetrarlok, en unnið hefur verið að
undirbúningi verkefnisins síðan
árið 2001.
Ellefu aðilar eru nú þegar í
samstarfi um Þekkingarsetrið og
er starfsemi hafin. Næstu skref í
starfseminni eru m.a. stofnun vís-
indakaffis.
„Vísindakaffið verður sterkt
með góðu eftirbragði, haldið
fyrsta þriðjudag í hverjum mán-
uði, hið fyrsta 7. febrúar og ríður
þar Skógrækt ríkisins á vaðið,“
segir Guðmundur Ólafsson, fram-
kvæmdastjóri Héraðs- og Austur-
landsskóga, en hann hefur meðal
annarra unnið að undirbúningi
Þekkingarsetursins. „Hugmyndin
er að þarna muni sérfræðingar
koma saman og einhver stofnun
eða samstarfsaðili leiða það verk-
efni. Við ætlum einnig að leiða
fólk saman á sérfræðinga-
stefnumótum. Sú hugmynd kemur
úr grasrótinni, frá okkar vís-
indafólki úti á örkinni og til stend-
ur að leiða fólk saman dagpart eða
lengur þar sem kynntar verða
rannsóknir sem eru í gangi, farið í
gegnum það starf sem menn eru
að gera og rætt um frekari rann-
sóknir og leiðir.
Einnig er búið að leggja drög að
fyrsta námskeiðinu, sem verður
um umsóknagerð varðandi rann-
sóknarverkefni,“ segir Guð-
mundur. Þeir aðilar sem nú þegar
eiga aðild að Þekkingarsetrinu eru
Fljótsdalshérað, Fræðslunet Aust-
urlands, Þróunarfélag Austur-
lands, Héraðsskógar, Austurlands-
skógar, Landgræðsla ríkisins,
Skógrækt ríkisins, Háskóli Ís-
lands, Umhverfisstofnun, Nátt-
úrustofa Austurlands, Forn-
leifavernd ríkisins og
Búnaðarsamband Austurlands.
Guðmundur segir jafnframt að
á tímabilinu fram að formlegri
stofnun setursins eigi að fara í
skipulags- og húsnæðismál og
ljúka viðskiptaáætlun fyrir starf-
semina á næstu þremur mán-
uðum.
Að auki á að kynna setrið í at-
vinnulífinu og opinbera geiranum
og fá inn fleiri samstarfsaðila.
Þekkingarsetur á Egilsstöðum komið á skrið
Sterkt vísindakaffi
með góðu eftirbragði
Morgunblaðið/Steinunn Ásmundsdóttir
Sameinast um þekkingarsetur 11 aðilar eru byrjunaraðilar í samstarf-
inu. Setrið verður formlega stofnað í vor en starfsemi er þegar hafin.
BLÁA LÓNIÐ hf. vinnur að undirbúningi út-
rásar á erlenda markaði. Stefnt er að því að
hefja sölu á húðvörum fyrirtækisins í sér-
vöruverslunum í Bretlandi síðar á þessu ári og
jafnvel að opna eigin verslun í London. Í fram-
haldinu er stefnt að útflutningi til Norður-
landanna og Þýskalands og síðar á fjarlægari
markaði eins og Bandaríkin og Japan.
„Við teljum að mikil verðmæti felist í Blue
Lagoon-vörumerkinu. Það er orðið ansi vel
þekkt,“ segir Grímur Sæmundsen, forstjóri
Bláa Lónsins hf. Til þess að kanna það ná-
kvæmlega hversu þekkt vörumerkið er fékk
fyrirtækið markaðsrannsóknafyrirtæki til að
gera kannanir í Bretlandi, Þýskalandi og
Bandaríkjunum. Fólk á aldrinum 16 til 75 ára
sem notar netið var spurt að því hvort það
þekkti Bláa Lónið. Niðurstaðan kom jafnvel
starfsfólki fyrirtækisins á óvart, fólki sem tek-
ið hefur á móti einni og hálfri milljón gesta frá
öllum hlutum heimsins á undanförnum árum.
Um þriðjungur könnunarhópsins í Bretlandi
og Þýskalandi þekkti til Bláa Lónsins, nánar
tiltekið 34% Bretanna og 32% Þjóðverjanna.
Og 9% þeirra Bandaríkjamanna sem spurðir
voru könnuðust við þetta heiti.
„Þetta eru ótrúlegar niðurstöður og áhuga-
verðar fyrir okkur,“ segir Grímur. Hann segir
að flestir sem þekktu til Bláa Lónsins hafi frétt
af því í gegnum sjónvarp eða útvarp en margir
einnig komið sjálfir í heilsulindina eða heyrt af
Bláa Lóninu hjá fólki sem þangað hefði farið.
Því teldi markaðsrannsóknafólkið gæði svar-
anna mikil. Nú er unnið að sambærilegri könn-
un á Norðurlöndunum og segir Grímur að mið-
að við niðurstöðuna í Bretlandi og Þýskalandi
kæmi það ekki á óvart þótt helmingur fólks í
könnunarhópnum þar þekki til Bláa Lónsins.
Hvetur okkur áfram
„Þessar fréttir hafa hleypt meiri kjarki í
okkur til að halda áfram að vinna að því að
nýta þau óefnislegu verðmæti sem felast í Blue
Lagoon-vörumerkinu. Þær hvetja okkur til að
fara sjálfir dýpra inn í markaðinn með vörur
okkar, fremur en að fara styttri leiðina með því
að semja við aðila um bæði dreifingu og mark-
aðssetningu,“ segir Grímur. Stefnan hefur nú
verið sett á það að fara á erlenda markaði með
húðvörurnar sem framleiddar eru undir Blue
Lagoon-vörumerkinu.
Unnið er að gerð viðskiptaáætlunar fyrir út-
rásina. Grímur segir að markaðssetning á er-
lendum markaði sé dýr, kosti hundruð milljóna
króna. Því þurfi að fá áhættufé inn í fyrirtækið
til að það geti tekist á við þetta mikla verkefni
með myndarlegum hætti. Unnið er að und-
irbúningi þess.
Hugmyndin er að byrja í Bretlandi. „Við
ætlum að fara með vörur okkar inn í góðar sér-
verslanir og jafnvel að opna eigin verslun í
London,“ segir Grímur. Vonast hann til að
fyrsti áfanginn í þessu starfi verði kominn í
höfn á haustmánuðum. Samhliða verður unnið
á mörkuðum á Norðurlöndunum og í Þýska-
landi. Þá hafa áhugaverðar fyrirspurnir borist
frá fjarlægari mörkuðum, eins og Bandaríkj-
unum og Japan, en Grímur segir að fyrirtækið
muni einbeita sér að nærmörkuðum í upphafi
en gott sé að vita til þess að áhugi sé einnig að
aukast á þessum stóru mörkuðum.
Heimavinnan unnin
Grímur telur að Bláa Lónið hf. sé ágætlega
búið undir útrásarverkefni um þessar mundir.
Starfsfólkið hafi unnið heimavinnuna sína.
Fyrst nefnir hann að gerðar hafi verið
skipulagsbreytingar á fyrirtækinu sem gera
það að verkum að forstjórinn hafi getað snúið
sér meira að útrásar- og þróunarverkefnum.
Stjórnun daglegs rekstrar í heilsulindinni er í
höndun Önnu Gunnhildar Sverrisdóttur fram-
kvæmdastjóra.
Unnið hefur verið að rannsóknum á lífríki
baðlónsins. Grímur segir að sterkar vísbend-
ingar séu um að unnt verði að nýta virk efni úr
Bláa lóninu í húðvörur. Það skapi möguleika á
endurbótum á núverandi vörum og þróun
nýrra vörulína. Þá sé ekki útilokað að þessi
vinna gæti á seinni stigum leitt til hreinnar
lyfjaþróunar.
Unnið hefur verið á endurbótum á aðstöðu
til hráefnavinnslu í Svartsengi og samið við
danskt framleiðslufyrirtæki um að annast
framleiðslu á Blue Lagoon-húðvörum. Þetta
hefur skapað svigrúm til að auka framleiðsl-
una þegar nýir markaðir kalla eftir því.
Síðast en ekki síst má nefna það að fram-
kvæmdir eru hafnar við mikla stækku á Bláa
Lóninu – heilsulindinni og stækkun baðlónsins
sjálfs. Heilsulindin mun tvöfaldast að stærð og
baðlónið um nærri 50%. Grímur segir að bún-
ings- og baðaðstaðan verði stækkuð sem og
verslunin ásamt skrifstofum og annarri að-
stöðu fyrir starfsfólk. Þá verði byggður nýr
250 manna veislu- og veitingasalur. Jafnframt
verður allt eldra húsnæði heilsulindarinnar
endurnýjað. Jarðvinna vegna húsbygginganna
er langt komin og áætlað er að taka stækkað
húsnæði í notkun vorið 2007.
„Með þessum framkvæmdum erum við að
lyfta starfseminni á ennþá hærra stig og
styrkja þá ímynd sem Bláa Lónið hefur sem
einstök upplifun fyrir gesti,“ segir Grímur Sæ-
mundsen.
Bláa Lónið hyggst nýta sér verðmætin í Blue Lagoon-vörumerkinu til útrásar á erlenda markaði
Morgunblaðið/Ásdís
Útrás Grímur Sæmundsen forstjóri vinnur að útrás og þróun hjá Bláa Lóninu.
Húðvörur í verslan-
ir í Bretlandi í haust
Eftir Helga Bjarnason
helgi@mbl.is
Í fréttatilkynningu frá hér-
aðsnefnd Múlaprófastsdæmis
segir að við messu í Eiða-
kirkju nk. sunnudag, 22. jan-
úar, mun biskup Íslands
herra Karl Sigurbjörnsson
prédika og setja sr. Jóhönnu
Ingibjörgu Sigmarsdóttur inn
í embætti prófasts Múlapró-
fastsdæmis.
Messan hefst kl. 14. og
þangað eru allir velkomnir.
Kirkjugestum er boðið í kaffi
eftir messu í Kirkjumiðstöð-
inni við Eiðavatn.
Prófastur sett-
ur í embætti