Morgunblaðið - 20.01.2006, Blaðsíða 63

MORGUNBLAÐIÐ FÖSTUDAGUR 20. JANÚAR 2006 63
DAGBÓK
eignamidlun@eignamidlun.is www.eignamidlun.is
Sverrir Kristinsson lögg. fasteignasali
Traustur kaupandi óskar eftir 250-300 fm einbýlishúsi
á einhverju framantaldra svæða. Staðgreiðsla í boði.
Nánari uppl. veitir Sverrir Kristinsson.
EINBÝLISHÚS Í VESTURBORGINNI,
SKERJAFIRÐI EÐA FOSSVOGI ÓSKAST
Kynningarmiðstöð íslenskrar myndlistarhefur opnað nýtt og endurbætt vef-tímarit á ensku um íslenska myndlist.Tímaritið ber nafnið LIST – Icelandic
Art News.
„Því er ætlað að styðja við útrás íslenskra
myndlistarmanna og miðla fréttum til allra
þeirra sem fylgjast af áhuga með menningarlíf-
inu á Íslandi. Þetta er sívaxandi hópur. Íslensk
myndlist hefur verið í miklum uppgangi und-
anfarin ár og fær stöðugt meiri athygli erlendis.
Skemmst er til dæmis að minnast fjölmiðlaat-
hyglinnar sem Gabríela Friðriksdóttir hlaut á
Tvíæringnum í Feneyjum,“ segir Sigrún Sandra
Ólafsdóttir, verkefnisstjóri tímaritsins.
Á Listahátíð í Reykjavík sem haldin var síð-
astliðið vor, var sérstök áhersla lögð á myndlist.
Kynningarmiðstöð íslenskrar myndlistar, sem á
ensku nefnist Center for Icelandic Art, var
stofnuð og hóf útgáfu veffréttarits. Ritið hefur
verið gefið út mánaðarlega og verið sent út til
um 6.000 áskrifenda um allan heim. Þar hafa
verið fréttir á ensku af íslensku myndlistarlífi og
sýningum íslenskra listamanna erlendis. Ein-
stakir listamenn hafa einnig verið kynntir sér-
staklega.
„Ritið hefur hingað til tilheyrt vef Kynning-
armiðstöðvarinnar en er núna komið á sjálf-
stæðan vef, www.artnews.is. Það hefur farið frá
því að vera fréttabréf yfir í að vera alvöru vef-
tímarit. Það má segja að það sé í raun að vaxa
úr grasi og fullorðnast!“ segir Sigrún.
– Hvaða þýðingu hefur þetta fyrir íslenska
myndlistarmenn?
„Í raun er ekkert tímarit gefið út um íslenska
myndlist – hvað þá á erlendri tungu. Þetta er
því ákaflega mikilvægt. Við vonumst til að þetta
verði kröftug kynning fyrir íslenska myndlist á
erlendum vettvangi. Vonandi verður þetta ein-
hvers konar stökkpallur fyrir íslenska myndlist-
armenn,“ segir Sigrún.
Jón Proppé ritstýrir tímaritinu ásamt dr.
Christian Schoen sem er forstöðumaður Kynn-
ingarmiðstöðvarinnar. „Auk þeirra munu ýmsir
aðrir skrifa í blaðið og við stefnum að því að
LIST verði bæði öflugt kynningarrit fyrir ís-
lenska myndlist og vettvangur líflegrar um-
ræðu,“ segir Sigrún.
Fagfólk kemur að tímaritinu en einnig verður
um samstarf að ræða við listfræðiskor Háskóla
Íslands. Síðastliðið haust hófst kennsla til BA-
prófs í listfræði við skólann. Auk dreifingar á
netinu er stefnt að því að prenta sérstaka út-
gáfu af ritinu að minnsta kosti einu sinni á ári.
Það verður gert í fyrsta skipti í apríl næstkom-
andi.
Myndlist | Endurbætt veftímarit á ensku um íslenska myndlist
Stökkpallur fyrir íslenska myndlistarmenn

Sigrún Sandra Ólafs-
dóttir er fædd í Reykja-
vík árið 1974. Hún út-
skrifaðist frá Háskóla
Íslands með BA-gráðu í
mannfræði, með við-
skiptafræði sem auka-
grein, árið 2000. Hún
tók hluta af náminu við
Háskólann í Kaliforníu,
sem er í Berkeley. Síð-
astliðið haust hóf Sig-
rún Sandra nám í listfræði við Háskóla Ís-
lands. Hún er verkefnisstjóri LIST – Icelandic
Art News.
Aftur erfið alslemma.
Norður
♠954
♥ÁG4
♦ÁD954
♣K4
Vestur Austur
♠KG3 ♠D872
♥10532 ♥–
♦1082 ♦763
♣976 ♣DG10832
Suður
♠Á106
♥KD9876
♦KG
♣Á5
Í þætti gærdagsins sáum við illmeld-
anlega alslemmu úr Reykjavík-
urmótinu. Hér er önnur, ekki alveg
eins illskeytt, en náðist þó aðeins á
fimm borðum af tuttugu.
Ísak Örn Sigurðsson og Stefán Jóns-
son komust í sjö hjörtu eftir nákvæmar
„Icerelay“-rannsóknir:
Vestur Norður Austur Suður
– 1 grand Pass 2 lauf
Pass 2 tíglar Pass 2 spaðar
Pass 3 lauf Pass 3 tíglar
Pass 3 grönd Pass 4 lauf
Pass 4 hjörtu Pass 4 spaðar
Pass 5 tíglar Pass 5 hjörtu
Pass 6 lauf Pass 7 hjörtu
Allir pass
Stefán var í norður og fór vel af stað
þegar hann valdi að uppmeta spilin um
punkt og vekja á 15–17 punkta grandi.
Allar sagnir Ísaks (nema sú síðasta,
auðvitað) eru spurningar um skiptingu,
styrk og staðsetningu háspila.
Fyrst spyr Ísak um háliti með tveim-
ur laufum og Stefán afneitar fjórlit þar.
Ísak spyr svo nánar út í skiptinguna
með tveimur spöðum og þremur tígl-
um, og Stefán upplýsir fyrst um fimm-
lit í tígli (með þremur laufum) og lýsir
svo skiptingunni fullkomlega með
þremur gröndum: 3-3-5-2.
Þá leitar Ísak eftir fyrirstöðum, en
fjögur lauf er spurning um „kontról“
(ás=2, kóngur=1). Stefán sýnir 5 kont-
ról (hávöld) með fjórum hjörtum, og
staðsetur háspilin svo nánar í næsta
svari (fimm tíglar sýna fyrirstöðu í tígli
og hjarta, en ekki í spaða).
Enn spyr Ísak og nú um drottn-
ingar. Og þegar Stefán kveðst eiga
tíguldrottningu með sex laufum sér
Ísak fram á 14 slagi, en verður að láta
sér nægja að segja sjö hjörtu.
BRIDS
Guðmundur Páll Arnarson | dagbok@mbl.is
1. Rf3 Rf6 2. c4 c6 3. Rc3 d5 4. e3
g6 5. d4 Bg7 6. Bd3 0-0 7. 0-0 Ra6
8. cxd5 cxd5 9. Bxa6 bxa6 10. Re5
Dd6 11. Bd2 Hb8 12. a3 Hxb2 13.
Ra4 Hb8 14. Bb4 De6 15. Hc1 He8
16. Hc6 Df5 17. Hc7 Hb7 18. Hxb7
Bxb7 19. Rc5 Bc8 20. Da4 Dg5 21.
Rcd3 Bf5 22. Rf4 e6 23. Dc6 Bf8 24.
Dc7 Bxb4 25. Dxf7+ Kh8 26. axb4
Be4
Staðan kom upp á alþjóðlegu
móti sem lauk fyrir skömmu í Reg-
gio Emilia á Ítalíu. Rússneski stór-
meistarinn Denis Yevseev (2.554)
hafði hvítt gegn Niccolo Ronchetti
(2.402). 27. Dxe8+! og svartur gafst
upp enda verður hann hróki undir
eftir 27. … Rxe8 28. Rf7+ Kg7 29.
Rxg5.
SKÁK
Helgi Áss Grétarsson | dagbok@mbl.is
Hvítur á leik.
Fréttir á SMS
Löng bið
ÉG reyndi nýlega að panta tíma
hjá lækni í gegnum síma hjá
Heilsugæslunni á Seltjarnarnesi
en þurfti að bíða mjög lengi eftir
að ná í gegn. Var ég að velta því
fyrir mér hvort eitthvað væri að
símakerfinu þar, fyrst maður þarf
að bíða svona lengi eftir svörun.
R.S.
Farðu aðra leið heim –
segir lögreglan
UMFERÐARÖNGÞVEITI í
Hafnarfirði segir á mbl.is 17. jan.
sl. Ég spyr: eru menn að átta sig á
því núna fyrst að bílar hafa verið í
stanslausri röð frá ljósunum við
Kaplakrika að ljósunum við Vífils-
staði í langan tíma? Þetta er ekki
nýtt vandamál, þó að lögreglan í
Hafnarfirði hafi ekki áttað sig á
því fyrr. En lögreglan segir í sömu
frétt: „Lögreglan vill beina því til
ökumanna að fara aðrar leiðir til
baka úr vinnu svo að sama umferð-
arteppan myndist ekki aftur
seinna í dag.“ Bíddu nú við, eigum
við um margar leiðir að velja, hvar
hafa þessir menn verið und-
anfarið?
Eftir að ljósunum við nýbygg-
ingar Ikea sem Garðabær setti á
land okkar Hafnfirðinga, og yf-
irvöld okkar sögðu ok við, var
breytt, hefur ekkert gengið þar í
gegn. Vegagerðin og Garðabær
hafa okkur að fíflum og við leyfum
þeim það. En ætli ég velji nokkuð
aðra leið heim þó að lögreglan vilji
það. Ég á ekki kost á fljótlegri leið,
það er alls staðar sama umferð-
aröngþveitið, þökk sé vegagerðinni
og umferðarljósagleði Garðbæinga.
Bíleigandi.
Útburðarmál í ólagi
FRÁ upphafi hefur útburður
Fréttablaðsins ekki verið í lagi og
það eru margir sem fá blaðið með
höppum og glöppum. Hjá mér hef-
ur það ekki komið í nokkra daga.
Ef hringt er til að kvarta svarar
símsvari svo það hefur ekkert upp
á sig. Ég hef aldrei vitað til þess
að útburðarmálin væru í lagi.
Þeir á Fréttablaðinu monta sig
og birta súlurit um hvað Frétta-
blaðið sé miklu meira lesið en
Morgunblaðið. En hvernig geta
þeir vitað það þegar blaðið kemur
bara endrum og sinnum til les-
enda?
Bergur.
Um daginn og veginn
ÉG vil koma á framfæri fyrirspurn
til ríkisútvarpsins um hvort mætti
ekki endurvekja þáttinn Um dag-
inn og veginn.
Þetta var mjög vinsæll þáttur og
sígildur sem hætt var að útvarpa.
Oft voru þar heitar og miklar um-
ræður.
Óli Þór.
Velvakandi
Svarað í síma 5691100 frá 10–12
og 13–15 | velvakandi@mbl.is
Morgunblaðið/Ómar
Brúðkaup | Gefin voru saman 10. sept. 2005 í Garðakirkju af sr. Hans Markúsi
Hafsteinssyni þau Arna Ingibergsdóttir og Eyþór Einar Sigurgeirsson. Heimili
þeirra er í Garðabæ.
Árnaðheilla
dagbók@mbl.is
Ljósmyndastofa Erlings
AUGLÝSINGADEILD
netfang: augl@mbl.is eða sími 569 1111
TANGÓFÉLAGIÐ hélt sitt fyrsta
tangóball að argentínskum hætti í
Þjóðleikhúskjallaranum seinni
hluta nóvember á síðasta ári. Að
sögn Tómasar Albertssonar sem
er í stjórn Tangófélagsins tókst
það „svo vel – hátt í tvö hundruð
manns mættu – að framhald var
nánast sjálfgefið. „Við viljum
meira!“ var sagt við okkur úr öll-
um áttum“.
Það verður því haldið annað
tangóball á morgun, laugardag; „á
hinum sama, frábæra stað í mið-
borginni,“ eins og Tómas orðar
það, þ.e.a.s. í Þjóðleikhúskjall-
aranum.
Tómar segir það vera markmið
félagsins „að byggja upp tangó-
menningu á Íslandi, og er þetta
liður í þeirri stefnu okkar. Vin-
sældir argentínsks tangós fara
vaxandi um alla Evrópu og víðar.
Ísland er að komast á kortið sem
alvöru tangóland. Viðræður við
forstöðumenn Leikhúskjallarans
eru í gangi um að fá að bjóða
fólki upp á mánaðarlegan „mi-
longa“ þar. Okkur finnst að tangó,
dansmenning og Þjóðleikhúskjall-
arinn fari mjög vel saman.“ Þess
má geta að orðið „milonga“ varð
til á undan tangónum og var upp-
haflega notað um einsöng. Tómas
segir alla velkomna að kíkja inn
og hvetur fólk til að taka með sér
dansskóna.
Tangó að
argentínsk-
um hætti á
morgun