Morgunblaðið - 10.12.2006, Blaðsíða 2

2 SUNNUDAGUR 10. DESEMBER 2006 MORGUNBLAÐIÐ
FRÉTTIR
Góð í skóinn
Mörkinni 1 • Sími 588 24 00
Gullfalleg og ódýr bók
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björns-
son, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Sveinn Guðjónsson,
svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is
netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðið í dag
sunnudagur 10. 12. 2006
atvinna mbl.isatvinna
Gestir í vikunni 10.076 » Innlit 18.154 » Flettingar 142.035 » Heimild: Samræmd vefmæling
VINSÆLT AÐ VERA FLUGFREYJA
STARFIÐ ER SKEMMTILEGT OG TILBREYTINGARÍKT,
SEGIR RANNVEIG EIR EINARSDÓTTIR >> 10
Yf ir l i t
Í dag
Sigmund 8 Hugvekja 55
Veður 8 Myndasögur 70
Staksteinar 8 Dagbók 73
Hugsað upphátt 39 Menning 64/71
Sjónspegill 46 Staður og stund
74/77
Forystugrein 40 Leikhús 68
Reykjavíkurbréf 40 Bíó 74/77
Umræðan 47/54 Sjónvarp 78
Minningar 57/61 Víkverji 76
* * *
Innlent

Ruslpóstur er nú um og yfir 90
prósent af öllum póstsendingum á
Netinu, en ekki er langt síðan hlut-
fallið var 60 prósent, að sögn Björns
Davíðssonar, þróunarstjóra netþjón-
ustufyrirtækisins Snerpu. Fyrir
nokkrum árum spáði Bill Gates,
stofnandi Microsoft, að slíkum pósti
yrði útrýmt fyrir 2006. Annað hefur
heldur betur komið á daginn. » 18

Afleiðinga loftslagsbreytinga er
þegar farið að gæta til hins verra á
heitum og þurrum svæðum jarð-
arinnar en byrjunin annars staðar,
t.d. á norðurslóðum, kann að vera til
hins betra, þótt hvítabjörninn eigi
þegar bágt vegna hlýnunarinnar.
Þóra Ellen Þórhallsdóttir segir í
fréttaskýringu um loftslagsbreyt-
ingar í Morgunblaðinu í dag að áhrif
þeirra séu óviss, en hugsanlega svo
alvarleg að við getum ekki leyft okk-
ur að taka neina áhættu.
» 10-17

Sturla Böðvarsson samgöngu-
ráðherra segir Sundagöng að sjálf-
sögðu góðan kost og telur eðlilegt að
Vegagerðin og borgaryfirvöld hafi
komið sér saman um að leggja göng-
in í umhverfismat. Nauðsynlegt sé
að bera þau saman við aðra kosti. » 1

Lækkun virðisaukaskatts og
vörugjalda á gosdrykkjum og öðrum
drykkjarvörum með viðbættum
sykri samræmist ekki manneld-
issjónarmiðum sem ættu að vera
lögð til grundvallar í breytingum af
þessu tagi, segir meðal annars í um-
sögn Lýðheilsustöðvar vegna frum-
varps um lækkun virðisaukaskatts á
matvælum. » 80
Erlent

Fjörutíu og fimm konur biðu
bana í Moskvu aðfaranótt laug-
ardags þegar þær lokuðust inni á
sjúkrahúsi í miklum bruna. Talið er
að kveikt hafi verið í sjúkrahúsinu
og hafa saksóknarar hafið glæpa-
rannsókn vegna meintrar vanrækslu
við brunavarnir í byggingunni. » 1

Hópur kínverskra atvinnurek-
enda sem framleiða vörur fyrir
bandarísku smásölukeðjuna Wal-
Mart greiðir ekki lágmarkslaun, út-
vegar starfsfólki sínu ekki heilsu-
tryggingar og býður því upp á öm-
urlegar vinnuaðstæður. » 1

Íraskir og bandarískir embætt-
ismenn gáfu til kynna í gær, að ný
lög um skiptingu tekna af olíusölu á
milli helstu trúarhópanna í Írak, þar
sem íbúafjöldi ræður tekjudreifingu,
kynnu að vera á næsta leiti en deilur
um hana eru almennt álitnar hafa
spillt fyrir einingu landsins. Banda-
ríska dagblaðið New York Times
skýrði frá þessu á vefsíðu sinni.

Rússnesk yfirvöld eru sökuð um
að standa fyrir herferð gegn bresk-
um hagsmunum í Moskvu, að því er
breska dagblaðið Times greindi frá í
gær. Var þar sagt frá því, að breska
sendiherranum í borginni hefðu bor-
ist hótanir og lokað hefði verið fyrir
útsendingar breska ríkisútvarpsins,
BBC, í Rússlandi.

Annar fellibylurinn á skömmum
tíma reið yfir Filippseyjar í gær,
innan við hálfan mánuð eftir að byl-
urinn Durian dró á annað þúsund
manns til dauða. Ekki var ljóst
hversu miklu tjóni bylurinn, sem
hefur verið gefið nafnið Utor, olli
þegar Morgunblaðið fór í prentun.
ALLS 4.634 börn í 2.977 fjölskyldum
teljast hafa búið við fátækt á árinu
2004 þegar miðað er við aðferðafræði
Efnahags- og framfarastofnunarinn-
ar, OECD. Barnafjölskyldur teljast
hafa verið rúmlega 41 þúsund árið
2004 og er hlutfall fátæktar þannig
6,6%. Ísland er þó í hópi þeirra landa
innan OECD þar sem fátækt barna
mælist hvað minnst, en þetta kemur
fram í skýrslu um fátækt barna, sem
forsætisráðherra lagði fram á Alþingi
síðastliðinn föstudag að beiðni Sam-
fylkingarinnar.
Veigamestu skýringarþættir
mældrar fátæktar barna eru aldur
foreldra, hjúskaparstaða og tíma-
bundnar aðstæður. Þannig mældist
hlutfallslega mest fátækt hjá einstæð-
um foreldrum innan við tvítugt; hlut-
fall fátækra barnafjölskyldna af öllum
barnafjölskyldum er um 2⁄3 þegar for-
eldrarnir eru innan við tvítugt. Hjá
foreldrum eldri en 30 ára er hlutfallið
um 4%. Fátæktin varir hins vegar í
stuttan tíma hjá flestum, en í skýrsl-
unni segir að sérstök athugun hafi
leitt í ljós að ¾ fátækra fjölskyldna ár-
ið 2000 voru það ekki lengur árið
2004.
Skattar draga úr fátækt
Í skýrslunni kemur fram að ef fá-
tækt er mæld miðað við tekjur ein-
vörðungu teljast 12,7% barna hafa
búið við fátækt árið 2004. Hlutfallið
lækki hins vegar um 6,1 prósentustig
fyrir áhrif skattkerfisins og þá sér-
staklega vegna barna- og vaxtabóta.
Þegar tekið er tillit til námslána frá
LÍN lækki hlutfallið í 6,3%. Meðlags-
greiðslur til einstæðra foreldra lækki
hlutfallið enn frekar en ekki liggi fyrir
fullnægjandi tölulegar upplýsingar
um þessar fjárhæðir.
Samkvæmt aðferðafræði OECD
miðast fátæktarmörkin við ráðstöfun-
artekjur heimilanna, eða 50% af mið-
tekjum, en það eru þær tekjur þar
sem jafnmargir eru með hærri tekjur
og lægri. Þetta þýðir að ávallt mælast
einhverjir fátækir, sama hversu vel
tekst til um þjóðfélagsþróunina.
Fjöldi barna sem teljast undir fátækt-
armörkum sveiflast því nokkuð í sam-
ræmi við þróun fátæktarmarkanna.
Þannig voru fátæktarmörkin nær
50% hærri að raunvirði árið 2004 en
10 árum áður. Álíka hátt hlutfall
barna telst hafa búið við fátækt á ár-
unum 1994 og 2004, en árið 1999 var
hlutfallið í kringum 4,8%.
6,6% íslenskra barna
teljast búa við fátækt
Fátækt mest hjá börnum einstæðra foreldra innan við
tvítugt að því er segir í skýrslu sem lögð var fyrir Alþingi
Í HNOTSKURN
» Samkvæmt aðferðafræðiOECD teljast 6,6% ís-
lenskra barna hafa búið við fá-
tækt árið 2004, eða 4.634 börn.
» Skatta- og bótakerfið hef-ur þau áhrif að fátækum
börnum fækkar um helming.
GLATT var á hjalla á skógræktarsvæði skógræktarfélag-
anna í Brynjudal í Hvalfirði þegar vel á þriðja hundrað
starfsmenn Eimskips og fjölskyldur þeirra lögðu leið sína
þangað fyrir skemmstu. Var þeim þar boðið að velja og
höggva sitt eigið jólatré í skógi sem ræktaður hefur verið í
botni dalsins. Ekki spillti fyrir þegar þrír jólasveinar
mættu á svæðið og glöddu ungviðið.
Við þetta sama tækifæri var undirritaður samstarfs-
samningur milli Eimskips og Skógræktarfélags Íslands.
Samkvæmt upplýsingum frá Brynjólfi Jónssyni, fram-
kvæmdastjóra Skógræktarfélagsins, felur samningurinn
í sér frekari uppbyggingu og bætta aðstöðu fyrir gesti
sem leggja leið sína í Brynjudalinn, en samningurinn er
til þriggja ára.
Ljósmynd/Daníel Bergmann
Sóttu sér jólatré í Brynjudal
Handsal Bragi Þór Marinósson, framkvæmdastjóri Norður Atlantshafssviðs Eimskips, og Magnús Jóhannesson,
formaður Skógræktarfélags Íslands, undirrituðu samninginn en hann gildir til þriggja ára.
UNG kona fannst látin á gisti-
heimili í Rangárvallasýslu á
þriðjudagsmorgun og var dánaror-
sökin hjartastopp. Að sögn lög-
reglunnar á Hvolsvelli, sem kvödd
var á vettvang, var um að ræða
rúmlega þrítuga íslenska konu
sem gisti á gistiheimilinu ásamt
karlmanni aðfaranótt þriðjudags.
Staðfest er að fíkniefna var
neytt en lögregla kveður ekki upp
úrskurð um það hvort banamein
konunnar hafi verið of stór
skammtur fíkniefna þá um nóttina.
Karlmaðurinn sem var herberg-
isfélagi konunnar lét lögreglu vita
þegar hann varð áskynja um
ástand hennar og var tekin lög-
regluskýrsla af honum í tengslum
við málið. Hann var þó ekki yf-
irheyrður með réttarstöðu grunaðs
í málinu enda ekki talin ástæða til
þess að sögn lögreglunnar. Ekkert
benti enda til þess að um átök eða
ofbeldi hefði verið að ræða þá um
nóttina og málið því ekki rann-
sakað sem sakamál. Lögreglan
segir afskiptum sínum af málinu
lokið og verður það ekki rann-
sakað frekar.
Fannst látin á
gistiheimili LÓÐIR við fimmtán skóla í Reykja-vík verða endurgerðar og endurbætt-
ar á næsta ári samkvæmt samþykkt
framkvæmdaráðs borgarinnar. Sam-
tals verður framkvæmt fyrir 150
milljónir kr. á næsta ári og samhliða
farið yfir áherslu í þriggja ára áætlun.
Fram kemur að ástand skólalóðanna
er misgott og eru verkefni misstór.
Þær skólalóðir sem hér um ræðir og
tekið verður til hendinni á eru lóð
Álftamýrarskóla, Fellaskóla, Folda-
skóla, Langholtsskóla, Laugarnes-
skóla, Laugalækjarskóla, Klébergs-
skóla, Hólabrekkuskóla, Hlíðaskóla,
Vesturbæjarskóla og Vogaskóla.
Mestu er varið í framkvæmdir á lóð
Laugalækjarskóla eða 22 milljónum
króna.
150 millj. í
skólalóðir